ابو سلطان تصدق انك مضبوط ... وكذا ، وبعدين الاحظ انك حريص جداً ، ومتميز في جانب المتابعة ، لايما متابعة كل جديد ومفيد ، لكن ماتلاحظ ان حظك هالسنة متردي فيما يتعلق بقلة الامطار جنوب منطقة الرياض ، يعني ديرتك وما حولها ،،،، أسأل الله العلي العظيم ان يفرحك بسيل من العضاض إلى العضاض ، وجعلك تشوف سدك يصب عشرة أيام متتالية بلا انقطاع ،،، وجعل نخيلكم تخيس من الماء ، وجعلك تشوف الشبا الاخضر في قراميص النخل ،،، حتاك تشوف تمرة الصفرية كبر البيدجانه ، آمين يارب العالمين

على فكرة يابو سلطان أنا فتحت الموقع ، ولقيت فيه حكي واجد بالانقليزي ، ضنك يابو سلطان وشهم يقولون في ذا الحكي الواجد اللي تحت ، باختصار ابي انصى الرياض وماحوله مباشرة ، تهقى وش اسوي