|
ابي صور لمقطورات ( قلص ) البراري
السلام عليكم ورحمة الله وبركاته
عندي من زمان فكرة عمل مقطورة ( قلص ) ويكون به جميع متطلبات الرحلات وياخذ اسم البراري انا عندي رسومات سويتها من حوالي سنه ولكن للاسف لم تخرج الى النووور والسبب ما لقيت عامل ورشة يفهم وش ابي بالضبط ودي بفزعتكم كل ما شفتوا اي قلص في سيارة تصورونه لي واذا احد عنده صور قديمة عطونيها واذا تعرفوون ورشة راعيها رااايق لي ابشتغلها عنده وله دعاية مجانية وترى ورش الزلفي يمدحووووونها على العموم انتظر افكاركم ومقتراحاتكم لعمل هذا القلص وبيكون قنبلة الموسم لهواااة البر مميزات في التصميم حقي : قز ودبة غاز 2 تانكي ماء حجم 100 لتر للواحد 2 جالون بنزين دكة للجلوس مقاسها 3 × 2،40 طربال للظل 3 × 5 شناط للعدة استبنتين وحدة للقلص والثانية للسيارة فرن صغير جميع الادوات للبر من مسحاة وفأس ومرزبه مكان للخيمة مكان للفرش ( فرش النوم ) مكان للحطب ثلاجة صغيرة على البطارية مكان للنوم في الظروف الخاصة لعدد ثلاث اشخاص امكانية عمل الاكل داخل القلص ومحل شبة نار ( وجار ) هذا اللي انا تذكرته في التصميم وباقي اشياء صغيرة لا تكاد تكون مهمة جدا يالله فزعتكم يالربع في عمل مقطورة ( قلص ) البراري يعني حقين الخرائط اطيب منا في عمل خارطة البراري والا حقين الطقس في جوال البراري انتظر توجيهااتكم مشكوووووووووورين سلام |
https://www.mekshat.com/pix/upload/im...k44302_asd.jpg
https://www.albrari.com/vb/uploaded/148_1229763931.jpg https://www.albrari.com/vb/uploaded/148_1229763938.jpg https://www.albrari.com/vb/uploaded/148_1229764035.jpg https://www.albrari.com/vb/uploaded/148_1229764076.jpg https://www.albrari.com/vb/uploaded/148_1229764332.jpg هذي بعض الصووور وابي شي جديد https://www.albrari.com/vb/uploaded/148_1229764883.jpg شوفوا طريقة بداية القلص ( الممسك من عند السيارة ؟؟ سلام |
|
هذا موضوع ثاني منقوول يمكن نستفيد منه
السلام عليكم ورحمة الله وبركاته.. الصوره لسياره وانيت فورد غمارتين تصميم لوري قير دبل اتوماتيك ست كفرات 12 كانديس مصممه خصيصا للرحلات كاملا مستكملا من كافه اللوازم والعدد والادوات الضروريه ودينمو هواء قوي ثمانيه حصان مركب على الماكينه بخزان .... اضافه الى الى سعتها لنوم ثمانيه اشخاص حيث ان الغرفه الخلفيه تتكون من دورين وحيث يوجد في الخلف دوره مياه متنقله مع خزان ماء سعه 300 لتر وكذلك يوجد في الخلف فرن للمندي على الغاز ثابت + متحرك+ شبك للحطب ..... كما توجد بطاريه تعبئه على دينمو السياره سعه 200 امبير بمفتاح فصل عن بطاريه السياره في حاله الاناره.... تكفي للاناره لمده ثلاث ليال بدون استعمال الماطور .... بالاضافه الى وجود ماطور الف شمعه احتياطي .... اضافه الى وجود ونش سحب اربعه طن في الصدام الامامي وقلص سحب خلفي وخزانات مياه تسع الى 500 لتر وبالاضافه الى ثلاجه وادراج كامله وكمله بالعدد وماطور سحب ماء للسيول على البطاريه + فلاتر تصفيه ويوجد في السياره ثلاث خزانات للبنزين تتسع الى 180 لتر ..... بالاضافه الى توانك اضافيه جانبيه تتسع لـــ 40 لتر من البنزين ويوجد خيمه جانبيه 3 في 2 متر .... مشبوكه في جانب السياره وتوجد شبابيك المنيوم لكافه الجوانب للرؤيا من كافه الاتجاهات باب الغرفه الخلفيه جانبي على درج متنقل وزلاجات من اجل صعود الدبابات ويوجد محول كهربا من 12 فولت الى 220 فولت وهناك ثلاث اسره للنوم متنقله ضمن الغرفه ومع وجود كشافات كبيره علويه هيلوجين مع كشاف كهربائي متحرك زينون مصنوع يدويا ولا يوجد له مثيل بالمملكه ويكشف مساحات واسعه وواضحه وضوح الشمس في الليل وشراع الغرفه العلويه (( الدور الثاني )) مدبل وومكن استخدام الغرفه العلويه عن طريق السلم الجانبي المطوي فوق الغماره كجلسه عائليه ومتكأ للراحه تشاهد من خلالها المناظر الطبيعيه في الربيع ويوجد دولاب للمعاميل داخل الغرفه وسلم داخلي للدور العلوي يستخدم في الشتاء وفي اوقات المطر مع معلاق ذبيحه متحرك وكذلك عدد ثلاث سلالم والاناره بكاملها مسلك لها داخليا وخارجيا من كافه الجوانب خط 12 فولت وخط 220 فولت اضافه الى وجود عمود اناره عام في الخلف يمتد الى علو 9 متر يكشاف قوي يعمل على ماطور الكهرباء بالاضافه الى وجود مساحي وشيول وكريك والكزمه والشواكيش وحبل سحب طويل ياصل الى 25 متر الى الصور |
كفوا والله ابو ناصر ابشر باللي يدور لك اللي تبي
والله يجعله بداية خير وبركه دندشه |
المقطوره الأولى عجبتني حيل و خفافيه وما تكلف كثير
يعطيك العافيه أبوناصر |
يا اخواااااااااان انا متحمس للموووضووع بقوووة
فتكفووون لا تبردووون همتي اشكر اخوووي دندشة فقد بث فيني الحماااس وكذلك اخووي الرقمي وين البقية ؟؟ مشكووورين سلام |
هذي صور لقلص مصمم وجاهز وفيه افكاااار حلووه مجموعة عربات ” قلص ” روووعة لمحبي الرحلات البرية .. مصنوعة في مصنع الضويان بمحافظة الرس بمنطقة القصيم بالسعودية يالله وينكم ؟؟؟ سلام |
السلام عليكم ورحمة الله وبركاته
يا هلا يا ابو ناصر انت تعال لمي ويبي يسهل الله امرك والورشة قريبة ومتخصصة في القلوص وعسى الله يهدي راعيها ويفرغ لنا |
| الساعة الآن 11:39 AM |
Powered by vBulletin .
جميع الحقوق محفوظة © لشبكة ومنتديات البراري 2010