|
,,,,,,, بيتين شعر من نضمك (( مجاراة )) ,,,,,,,
بسم الله الرحمن الرحيم اكتب بيتين من نضمك والشعراء اللي بعدك يقومون بمجاراتك في بيتين على نفس الوزن والقافية . بعد رد الشعراء بالعدد الكافي سوف اقوم انا او احد الاعضاء بجمع المشاركات ويأتي شاعر بأبيات جديده ويتم مجاراتها نامل أن لا تتجاوز بيتن فقط لكي تسهل المشاركة للجميع . اتمنى المشاركة والتفاعل وعدم الاخلال بشروط الموضوع تحيتي للجميع الآن ننتظر احد الشعراء بوضع بيتين فقط وسوف نقوم بمجاراتها |
مزون الغرام اللي بها عشقنا براق
تهل العتب واللوم وتسيل اشناقه لها اعوام ما انزاحت وهمالها دفاق وحتى شعاع الشمس مابان مشراقه اربعة قروش مبدع يارعد وفكره جميله الله يعطيك العافيه |
فكرة جميلة جداً أخي رعد الشمال أشكرك عليها تغيث القلوب العطش وتزيدها اشواق وتنشي له الأحـــلام وتزيد في ارهاقه وتـزرع بــذور الـحــب وتبلها بارفاق وتصبح بـعـــدها قـلـوبنـا دوم عشـاقه :ordh: |
ما دام الغلا موجود ماغثربه بواق لا بده مـزون اللوم للشرق منساقه يهب الغلا والقرب ويحرك الاشواق ويشيل العتب واللوم ويبعثر اوراقه كل الشكر للشاعرين اربعة قروش وابو سيرين على الابداع ننتظر بقية الشعراء لتكتمل المجاراة ونطلع بأبيات جديده تحيتي |
عطاشا جميع واتعب القلب زاد ارهاق
زمانين مابه سيل يامصعب افراقه وسموم دعت من حرها كل شي احراق وعيون على شوف السحب دوم تواقه مشكور ابو حاتم على الموضوع والفكرة الجميلة والشكر لكل الشعراء المشاركين |
الله يبيض وجيهكم جميعاً .. فكره وطرح وموضوع مميز يابوحاتم الله يسعدك .. تم تثبيت الموضوع وختم بالتميز واعلا تقييم تستااااهل يالقرررم ،،
|
موضوع رآئع .. وفكــره ولاأروع ..
أسعدك الله يارعد الشمال ... سبقني أستاذي عابر سبيل بالتثبيت والتقييم الله يبارك في عمره يارب .. وبإنتظار إبداع الشعــرآء ... كل الودّ لك يارعــد الشمال ~ رذاذ |
أبيات رآئعة وإبداع وحماس ،، يعطيكم العافيه شعرائنا صح الله السنتكم ومتابعين لكم بكل شوق حفظكم الله ..~ |
أنا ياهل الأرصاد مشتاق ثم مشتاق
مشتاق شوف المزن بالغرب براقة ألا ياوجودي وجد رجل غدا منعاق متيم طواه الشوق يركع لخلاقه |
شكرا لكم جميعاً على التفاعل
شكراً لكل شعراء البراري وخاصة المتفاعلين معنا شكرا مراقبنا عابر سبيل على التقييم والتثبيت والتمييز شكرا مشرفتنا رذاذ شكرا مشرفتنا تناهيد سوف اقوم بجمع المشاركات استعدادا لابيات جديده |
اربعة قروش مزون الغـــــــــرام اللي بها عشقنا بـــــراق تهل العتب واللـــــوم وتســـــــــيل اشنـــاقه لها اعــــــــوام ما انزاحــــت وهمالها دفاق وحــــــتى شعاع الشمس مابان مشـــــراقه ابو سيرين تغيث القلــــوب العطش وتزيــــــــدها اشواق وتنشي لـــــــه الأحـــــــــــلام وتزيد في ارهاقه وتـزرع بـــــــــــــــذور الـحـــــب وتبلها بارفاق وتصبح بـعـــــــــــــــــــدها قـلـوبنـا دوم عشـاقه رعد الشمال ما دام الغلا موجــــــــــود ماغثربه بواق لا بده مـــــزون اللوم للشـــــرق منساقه يهب الغـــــــلا والقرب ويحرك الاشواق ويشيل العــــــتب واللوم ويبعثر اوراقه الركام عطاشا جمــــيع واتعب القلب زاد ارهاق زمانين مابه سيل يامصعب افــــــــــراقه وسموم دعــــت من حرها كل شي احراق وعيون عـــــلى شوف السحب دوم تواقه عبد المحسن الرحمه أنا ياهـــــــل الأرصــاد مشتاق ثم مشتاق مشتاق شـــــوف المــــزن بالغرب براقة ألا ياوجــــــــــودي وجد رجل غدا منعاق متيم طـــــــواه الشوق يركـــــــع لخلاقه شكرا لكم جميعا وننتظر شاعر بأبيات جديده |
كــل يـــوم نــبدا لــنا جـوله ومــن بعـــدهــا كلنا نسري انا مــوظـــف مـــع الــدوله واقوم في الصبح من بدري |
موضوع رائع وجميل
نشكر الأخ رعد الشمال ع هذا الطرح الشعري المتجدد |
سلامي يا محكم ن قوله
اللي سكن قدرهم صدري أحدن مع الصبح مخذوله في مكتبه دمعهم يجري |
اقتباس:
|
العين نومـــــه مـــــهو حوله والليل مـــن حـــولنا يجــري أن غـمضت قـلــت وشــو له وأن نمت نومي على صدري |
عيني عن النوم مذهوله
ماتحب نوماتها جبري على السهر دوم مجبوله ياصبر صبري وياصبري اربعة قروش |
ابو سيرين كــل يــــــوم نــبدا لــنا جـوله ومــن بعــــــــدهــا كلنا نسري انا مــوظــــــــف مــــــع الــدوله واقوم فـــي الصبح مــن بدري عبد المحسن الرحمه ســلامـــي يا محكم ن قوله اللي سكن قــــدرهم صدري أحدن مــــع الصبح مخذوله في مكتبه دمعهم يجــــــري رعد الشمال العين نومـــــه مـــــهو حوله والليل مـــن حـــولنا يجــري أن غـمضت قـلــت وشــو له وأن نمت نومي على صدري اربعة قروش عيني عــــن الـــنوم مذهوله ماتحـــب نوماتها جـــــــبري عــــلى الســهر دوم مجبوله ياصــــبر صــبري وياصبري صحت السنتكم جميع وحسب المتبع انتظار جديد |
في ذمتك تدري عن أوضاع مغليك
والله ما تدري وش اللي حصله ما تدري أنه كل لحظة يطريـك في سفرته في مرقده في محله |
في ذمتي أنك لاقي اللي يسليك
وفي ذمتك دمعِِ عيوني تهله وفي ذمتى لابعت ماني بشاريك أجر وعوافي وكل عقده نحله |
ﻻتقفل بوجهه جميع الشبابيك
الله غفور ويغفر الذنب كله لك دين برقبته وﻻ هو مخليك ياتل قلبي وانت سبة متله اربعة قروش |
لا تنتظر حبه وهو مافطن فيك
وشلون يرقد وانت تشكي بعله لكن بين له ولا هو مخليك الحب ملزوم القلوب تخضع له |
حبل الغلا مادمــــــت ماسِكه بيديك حــــــــذراك لا تقـسى علـــيه وتتلّه يمكن من اطراف النواعس يراعيك مــــاله مجــــالٍ والولي فاطــــن له |
اكيد ما فكر .. ولا رغبته .. فيك
وشلون محبوبك نسى اليوم خله اهديه ورد وعقد .. والله ينجيك ترى الهديه .. تنهي الأمر ... كله |
الله الله صحت السنتكم قسم بالله مبدعين |
عبد المحسن الرحمه في ذمتك تدري عن أوضاع مغليك والله ما تــــــدري وش اللي حصله ما تـــــــدري أنه كل لحظة يطريـك فـــي سفــرته في مرقـده في محله بقآيآ.. حرف فــي ذمتي أنك لاقـــي اللي يسليك وفــــي ذمتك دمــعِِ عيوني تهله وفـــي ذمتى لابعــت ماني بشاريك أجــر وعـــــوافي وكل عقده نحله اربعة قروش ﻻتقفل بوجـــهه جــــميع الشبابيك الله غفـــــور ويغــــــفر الذنب كله لك دين برقبته وﻻ هـــــــو مخليك ياتل قلبي وانـــــــــت ســــبة متله الركام لا تنتظر حـــبه وهــــو مافطن فيك وشلــــون يرقـــد وانت تشكي بعله لكـــن بين لــــه ولا هــــــو مخليك الحــــب ملزوم القلـــوب تخضع له رعد الشمال حبل الغلا مادمــــــت ماسِكه بيديك حــــــــذراك لا تقـسى علـــيه وتتلّه يمكن من اطراف النواعس يراعيك مــــاله مجــــالٍ والولي فاطــــن له ابو سيرين اكيد مــا فكر .. ولا رغبـــته .. فيك وشلـــون محبوبك نسى اليوم خــله اهـــديه ورد وعـــقد .. والله ينجيك ترى الهديه .. تنهي الأمـــر ... كله |
صح لسانكم جميعاً شعراءنا الكرام ..
نسجتو بأقلامكم أروع القصايد .. وأشيد تحديداً بأبيات أستاذي عبدالمحسن الرحمه : في ذمتك تدري عن اوضاع مغليك ؟! والله ماتدري وش اللي حصل له .. بدايه رائعه رآئعه لامست شغاف القلب وأدمته ... وتابعناكم بصمت فختمها أستاذي أبو سيرين بخاتمه عذبه : أهديه ورد وعقد والله ينجيك ترى الهديه تنهي الأمر كله ... صراحةً شعوري تجاه ماسطّرت أناملكم لايوصف ... !! فكان الدمع خير شاهد .. تحياتي وتقديري لكم جميعاً ... رذاذ |
الا يالهجوس المركمه إتركي المشحون
ترى فيه مايكفيه قد زادت غبونه عن ضلوعه انزاحي وطيري بكل الكون دليل المفارق بان بالراس وعيونه شطر |
على الهون لا تفتح على العاشق المطعون الابـــــــواب لسراب الـــهواجيس يلـــفونه تراني على الحـفة واذا طحت طحت بكون اجي ( عد ) واسـراب الهواجيس يردونه |
اقتباس:
ماشاء الله عليك لك نظرة وذائقه شعريه فعلا الابيات اللتي حددتي تلفت الانتباه وقمة الروعة من الشاعرين ولا ننسى بقية الشعراء فقد ابدعو بما سطرووو تحيتي للجميع واشكرهم كل الشكر على انعاش هذه الصفحة رذاذ يلزمك المشاركة |
الا وش بلانا والعرب كلهم يشكون
بعضنا حزين وبعضنا خابت ظنونه تقولون لكن قولكم جرة ولحون ولا به علاج صار من القول تجنونه |
ألا ياشطر حييت يالمغرم المفتون
معانات فرقاكم بالاضلاع مركونه عسا من يلومك ماله أحباب في هالكون أسير و حزين لو بكاء ما يحنونه |
صميم القلوب السر فيها خفي ومدفون ولا يملك الـقـلب الا مـن كـان مسجونه ولا يشـغـلـه إلا حبيب وغـــرام جــنون وكل المشــاكل بعـدهــا تصــير مدفونه |
شطر الا يالهجوس المركمه إتركي المشحون ترى فيه مايكفيه قد زادت غبونه عن ضلوعه انزاحي وطيري بكل الكون دليل المفارق بان بالراس وعيونه رعد الشمال على الهون لا تفتح على العاشق المطعون الابـــــــواب لسراب الـــهواجيس يلـــفونه تراني على الحـفة واذا طحت طحت بكون اجي ( عد ) واسـراب الهواجيس يردونه الركام الا وش بلانا والعرب كلهم يشكون بعضنا حزين وبعضنا خابت ظنونه تقولون لكن قولكم جرة ولحون ولا به علاج صار من القول تجنونه عبدالمحسن الرحمه ألا ياشطر حييت يالمغرم المفتون معانات فرقاكم بالاضلاع مركونه عسا من يلومك ماله أحباب في هالكون أسير و حزين لو بكاء ما يحنونه ابو سيرين صميم القلوب السر فيها خفي ومدفون ولا يملك الـقـلب الا مـن كـان مسجونه ولا يشـغـلـه إلا حبيب وغـــرام جــنون وكل المشــاكل بعـدهــا تصــير مدفونه صحت السنتكم جميع |
باكر نشـوف أسـعـار كل المواتير في دون ونسوق البي ام وخـويه وتنخفض حتى الـقـطـع والفواتير ونقضي في السوق وتكفيني ميه ،،،،،،،،،،، ،،،،،،،، |
ياخوفتي ترجع علينا الدواوير
ونرجع نسوق السانيه والمطيه مادامت الأوضاع بيد الهوامير بتلعب بنا ما بين صبح وعشيه |
سلام يا نسل الرجال المناعير
يسعد صباحك ياكريم العطيه ياكثر من يحلم وحلمه مخاسير وياكثر من يرجي الحياة الهنيه |
دنيا وفيها الناس مثل المسايير
لكن فيها ناس ترضا الدنية عشاق دنيا ويجمعون الدنانير الله يستر من توالي الخطية |
كانه بقـــت هاللون كـــــله تياسير الامن يكفي ,, لـــــو حياتك شقيه دامــــك تنام الليل وعيالك بخــــير ومرتاح من بعض النفوس الرديه |
عسى السحاب يهل وبله شخاتير
يضفي وتزهابه نفوس البريه ومع الربيع أشرب حليب المغاتير في جو خالي والاجازه مديه |
| الساعة الآن 04:15 PM |
Powered by vBulletin .
جميع الحقوق محفوظة © لشبكة ومنتديات البراري 2010