|
ادخلوا ترا الصدر ياسعكم كلكم
في هذا اليوم الخميس 10/11/1430 بعد صلاة الفجر جتني خرمة شبة نار من الغضا ومن جرب شبة الغضاء يعرف وش هي الخرمة والله يا هي ادمان (تراي صادق الصدر وسع القصيم كله وحياكم الله في اي وقت) المهم من المسجد الو يا ام فراس ترا منب جاي ابطلع للمصفر قالت استودعك الله وكل الوقت ستة دقائق بالتمام والكمال والاي بهالمحل اللي يحبه قلبك 1 https://www.alrahalat.com/vb/uploaded/18_01256801249.jpg 2 وهالمحل اللي الكثير من اهل عنيزة يعرفونه (مخيم كلية التقنية الرائع) https://www.alrahalat.com/vb/uploaded/18_11256801249.jpg 3 شبيت الضو من حطب الغضاء وللعلم لم اكسر عود واحد من الشجر بل تلقيط من حوالينك بس وش رأيكم بهالفنجال ما يسمر الراس(قولوا ما شاء الله) https://www.alrahalat.com/vb/uploaded/18_21256801249.jpg 4 ما يتهيا قهوة الفجر بدون قدوع سكري من ايدين ما نعدمهن https://www.alrahalat.com/vb/uploaded/18_01256801281.jpg 5 وش رايكم بهالصورة عاد تراي اتعلم التصوير لحد يطبق مثلي (جاب الله هالديجتال) https://www.alrahalat.com/vb/uploaded/18_11256801281.jpg 6 جايزن لي هالفنجال ما ادري ليش https://www.alrahalat.com/vb/uploaded/18_21256801281.jpg 7فيه شيئ غريب بهالصورة مهب معقول يعرفونه الكييفة يالله اختبار تحريري واللي يحله حياه الله على فنجال بالمصفر https://www.alrahalat.com/vb/uploaded/18_01256801270.jpg وسلامتكم |
حي الله ابو فراس ..منور.. الصور ياولد الديره ماطلعت..:smi71: |
وانا اقووول وش سالفة الصوووورة اللي الصبح وصلتني
ابو فرااااس اثنان لا يجتمعان في وقت واحد ولشخص واااحد الا في حالة واحدة اذا عباااس معك فهنا نستثني الغلط مشكوووووووووووووووور لي عودة سلام |
اقتباس:
وشلون ما طلعت عندك ياعبدالله جرب ياولد مرة ثانية يمكن تنجح وتحل السؤال وتفوز بالفنجال اقتباس:
هلا ببو ناصر كنت انتظر منك مكالمة بعد ان ارسلت لك الصور بس يافرحة ما تمت يمكن انك مصفر هاك الوقت ما بك حيل تكلم جوال وبعدين بالنسبة لحلك يعني تراك قريب بعيد حاول مرة ثانية يمكن يصير حظك ماشي بعد الظهر |
بالعافيه والماهو طبيعي خشم البريق لازم يكون بتجاه خشم الدله سيم سيم . يالله وين الفنجال خخخخخخ
|
حيا الله الغالي أبو فراس والله يوسع صدرك بالصحة والعافية ما شاء الله وش خليت شبت غضا وفنجال قهوة وسكري وبالمصفر تنسى همومك كلها |
اقتباس:
اقتباس:
حياك الله ابو حمد عاد انت مجرب شبة الغضا صدق كلامي او لا وبعدين ما حليت اللغز اللي بالصورة رقم سبعة |
ماشاء الله عليك يابو فراس وش هالكشتة السنعة قهوه + سكري + وشبة غضا الله يهنيك ويوسع صدرك بالعافية ويعطيك ألف عافية على التصوير الحلو يامخرج بس غلطت يوم حطيت الفنجال مع البيالة :a_laugh2: |
اهلا بابو عبدالمحسن
حلك صحيح وشلون هالمزاج اللي يشرب شاهي وقهوة مع بعض |
اقتباس:
الله يهديك يالنايف كنت أبقول الحل وسبقتن :a_laugh2: نبي سؤال ثاني يابو فراس و تبي تلقى الجواب قبل ما تكمل السؤال :z-attack: |
حيا الله أبو فراس ،،،
ماشاء الله تبارك الله ،،، أنا اشهد انها جلسة توسع الصدر وتنسي الهموم وياحظ الي معك ،،، أما الفنجال ماشاء الله فهذا موضوع بلحاله ،،، |
ماشاء الله عليك اجل هاالخرمه طقت الناس هاالأسبوع انا من شدة الخرمه فتحت التكييف لأعلى درجه وشبيت النار يوم جمرت حطيته بمنقل وسويت القهوه والشاهي ودلة الحليب وفليت الحجاج وانا اختك |
يعطيك العافيه
لكن الصور ماطلعت |
ما من نوووم اخوووي
ولكن خفت اتصل بك وادق سلف واجي لك لاني اعرفك تقنع اللي ما يقتنع ولكن عااااد حل اللغز الظاهر انك ما شفت جوابي زين والا الدعوى شهاااااااااوي سلام |
يا عل من رد وشارك بالموضوع ما ينحرم هالجو الزين
اما انت يابو ناصر انت قلته شهاوي حنا نبي النايف كوده يرضى علينا ويجينا بعنيزة اقول كوده |
شوفتك تغنى عن الف قهوه يابو فراس.. رجل وعلومك غانمه ومجلسك ماينمل منه وجه وجاه وجلسة معك هي المطلوب وأخذ علوم الرجال وشبت الغضى ونارها ودخانها اطيب ريحه.. ابو حمد،، |
السلام عليكم ورحمة الله وبركاته هلا بعمّي الفاضل ما يحتاج أقرأ الموضوع لأن اللي كاتبه ابو فرااااااس وتستاهل عليه 5 أقمار ما عليكم منّا يالحسّاد ..... شاب يداعب شايب بارك الله فيك وأصلح الله لك النيّة والذريّة وأطال الله بعمر والديك على عمل صالح . |
مشكووور ابو فراس خلتنا نروق لو بالمشااهده
|
يمال العافيه أبو فراس عز الله إن الخرمهـ لآجت قشرهـ وياعلها تسلم يمناك على هالفنجال دمت بود وبخير |
الوصف الزين شوقني اشوف الصور بس للأسف ما طلعن
يمكن ما حملتها على مركز البراري عموما خيرها بغيرها ومشكور يا راع عنيزة على علومك الطيبة |
ماشاء الله ست دقايق وأنت كاشت بالرياض أقل شيء 60 دقيقة لأقرب مكشات
تستاهل ياعمدة |
| الساعة الآن 05:32 PM |
Powered by vBulletin .
جميع الحقوق محفوظة © لشبكة ومنتديات البراري 2010