|
رحلة الزلفي وأم رقيبة والدهنا والصمان من18/5إلى20/5/1430هـ
السلام عليكم ورحمة الله وبركاته هذي رحلتنا من الرياض للزلفي بتاريخ 18/5/1430ه إلى 20/5/1430هـ لكن تغيرت الخطة مع تغير الأجواء المفاجئة والغير متوقعهـ منا حيث إمتدت الرحلة إلى الصمان وغيرها ما ودنا نحرق عليكم ونطول بالشرح خاصة إذا صار معك باب يمين شقردي مثل (أبو عبدالمحسن) ما تدري عن روحك ولا عن الطريق ولا يهون ابن الأخ صالح بس باب يمين ورى وكان في الإستقبال يوم الوصول للزلفي أبو يوسف جزاهـ الله كل خير كرم وحسن ضيافهـ الله يبيض وجههـ وأتركم مع الصور وشرحها والصور من كميرة أبو يوسف ومن تصويرهـ أيضاً وقبل الوصول للزلفي بدأت البروق بعد المجمعة إلى أن وصلنا للزلفي وهي تمطر من متوسط إلى خفيف وجتنا سحابه قويه عند التحويلهـ بطريق الخمس وخمسين وفجر الخميس بدأت الرحلة الفعليه بالذهاب إلى نفود الثويرات وما أجملهـ من صباح https://www.albrari.com/vb/uploaded/5071_01242716590.jpg والمكان المرتفع والمطل على جميع ما حولنا https://www.albrari.com/vb/uploaded/5071_21242716590.jpg إلى أن بدأ السافي والتراب قام يكوحنا https://www.albrari.com/vb/uploaded/5071_31242716590.jpg تم تغيير المكان إلى هذا الخل https://www.albrari.com/vb/uploaded/5071_41242716590.jpg حيث كان ربيعها جيداً نوعاً ما هديه للي مر على الموضوع ولآزال يقرأ ويطالع https://www.albrari.com/vb/uploaded/5071_51242716590.jpg وكمان وحدهـ ثانيه للغاليين https://www.albrari.com/vb/uploaded/5071_61242716590.jpg مكان الفطور من بعيد والأخراج الرائع لمصورنا الشيخ علي (أبو يوسف) https://www.albrari.com/vb/uploaded/5071_71242716590.jpg وحليبه من أبو صالح الله لا يخلينا منه https://www.albrari.com/vb/uploaded/5071_81242716590.jpg ومن ثم الذهاب إلى العقل بشمال الزلفي وكان أولها هذه ومسجد مصتسعهـ التراثي والذي لم يبقى من البنايات القديمهـ إلا هو وشيء لا يذكر مدخل المسجد وهذا المحراب الله المستعان ناس راحت وجت ناس ورفوف المصاحف بالجدران ومعاليق البشوت والمرازيم يازين صبتهن ومغادرة مصتسعهـ إلى المندسهـ والوصول إلى منيزلهـ وهذا باب المسجد بمنيزلهـ https://www.albrari.com/vb/uploaded/5071_01242717041.jpg https://www.albrari.com/vb/uploaded/5071_11242717041.jpg https://www.albrari.com/vb/uploaded/5071_81242717041.jpg https://www.albrari.com/vb/uploaded/5071_91242717041.jpg ومن ثم الذهاب للكسر وقرار الدخول للجزيرة والطريق سالك وتمام وبدون عوائق وصورة من داخل الجزيرة والخروج من الجزيرة واللي بعض الناس قالو إن الطريق تمام ورحنا فيها وطي البراءه ذابحتهم وكان الهواء شديد جداً وقررنا الغداء بالإستراحه بدل من البر وكانت طشتية أرانب آهـ يا ناس لا تفوتكم صورها أبو محمد استلم الرز وأبو يوسف تبهير الأرانب وبعد ما تجمر الضوء وتغدي كلها جمر تواسيها وتفرش الأرانب مباشرة على الجمر وتقلب الطشت وتدفن الجوانب وأهم شيء لآ يصير فيه تنسيم https://www.albrari.com/vb/uploaded/5071_91242717303.jpg راعي طولهـ ابدبل تسبودكم للموصوع بقيه الرجاء عدم الرد =========== |
مشكوووووووووووووووووور على هالتحقيق الرائع اللي وريتنا فيه مصكعة والمندسة اللي نسمع بها ولا شفناها
|
وبعد الدفن الجيد والتأكد بأن لا يوجد تنسيم نرجع لأبو محمد واللي عليه كبسة الرز وبعد مرور ساعة تقريباً نعود للأرانب وطشتنا حق روبي وننظف الجمر والرماد والتراب زين قبل الفتح والرجاء عدم الرج نهائياً قبل الفتح حتى ما يتخله تراب بوجه العدو استعداد للفتح على الهون كيييييييييييييييييييييف والكل جاهز ومستعد راعي الرز وراعي الطشت انسبه وهمن أجفووووووهــ تفضلوا حياكم الله لآ يبقى أحد وبعد العصر كان لنا موعد مع صاحب إبل لكن في الطريق حصل ما لا نتوقعه عج الله يكفينا الشر ونلاحظ قدوم العج والنحشهـ والنخل يدل على قوة العج هذي العقلاء وصباح يوم الجمعه إلى الأرطاويه وكان لنا حظ مع سيلان شعيب السحيمي ومن ثم الوصول إلى عروق الدهناء وخبة المندسه وهذا نقا محصام وللموضوع بقيه الرجاء عدم الرد يتبع يتبع يتبع |
ومكان الفطور المطل على النقا والنفود رويان ومن ثم إلى الصمان من عند عدامة أم رقيبة على فيضة أم الشفلح والتي لم نرى فيها شيء والمرور على دحل أبو حصاة هذي دحول أبو الكبود وطلة من أبو محمد على أحد الدحول وأول ضب على الطريق ومجلعد https://www.albrari.com/vb/uploaded/5071_31242718059.jpg وصدفهـ لقينا واحد ماعبرنا ولا كنا أوادم قدامهـ ونقرب أكثر وأثرهـ هلكان ويوم شفنا الرفرف اللي على اليسار قدام عرفنا السبب وتلاحظون إنه كان مصوب ومامن أكل تمام معن اللي نلقاهن شبعانهـ وابو عبدالمحسن والضب (يا أنا يا هوب) ما سك العكرهـ وحلف ما يخليهـ وبعد دقايق جابه وأبو محمد وصيدهـ وافر ما شاء الله عليه https://www.albrari.com/vb/uploaded/5071_01242718184.jpg ومن التضبيب على فياض المغاطيه وخبراء أم الهشيم وسبحان الله ما كن جاهن سيل هالسنه والربيع مولي والأرض خلي وعلى طريق الرفيعة التنهاة للرياض عاد الميدليات كان لنا منهن نصيب صورة بانوراميهـ لأبو طرفات أحدى القعل بشمال الزلفي هدية لكم ونبي رايكم بهالصورة لأني توي أتعلم على البانوراميات https://www.albrari.com/vb/uploaded/5071_31242718184.jpg وبنوراميه لنقا محصام https://www.albrari.com/vb/uploaded/5071_01242737612.jpg وفي الختام سامحونا على القصور وطول التقرير اللي أخذ مني وقت طويل وهد الحيل والسلام عليكم ورحمة الله وبركاته |
ماقصرت وتسلم على التقرير
ورحله موفقه ....... |
الله يعطيك العافية أبو صالح على التقرير الوافي ما قصرت وتمنيت إني معكم بالدهناء والصمان وصيد الضبان لكن الشكوى الله لكن كأني أشوف صالح مستانس بالضبان |
الف شكر لك على هالتقرير الرائع
يكافي وش هالضب المنقطع https://www.albrari.com/vb/uploaded/5071_51242718059.jpg |
اشكرك جزيل الشكر اخوي رحال على التقرير
عيشتنا اجزاء الرحله في تميزك في سرد الموضوع والصور الجميله |
مشكوووور اخووي رحال
لكنك طولت الغيبة عنا وين انت تحياتي لك برق تمير |
تقرير ممتاز والله كني كاشت معكم على الصور والتفاصيل
بارك الله فيك وما قصرت جهد تشكر عليه وما هو كثير على الزملاء الأعزاء بمنتى البراري واللي من خلاله اطلعتهم على بعض من مواقع الزلفي التي تستحق الزياره |
ما شاء الله عليك رحال
رحله موفقه اشكرك على التقرير المميز والرائع بس الله يهديك تجي للزلفي ولا تقول امر واخذ عنده فنجال قهوه <<< لكن يالله مقبوله بس عليك حق معك رقم جوالي مالك عذر مره اخرى اشكرك تحيتي لك |
وعليكم السلام ورحمة الله وبركاته تقرير وافي وشامل بيض الله وجهك وتسلم يديك لكم مني اجمل تحيه |
وعليكم السلام ورحمة الله وبركاته
أخوي رحال ... تغيب شهر ... وتجي ومعك درر ... الله يعطيك العافية على هالجولة السريعة كبطئ تنزيلك للتقرير ...!!! أجل كل بين رد ورد نصف ساعة ... ماصارت هذي ... الأرنب احترق على الجمرية وأنت تقول أصبروا .. لا أحد يرد ... الله يعطيك العافية على هالتنقلات والأجواء والمواقع والتغيير الجغرافي والمناخي ... من البحيرات المائية ... إلى الآثار القديمة ... مروراً باستراحة للراحة ... وخروجاً إلى الدهناء الرملية ... ثم الدحول الصلبــــــــية .... لكن حرمتنا من شوفة الريضان الصمانية ...!! وبيض الله وجهك ... والحمدلله على السلامة ... |
اقتباس:
الله يسلمك ومشكور على الرد اقتباس:
هلا بك أبو يوسف والله يعافيك وأكرمك الله وكثر الله خيرك وما نقصنا بتكملهـ هالرحلة إلا أنت ومن ناحية صالح عز الله إنه متشقق من الوناسهـ بس اللي مساعدهـ بصيدهـ كنادري أعزك الله لا شوك ولا حصى إذا لآحق الضببه اقتباس:
حياك الله أخوي عادل والضب هذا شكلهـ مصوب عشان كذا مامن أكل تمام أو إنه رجيم وعشان كذا ما أخذنا وخليناهـ في حال سبيلهـ ومشكور على المرور والرد اقتباس:
يا هلا بأخوي بندر والله يحييك ويبقيك وأشكر لك الإطراء الرائع اقتباس:
يا مرحبا ويا مسهلا ببرق تمير والله إنا مقصرين لكن العذر والسموحهـ ظروف هالعمل والنت اللي كل يوم مشاكل حنا والإتصالات (حراميه) ما يشجعونا على الظهور دايم وشاكر لك المرور والسؤال عنا اقتباس:
هلا بأخوي فهد شرفتنا بمرورك وطلتك الحلوهـ علينا بهالرد والأعضاء يستاهلون أكثر لكن يسامحونا على القصور والزلفي ما يكفيه موضوع ولا موضوعين ولا عشر لوجود الأماكن الكثيرة والتنوع الجغرافي وأماكن تستحق الزيارة ما يكفيها ولا عشر أيام وشاكر لك الرد والمرور على الموضوع |
اقتباس:
هلا والله بالخيالي وشاكر لك الرد والمرور والله الود ودنا إنا مآرين عليك ومتفنجلين عندك لا ربك ما رآد والجايات أكثر بإذنه تعالى أبشر والله بالحق (كم حق تطلبنا) لكن وعد مني إن ما نسيت المرهـ الجايه بننصاك يا خلفهم اقتباس:
ووجهك أخوي أبو مشعل والله يحييك ويسلمك على الرد اقتباس:
التقرير كوم والرد عليك كوم هههه مشكور يالمهند على المرور والرد الله لا يهينك ولا يخلينا منك |
من طول الغيبااات جاب الغنااايم
قمت ونمت ثم قمت ومكلت موضوع طوووويل ولكن رااااااااائع جداااااااااا قصة قصية مصورة تسلم يمينك اخوووي الرحال سلام |
كفو بدر على التقرير ايه هذا الشغل وإلا بلاش
اكيد الرحله بتكون فله دام معك صالح شقردي طالع على خاله :h62:.. احم احم بالتوفيق ان شاء الله متابع لتقراريك من بريطانيا |
حياكم الله في ديارنا لو درينا عنكم قمنا بالواجب .
|
الله يعطيك العافية أبو صالح على التقرير الوافي بارك الله فيك وما قصرت جهد تشكر عليه |
|
تقرير مميز //
بارك الله فيك // |
تقرير متعوووووووووووووووووب عليه والفصول الأربعة في الرحلة
|
بارك الله فيك ووفقك للخير أينما كنت فجزاك الله خيرا |
اشكرك جزيل الشكر اخوي رحال على التقرير والصور الجميله |
اقتباس:
حياك الله أخوي أبو ناصر ويكفيني شرفاً للموضوع مرورك لهـ والرد عليه ولو إني مبطي عنكم بسبب الظروف والأشغال وإلا والله إنكم على البال سلام على قولك |
اقتباس:
هلا والله بوليد البريطاني كيف الجو عندكم ؟.. والساعهـ كم الحين ؟؛ (اتحداك هالسؤالين ما يتكررن عليك إذا كلمت أي واحد بالسعودية) إلا ما عندكم ضبان بين هالثلوج زين إن صالح معنا خلاك تشارك بالمنتدى بس اكتشفت إن صالح على عمهـ وليس على خالهـ أشوفهـ بدى يربرب هههههه وحياك الله خال ولد أخوي بس ما إشتقت للزلفي وحرهـ |
اقتباس:
هلابك أخوي الذهب الأبيض وماتقصرون والله وقاموا بالواجب اللي رحنا لهم وبيضوا الوجيه وشاكر لك المرور والرد |
اقتباس:
الله يعافيك أخوي همام وتستاهلون أكثر ما سوينا شيء ومشكور على المرور والرد |
اقتباس:
وإياك أخوي مخاوي البر وشاكر للك الرد لاهنت ولا شنت سلام |
أخواني الراعد ابو عدنان سامي 2009 الهواوي شاكر لكم المرور والرد لا هنتوا ولا شنتوا |
اقتباس:
نشوووووووووف والله ودي بشوفك ولكنك تغلا الله يصلحك والحقوق اللي عليك واجد وما راح اتنازل عنها |
وتقلب الطشت
هههههههههههه الله يباركلك برحلتك بس حلوه ( الطشت) |
اقتباس:
هلا والله بأخوي سعد والله تحرجني وتفضحنا عند العالم لازم يدرون بالحقوق وش يبي يبد عليهم والله أبشر بسعدك بس بشرط نخلي فنجال فوق الطعوس ما نبي شغل رسمي وبيوت اقتباس:
ابو شعيل هلا بك وشرفتنا كنه ما جازت لك كلمة (الطشت) تراها باللغة العربية الفصحى وش يدريك والله يحييك |
اقتباس:
والله ياعندنا ضببة وعكر على مستوى هع هع |
ماشاء الله عليكم الله يهنيكم ويوفقكم دوم |
ماشاء الله تبارك الرحمن ... هذي الرحله الزينه الله يعطيكم العافيه |
اقتباس:
هلا بأخوي مستور ومشكور على المرور والرد لا هنت ولا شنت |
اقتباس:
أخوي عاشق ديرته الله يعافيك ويبارك بك وشاكر ومقدر لك المرور والرد |
اقتباس:
|
اقتباس:
يالله على بركة الله جهز دلالك وماك الحلو عبه ..... |
| الساعة الآن 12:18 PM |
Powered by vBulletin .
جميع الحقوق محفوظة © لشبكة ومنتديات البراري 2010