|
الفزعة عطونا حل ....؟
السلام عليكم ورحمة الله وبركاته ..
كل عام وأنتم بخير الحقيقة عزمت أحط لي كنود في السيارة ولا أدري كيف التوصيل للبطارية وللأنتل بس مابي يضر الباب أو ربل الباب أو يسبب تنسيم . والسيارة هايلس 2004 فقلت ياولد ما لي إلا منتدى البراري آخذ مشورتهم . فلا تبخلون علينا بخبرتكم |
حياك الله اخوي هامة مضر
سلك التكهرب في الامكان انك تدخله مع فتحت سلك الكبوت اللي عند الكلتش يسار فوق وتمده الى الجهاز اما بخصوص الانتل فيه في الغماره من الخلف ربل مع الجهتين من اليمين واليسار سو له خرم ودخل سلك الاريل معه ووصله الى القاعده اذا احتجت شي ابشر بعزك في منتدى الأفكار البرية والكشفية ...................................تجهيز السيارات والخيام والأفكار البرية والكشفية دندشه |
هلا أخوي دندشه أسعد الله مساك
بالنسبة للخرم للأنتل مافيه ضرر من ناحية التنسيم أو يبين مع العلم انه غمارتين . كيف خرم يعني بدريل ولا وش به . شاكرلك اخوي دندشه |
اقتباس:
عيدك مبارك اخوي وتقبل الله منكم ومنا الصيام والقيام يوجد في موخرة الغماره بين الصندوق والغماره تحديدً ورى المرتبه الخلفيه ربل مدور الشكل اسود سو به خرم بواسطة موس ومرر السلك وحط سلكون عن الغبار لا يدخل وان بغيت ايضاح اكثر علمني واصورلك كل شي بالصور دندشه |
هل دندشه ما حصلت ربل مدور ما فيه إلا حديد في حديد . ترى الموتر غمارتين .2004عموماً شكلي أبخرق الصاج بالحديد على قد سلك الأنتل هاليومين .
شاكر لك أخوي دندشه وماقصرت رايتك بيضاء |
لا تخرق ولا شي انتبه
ابصورلك هايلوكس 2004 واوريك مكان الربل لا تستعجل الليله ان شاء الله عندك دندشه |
ما قصرت يا خوي انا في الانتظار
|
الموجود في اول زاوية الرفرف الايمن والايسر ربلين الاول كبير الحجم والثاني صغير الحجم ومن داخل الغماره خلف الغطاء البلاستيكي خلف المرتبه الخلفيه وهذي صورة الربلات اللي بين الصندوق والغماره https://members.lycos.co.uk/albrari/up/ar/2004.jpg لا تنسى اخرج الربل بواسطة السحب بيدك وافتح فتحه طوليه كبر اخر السلك حق الاريل الحديده اللي تشبك في الجهاز وزد شوي بعد ماتدخل السلك وتنتهي من التثبيت القاعده اكبس الربل في مكانه وحط على طول الفتحه سليكون اسود وتوكل على الله . { يفضل انك تستعمل الكبيره احسن }:36_1_11[1]: واي استفسار ابشر دندشه |
بيض الله وجهك أخوي راح أسويها عن قريب
|
حياك الله وموفقك
دندشه |
| الساعة الآن 07:43 PM |
Powered by vBulletin .
جميع الحقوق محفوظة © لشبكة ومنتديات البراري 2010