|
صوت غريب في الباثفيندر والسبب أغرب !!
السلام عليكم ورحمة الله وبركاته ...
عندما تسمع صوتا غريبا في سيارتك .. ماذا ستفعل ؟؟ أكيد ستهرع بها الى أقرب ورشة وإذا كان الصوت مخيفا والسيارة جديدة إلى الوكالة وعلى سطحة !! وقد حصل معي نفس الشيء .. فقد ظهر صوت غريب في الماكينة وهو عبارة عن صوت طقطه يشبه صوت القزوز !! إستغربت الصوت وذهبت بها الى أفضل الورش فقال الأول حساساات والثاني الكويل والثالث البلوف والرابع الكهرب زايد والوكالة موعد بعد شهر عشان تجيبها مخبطة وبعد الطقاق فحصوها وقالوا مافيهاشيء !! والأخير طينها وقالي توضيب قير ؟؟َ!! وماخليت صناعية الى وتنزهت فيها !! وفي الأخير أتدرون مالعلة أخاف أقول ماتصدقوني !! ذهبت الى إحدى الورش أبغى يفحص السيارة وقام وفحصها كومبيوتر وقالي السيارة سليمة .. بس عندي لك حل !! أنا إستغربت الحل وقعدت أضحك وقلت الله يخلف على أميمته قال : غير محطة البنزين اللي تعبي منها ويروح الصوت )) تصدقون ماصدقته وبغيت أروح أعبي من نفس المحطة .. بس قلت خلني أجرب وفعلن غير المحطة ولله الحمد إختفى الصوت ؟؟ عارف إني طولت .. بس اللي يعرف السبب يقولي ؟؟ |
حتى لوووني اعرفه
منيب معلمك لانك ما شاااورتني من البدايه !!!!!!!! واذا شفت وجها لوجه علمتك العلم اللي يجمد على الشارب الحين عرفت ليش نهام مستقصدك مشكوووووووووووووووور سلام |
الامر غريب علينا واول مرة نسمع بمثل هذا
وسوف نسأل اصحاب الورش وربي يجيب اللي فيه خير |
غريب الصوت اللي قلت
ولكن يمكن البنزين متوصخ ويأثر على الاحتراق في المكينه الحمد لله على السلامة |
كما قال اخي السبب نوع البزين او ان البنزين ماهو ممتاز
شكرا لك على استشرتناا |
والله ياهادي .. نهام حاط دوبه ودوبي بالله علمني ليش .. !! ووش دخل البنزين في استقصاده لي ؟؟!! حيرتني !!
قاهر الصحراء مو غريب وبس الا عجيب .. !! أخوي الجارح فعلن البنزين ماكان متوصخ الا مخلوط معاه يازيت ياقاز ياشين ثاني مو صافي والدليل لو تعبي سيارتك بنزين فل وتزود عليها بثلاثه ريال قاز طلع عندك الصوت وطلعت ريحة البنزين مختلفة شوي وقلت الصرفيه بمعدل 25 في الميه !! بس كثرتها تخرب السيارة ؟؟ واتوقع ان راعي المحطة اللي عبيت منه مسوي كذا ؟؟ تسلم أخوي ابن سليمان على المشاركة .. |
طيب مدام المساله فيها غش
ليه ما يتم تبليغ الجهات المسؤوله عن مثل هذه الامور الحمد لله على سلامة سيارتك |
الحمد لله ان موترك ماجاه شي
لكن نصيحتي غير فلاتر اللي يمر فيها البنزين |
احمد ربك اللي ما خبط عليك الموتر وضاع شقى عمرك
ومثل ما قال اخوي شيك على الفلاتر لاتكون منعدمة |
سلمتوا والله كلكم وانشاء الله ابغير الفلاتر .. وبالنسبة للمحطات فيه لجنة تقوم بمتابعة الغش فيه عساهم يطيحون بالمحطة اللي خسرتنا ؟
|
| الساعة الآن 04:30 AM |
Powered by vBulletin .
جميع الحقوق محفوظة © لشبكة ومنتديات البراري 2010