السلام عليكم
كيفكم شباب
الطلعه هذي جت على السريع قلت لرفيق الدرب - محمد البرغش - تبي نمشي قال قدااام ورحنا للمكاتب الاسعار كانت غاااليه في حدووود الـ 1900 ريال
وما قصر صاحبنا الغالي حسين الصالح في ترتيب رحلتنا ..
ولا انسى ابن عمي خالد العثمان لأعطائي بعض النصائح في الرحله
المهم دورنا حجوزات فنادق وما حصلنا شي قلنا اذا وصلنا لسريلانكا نشوف وش السالفه
وصلنا مطار الملك خالد وكانت كا العاده الخدمات زفت وامسك سرى مع الهنود واللي يفتش العفش فتحه واحده وقدامي حوالي 300 شخص ممكن اكثر .. المهم انتم عارفين الـ و عندنا لقينا واحد دخل من فتحه ثانيه ونقز خويي يم اللي دخله وما قصر دخل اكثر السعوديين اللي ماسكين في السرى في الصف ... على فكره ماسك سرى ما يقارب نص ساعه ... خلونا منه .. كنا حاجزين في الخطوط السيرلانكيه من يوم دخلناها والا الوجيه تفتح النفس وكلن يرحب بك .. والصراحه خدمات الخطوط السريلانكيه اعطيها 90% والسعوديه كاتجربه مني اعطيها 30%
مده الرحله ما يقارب 5 ساعات .. ويوم وصلنا ولا الدنيا مطر والدنيا ربيع
كان فارق التوقيت ساعتني ونص ..
بعد الوصول امممم كان بيني وبين احد الشريكات السياحيه مراسلات على الايميل واستقبلوني في مطار كولومبو وودوني للفندق بدون ما يخذ مني اي شي وجاء يمي في الليل وتم التجهيز للرحله
مالكم في الطويله اترككم مع الصور

https://www.tumairawe.com/tm-uup//upl...d9e52634cc.jpg
صاحبي محمد والارهاق في السفر كان الوصول بتوقيتهم تقريبا 6 صباحا بالتوقيت في السعوديه كان تقريبا 3

https://www.tumairawe.com/tm-uup//upl...4ed1ea1b72.jpg
محدثكم في اليمين واليسار ماجد الدحيم تعرفنا عليه في المطار والله ما قصر معانا في كل شي الله يسهل دربه يارب ..

https://www.tumairawe.com/tm-uup//upl...86d16f380c.jpg
الرجل اللي في المنتصف اسمه الحاج عبد العزيز صاحب الشركه السياحيه

https://www.tumairawe.com/tm-uup//upl...492499b099.jpg
بعد ما طلعنا من المطار والا الدنيا مطر وجو يفتح النفس

https://www.tumairawe.com/tm-uup//upl...8ecad48ba8.jpg

https://www.tumairawe.com/tm-uup//upl...24063d040a.jpg

https://www.tumairawe.com/tm-uup//upl...e1c9fa09ad.jpg
الغرفه في فندق سانمون الصراحه فندق راقي جدااا *****

https://www.tumairawe.com/tm-uup//upl...f71c5e55da.jpg

البحيره المطله على الفندق

https://www.tumairawe.com/tm-uup//upl...9282de7799.jpg

https://www.tumairawe.com/tm-uup//upl...b9a5d905c5.jpg

المطعم الخارجي الصراحه راااقي وجميل .. ههه والغربان في كولومبو وش كثرها كنها الذبان عندنا ..
https://www.tumairawe.com/tm-uup//upl...fdcc92e9fb.jpg

ههههههههه الصراحه خدمات الفندق جدااا جميله ويكلف تقريبا 300 ريال في اليوم مع الفطور
والغداء كااان متكامل كل الاشياء متوفره ولاكن بالفلفل هههههههههه سائلت محمد وش ذا اللي ياكله قال نصيحه لا تاكله مدري عن طعمه

https://www.tumairawe.com/tm-uup//upl...03f59ee4a9.jpg

اعجبتني هذي سمك محشي بالفلفل خباااااال تاكل حبحر حااار في وسطه سمك هههه

https://www.tumairawe.com/tm-uup//upl...1e369edf69.jpg

الفندق من الخارج

https://www.tumairawe.com/tm-uup//upl...7852a18aa3.jpg

ها العصير طعمه في المخ ما عرفت الا النعناع اللي في وسطه كل ماطلعت ولا دخلت خذيت لي كاس طبعا مجاني لسكان الفندق

https://www.tumairawe.com/tm-uup//upl...c30859993a.jpg


الفندق من الجهه الخلفيه المسبح والبحيره خبااااال

https://www.tumairawe.com/tm-uup//upl...6d27d25b09.jpg




إن شاء الله لنا لقاء بتقرير عن الطبيعه في سريلانكا وبكره ان شاء الله طالعين لمنطقه اسمها كاندي تشتهر بالشلالات والجبال الخضراء ومزارع الشاي .. اذا توفر النت بنزل لكم التقرير الثاني

تحياتي
ناصر العثمان
محمد البرغش

ماشاء الله تبارك الله
تقرير في قمة الروعة
وننتظر الجزء الثاني

الحمد لله على السلامه

ننتضر بقية التقرير

وترجعون بالسلامة

مشكور يا خي الكريم وانتبه تروح للفيلة تراي شفت مقطع فيديو يروع
هههههههههههههههههههههههههههههههههههههههههههههه
واحد خايف عليك
ومشكور على التقرير والصور بالصراحة شيء يفتح النفس
ونبي في نهاية التقرير تعطينا ملف كامل عن الرحلة من ناحية الأسعار والتعامل مع الناس وجميع الجهات يعني واحد يبي يروح وهو جديد على البلد
وقل لماجد الدحيم إذا شفته ترى راعي الفان الأزرق اللي في حارتكم يسلم عليك ويقول ليش ما علمتني قبل تسافر اخاويك
هههههههههههههههه

الله الله .. في الصور بس .


وسلم لي على ماجد الدحيم كان شفته مرة ثانيه .. قل له أبو عبدالله يسلم عليك :)

بيض الله وجهك على هالتقرير وحقيقة رحلة تحمس الواحد أنها يروح لها لا صار الخدمات عندهم كذا عكس مانرى ونسمع فبإذن الله السنة القادمة ستكون في سيريلانكا
فشكرا شكرا لك على هذا الأداء والتميز والحمدالله على سلامة الوصول