اشتعل برق
 

السلام عليكم
طابت اوقاتكم بالمسرات
أتمنى أن تجد قبولكم

،

مزن ٍ تزبر وارتكى واشتعل برق ،،، زان وترادف يوم دنت رعوده
نوه سديد وساق من يمة الشرق ،،، قبله مثل ليل الدجى في حدوده
من شاف ربانه خشى سيله الغرق ،،، لا راح بأمر اللي علينا يقوده
ركّب خياله والحياء للعرب فرق ،،، رجع الولي تغني وهايب مدوده
غزير سيله ينهب الجال والعرق ،،، حتى رفاع القاع تمشي صموده
صيف ٍ صدوق تغني بنوه الورق ،،، تسجع لحنها مع ذعاذيع نوده
يا ماحلا والليل ديم المطر طرق ،،، عقب الخيال اللي تواتر عدوده
لا كف ساعه والسماء غيمها فرق ،،، حن وتولف مزن وبله بجوده
يجهز ومزنه بارقه يحرقه حرق ،،، حتى يعود الريف ويسوق عوده


صبح المطر

صبح المطر يا صاحبي للعلا أرق ... طرق جزيل والقاف مثلك يسوده

الله الله على الابداع
صح السانك.. رائعة ..

الله يحييك ويبقيك يابو نواف
شرفني مرورك وتوقيعك الجميل
صح بدنك ولا هنت
والله يعطيك العافية

تسلم وبيض الله وجهك اخوي وقاد
شرفني حضورك وتوقيعك الرائع
صح بدنك ولا هنت

هلا اخوي محمد المقاطي
أسعدني مرورك الجميل
صح بدنك ولا هنت

نظم جميل وكلمات طيبة تصور السحاب اوقات المطر

الله يعجل علينا بالوسم ويغيث البلاد والعباد .

صح لسانك اخ صبح المطر .

حياك الله أخي جارالله الحماد
سعدت بمرورك الكريم
اللهم آمين
وصح بدنك ولا هنت
تحيتي

صورة وادي الرمة من عند البعائث

صبح المطر سيله عن الغير به فرق .. سيله عيار إلين عدا سدوده

صح لسانك ياصبح المطر .. وصفت بإتقان وكأني أرى السحابة تليها السحبة والمطر ينهمر ..

سلم الفكر والبنان

تحيتي

صح بدنك اخوي غانم
سعدت بمرورك وتوقيعك الرائع هنا
تسلم لا عدمناك شهادة غالية
تحياتي

صح لسانك ياشاعرنا الفاضل على هذه الرائعه دائم مبدع يابو زياد بارك الله فيك
تقبل تحيتي وفائق احترامي

صح الله السانك شاعرنا القدير
رائعة يالغلا

صح السانك ابو زياد
تحياتي لك