شبكة البراري - جحيش بن مهاوش وابناؤه

والقصة وما فيها أنهم تنكروا لوالدهم حيث توفيت أمهم وهم صغار وقام بتربيتهم حتى كبروا

وكان لهم بمثابة الأم والأب يسهر الليالي على رعايتهم وراحتهم وفي النهار يذهب لجلب طعامهم............. الخ

وعندما كبروا تنكروا له وأصبح لا يريده أحد منهم مراعاة لخاطر زوجاتهم اللاتي تأففن من خدمته

وصار كل واحد منهم يطرده من بيته فما كان من الوالد إلا أن سكن إحدى (الخربات)

حتى صار لا يقوى على النهوض أو السير وضعف بصره فذهب زاحفا يتوسل

ويرتجي أبناؤة بأن يمكث عندهم حتى يقضي الله أمرة فلم يستجب له أحد منهم ......................

فقال فيهم الأبيات التالية :

قـــــــال الذي يقرا بليا مكــاتيب 00000000000 ياللي تقرون العمى من عماكم

ياعيالي اللي تشرفــون المراقيب 0000000000 تريضوا لي واقصروا في خطاكم

خذوا كلام الصدق مـــا به تكاذيب 00000000000 مثل السند مضمون للي وراكم

ياعيال لا صرتوا ضيوف ومعازيب 0000000000 ترى الكلام الزين ملحة قراكم

وتروا السبابة من كبار العذاريب 0000000000 وهرج البلايس ما يطول لحاكم

المذهب الطيب فهو مذهب الطيب 0000000000 والمذهب الخايب يبور نساكم

ياعيال مـــا سرحتكم باللواهيب 0000000000 ياعيال ما عمر المعزب ولاكم

ياعيال مـــاضربتكم بالمشاعيب 0000000000 ولا سمعوا الجيران لجة بكاكم

يامـــــا توليت القبايل تقل ذيب 0000000000 من خوف لاينقص عليكم عشاكم

وياما شربت السمن من عرض ماجيب 0000000 يـــفــز قــلبي يوم يبكي حداكم

أحفيت رجليني بحامي اللواهيب 0000000000 وخليت لحم الريم يخالط عشاكم

ياعيال دوكم لحيتي كلها شيب 0000000000 هذا زمان قعودنا في ذراكم

قمت اتوكا فوق عوج المصاليب 0000000000 قصرت خطانا يوم طالت خطاكم

عطوني القرضة عليكم مطاليب 0000000000 عطوني القرضة جزى من جزاكم

لابد يوم عــــاوي دوني الذيب 0000000000 بالقبر ما افرق طيبكم من رداكم

ماني بفاضحكم بوسط الاجانيب 0000000000 باعمالكم يدرون كل اقرباكم

لوكان تدرون الردى والمعاييب 0000000000 صرتوا مع المخلوق مثل خوياكم

خوالكم بالطيب تروي المغاليب 0000000000 ولو تتبعون الجد محدن شناكم

وش علمكم يا تاركين المواجيب 0000000000 حسبي عليكم هالردى وين جاكم

قصيتكم واسندت وادي سلاحيب 0000000000 ولقيت بالصبخا مدافيق ماكم

ياعيال بعتوني (بصفر العراقيب)* 000000000 ما هي حقيقة سود الله قراكم

يالله عسى اعماركم شمسها تغيب 00000000 يعتم قمركم ثم تظلم سماكم

يا علكم في حاميات اللواهيــــــب 00000000 ياللي على الوالد خبيث لغاكم

شفت الجفا والحيف والغلب والريب 00000000 بضلوعكم لابيض الله قراكم

عسى نساكم مـــا تحمل ولا تجيب 00000000 ولا حدن من البزران يمشي وراكم

اخسوا خسيتوا يـــا كبار اللغابيب 00000000 اهبوا هبيتوا يقطع الله نماكم

لاحول ولا قوة إلا بالله ...نعوذ بالله من عقوق الوالدين

منقول ,,,,