|
صــوت وقــوافـي لــ حمـــود السحيـــمي
السلام عليكم ورحمة الله وبراكاته
بعد التفكير قررت ان افتح لي مدونه وجميع ماكتبه هنا بقلمي والشيلات جميعها بصوتي لعلي استفيد من الجميع وان يفيدوني بخبرتهم وجميع مالديهم من توجيه اخوكم حمود السحيمي العمر 19 طالب جامعي فالسنه الاولى |
ياناشدن ..عـنـي ..تـراي حمـود
حربي وربعي ..درعي الظافي حرب المواقف ..والرجال شهود عبـر السنين ...وفعـلـها الوافـي الدين فيها .... والكـرم والـجود غيث ..الفقير .. ومزبن اللافـي يـوم الرمك ..ومصـامخ البـارود وافـعـالنا ..تروا... وتــنـشافـي عـشنا ...ولافيــنا ...ردي زنـود نوفـي ....ورا الهقوه ونسـتافي واليوم .... لافـاقـد ولا مـفـقـود كلـن بـخير .. ولابـه .. خـلافـي في ضل ربي ثم ذرا ال سعود كلـن ينـام .... ومـرقـده دافــي كلمات ،، حمود السحيمي |
https://soundcloud.com/y1sser/qgadf0stgmjv
شيله من كلمات سحابة وسم من اداء حمود السحيمي للمعلوميه راح انزلها مونتاج بهندسه ثانيه لانوه المهندس مبطي فالصوت بالحيل رايكم يهمني |
مشاء الله مبدع اخوي حمود ولاهنت
|
راع العرض مرحبا فيك
شرفتني في مرورك يالغالي وماتهون ولايهون كل من مر |
صح السانك قصيده جزله من شاعر جزل
|
صح بدنك يابن حماد
والجزل مرورك لاهنت |
شيلة الجيب هذا وقتها ^_^
كلمات ذاير رشيد السحيمي اداء حمود السحيمي انتاج واخراج قناة الاصايل الفضائيه https://www.youtube.com/watch?v=dH4Y8NTQ7wA |
على الرحب والسعة
تشرفت واحة الشعر باشعارك وشيﻻتك العذبة .. الى الاماام ... تخيتي |
ماشاءالله تبارك الرحمن
هُنا ستكون لنا وقفات عذبه ورائعه معك كلماتك وصوتك الشجي .. حمود السحيمي أهلاً بك وبمتصفحك الجميل .. سننتظر كل ماتجود به نفسك علينا .. كُن بخيـــر رذاذ |
غانم يامرحبا فيك مليون
الله يشرف مقدارك يالغالي وانا ايضاء تشرفت وتشرف الموضوع بمرورك العطر الله يعافيك ويسلمك |
رذاذ مرورك هو العذب والاروع تشريفك لي
والف شكر لك من مطلع الشمس لامغيبها احترامي وتقديري الحار لاهنتي |
صح لسانك اخوي حمود شاعر كفوا ومنشد مميز وانا من جمهورك ولا تحرمنا من جديدك
|
صح بدنك ياراع العرض
وكفوك الطيب وماعليك زود يالغالي الله لايحرمك من الجنه |
ياقبايل حرب يارجال الحميه
قصيده فالسجين فهد حمود الحربي وعسى الله يفك اسره كلمات الشاعر ذاير رشيد السحيمي اداء حمود السحيمي https://m.youtube.com/watch?v=sF0VEo1T33c |
|
الله الله يا حمود ولاهنت والى الامام
|
هلابك ياراع العرض
الله يعزك ويعافيك شكرا لمرورك الدايم لاهنت |
حمود السحيمي منشد وشاعر مبروك .. وهذا ليس بجديد عليك فأنت شاعر متمكن ومنشد شجي ، وتعامل راقي .. مبارك لنا حمود السحيمي تحيتي |
ارحب يابو سامي الله يبارك في عمرك
وبيض الله وجهك وجعلني قد الهقوه لاعدمتك |
بيض الله وجه من سد ...اللزوم
وسود والله وجه من راح ..وهفا وقفت الطيب على بيض الغيوم وفعلها ينحت على صم .الصفاء والردي لو قام.. مايقدر... يقوم عزمه الميت.. على دربه.... خفاء جعل ربي ..مايحقق لـ الرخوم غير وليه ..من ..محطات القفاء مايدافع .. مايحضر لك هجوم ميت ..الاقوال ..مافيها.. شفاء والشجاع الي من ظهور القروم جعل نور .الخير ..عنه ...ماطفاء لانخيته ..مانشد ..ويش. العلوم يحتزم لك ..طيب والمقصد ..وفاء حمود السحيمي |
قصيده من كلماتي وادائي
مهداه الى ابناء نعيس بن غالي السحيمي بمناسبة زواج غالي بن نعيس السحيمي وصويلح بن نعيس السحيمي https://cutt.us/4K947 |
حمود صح لسانك علا القصيد الجزل ولا تحرمنا من جديدك
|
واصل ياحمود ...
صرت اتابع كل حرفٍ تكتبه .. رغم صغر السن تغرف من بحر ماشاء الله عليك .. تحيتي |
اقتباس:
الله عليك ياحموووود صح لسانك حتى ترضى ... شاعر فــذ .. وقصيده جزله تداعب القلوب ... هُنا طاب لي الحضور .. كما طاب لي المرور مرات .. ومرّات .. ومرّات .. أسعدك الرحمـــن ... رذاذ |
صح لسانك اخوي حمود السحيمي وإلى الأمام |
راع العرض
غانم الضومري رذاذ ابو سيرين استاذتي الكرام الف الف شكر لكم ومروركم شرف لي ودعم لاعدمتكم والله |
حمود السحيمي
مرحبا بك .. شاعر يمتلك من النوادر ما يؤهله أن يكون حاكم لولاية الجزاله.. دمت ودام أبداعك تقديري أخوكم/ مساعد منيف |
مساعد منيف
تراي عرفتك ^_____^ مرحبا بك مليون وشرفتني في مرورك ولاعليك زود يالغالي |
شيلة ضاع العمر
كلمات/ سحابة وسم اداء / حمود السحيمي هندسة صوت /ياسر احمد مونتاج وتصميم/ عيون الشوق https://www.youtube.com/watch?v=Skw5DlRqXHA |
ودي اسئل من على الدنيا سؤال
وش بقالك فالحياه ..امن الحياه والله.. ان العمر.. قافيه ..الزوال وكل عبد يموت.. ماحصل ..مناه حمود السحيمي |
والله انك ما ذبحت إلا الغزال
ما تصيد إلا السمين المنتقاه بارك الله في جهود ابن الحلال أسألك يارب حقق له منــــاه تحيتي |
اقتباس:
الله يا حمووود أدائك كان راااائع والقصيدة جزله حاولت احملها من الموقع اللي قبل ما فيه خيار تحميل |
اقتباس:
صح لسااااااااانك انشهد انك شاعر جزل بانتظار جديدك على أحر من الجمر |
غانم الضومري
ابو سيرين ماعليكم زود يالقروم انتم منبع الابداع شكراً الف لمروركم الدائم |
صح لسانك اخوي حمود والله انك مبدع وقدام قدام
|
صح بدنك ياراع العرض
وماعليك زود يالغالي والابداع منبعك يابعد راسي |
ما شاء الله مبدع اخوي حمود ولاهنت
|
حمد الشلاحي
ماعليك زود وماتهون يابعدي |
يالله انها نظرتن بعجاب مافيها مضره
لاتواخذني عليها دام من شفته سببها تسرق القلب الحنون وتشعل الاشواق حره ونار شوقي للواصال تزود النظره حطبها حمود |
| الساعة الآن 08:02 AM |
Powered by vBulletin .
جميع الحقوق محفوظة © لشبكة ومنتديات البراري 2010