|
جيب + حراثة + سقس قلاب + شيول دركتل + وايت الدفاع المدني + أبو جنزير =000(يوجد صور)
يوم الخميس 29/11/1429هـ
راعي لاند كروزر وده يتفرج على السيول في صبخة القصب اللي تجيك قبل القصب على اليسار وانت جاي من الرياض المهم الرجال وقف سيارته على جال البحيره ونزل يتمشى مادرى الا الماء وصل موتره حاول يطلع لكن ما امداه كفراته صارت تدور في الطين المهم ترك موتره يمرح يوم جا الصبح ويفزع له راعي حراثه حاول يسحب الجيب لكن صارتهذي النتيجه ومن جهة أخرى تلاحظون الزمزميه ؟؟ شكلهم وسعوا الصدر عند الحراثه مسيكينههالحراثه راحت فيها هالحينالحراثهتقول طلعووووونيوش لقفني اجي فيذا المهم أشروا لراعي سقس على الخط وجا يبي يسحب الحراثه وكانت هذي النتيجه وهذي صورة ثانيهولاحظ قرب خط الزفلت وعرفوا ان الموضوع يبي يطول والدليل ترمس المويه!! قالو مابدهاش لازم نجيب دركتل لكنشوفووش صار من شفت الطاسه اللي حاطها ورى واناغاسل يدي قامت الحراثه تضحك قالت (قيت لك ياعبدالمعين عوزك تعيني لئيتك ياعبد المعين عاوز تتعان) <-- طبعاً باللهجة المصرية لانها عايشة بين صعايده المهمقالوالحل الأخير هو الاتصال بالدفاع المدني وقامو وزينواالشاهي بعد ما خلص الشاهي اللي في الزمزميه وقعدو يتقهوون بالبريق اللي قدامكم وفعلا جا الوايت علشان يسحب هاللي غاطسين وشوفواوش صار وتركو الجيب والحراثه والسقس والدركتل وحاولوايطلعونالوايت شكل السواق توهق وانواع الجزاءات بتطبق عليه وحاولوا كثيراً بدون فايده يوم انهم عجزوقالواما يفل الحديدالا الحديد جيبواابو جنزير ويجيكيتمخطر ويضحك على هاللي غاطسين لكن جاه ماجاربعه تعلق اخينا في الله وقال هذا مكاني وجابواعمال البلدية يحفرون له وحطو له خشب يبونه يطلعلكن ما فاد وبعد مااستفادو من الدرس اللي تكرر عليهم في الجيب والحراثه والسقس والدركتل والوايت وابوجنزير قررو يسحبونها من بعيد ربطوا عدة وايرات في بعض وطلعو ابو جنزير ويقواون ان الدركتل اللي سحبهعلى الزفلت هههههههه الصبخة ما يلعب معهاعلى الزفلت وعساك تسلم ثم سحبو الدركتل والحمدللهعلى السلامه هذي صورة للموقع من بعيد يستفاد من الموضوع 1- لاتهايط اذا شفت السيل 2- حاول تستفيد من اللي توهقوا قبلك 3- مهوب كل من اتصل بالدفاع المدني يبي يطلع عن طريق الإيميل 0 0 0 |
هههههههههههه
والله مت من الضحك والله الصبخات مايستهان فيها يعطيك العافية ياابو ريناد ولاحول ولاقوة الا بالله |
الله يصلح راعي الجيب أنشب الناس معه
طيب طلعوا!! وكيف ؟؟؟ مشكور على الموضوع المفيد |
ههههههههههههههههههههههههههههههههههههه
صراحة موضوع في قمة الروعة والتعليق اروع |
سبحان الله , صور معبره
جزاك الله خيرا تقبل مرور اخوك ابو محمد |
مسلسل مثير تابعنا حلقاته
فكل صورة تمثل حلقة فيها درس وعبرة وطبعا الموقف لا شك أنه سيكون طريف بعد أن انتهت المشكلة ولله الحمد موضوع رائع 00 شكرا لك |
اللة يكون بعونهم
|
الموضوع جميل و كأنه مسلسل درامتيكي ... يعطيك العافية على الموضوع ... وكثر الجااايات .. تحياتي لك |
موضوع راااااااااائع وجميل في تسلسل القصة
المشكلة كانت صغيرة وتطورت |
ورجلن يجى فى طريق السيل يا هبله
|
مشكور على هذا الموضوع الجميل
|
مشكور أخي الكريم على الموضوع الذي يحمل الغرابة في أحداثه
|
الله يعطيكك العافيه والله ياهي نشبه يحبها قلبك ملاحظه للاهميه من خلال تجربه لي شخصياً مع جيب غاطس نفس الجيب اللي في الصوره حاولت سحبه بالونش ولم يتحرك وحاولت مع البكره وزيادة القوه وبرضه مانفع جبنا ونش ثاني ونفس الحركه ونشين ولا تحرك ولا طراله جبنا ونش اللي على الدبل وانقطع الواير ثلاث مرات ولا تحرك فجلسنا من الساعه 12 ظهراً الى الساعه 8 مساء ونحن نحاول ونحفر في الطين ولا فائده لكن هنا تظهر الخبرات اتصلنا باحد الاشخاص اللي معه ونش على الدبل وقلناله السالفه المهم جا وجر السياره وطلعت معه مثل الشعره من العجين ( ماشاء الله تبارك الله ) وشلون كنا نسحب السياره من الخلف ومن الامام مثل المسطره وهذا غلط لان الطين يكون مثل المغناطيس ماسك السياره ولا يطلقها ابد قام الاخ وجاب موتره على جنب الموتر من ورى وسحب الموتر وصار كنه يبي يقلبه وراتفع بطن الموتر وارتفع عن الارض وطلع مرتاح بعد جهد منا زبدة الموضوع لا تسحب السياره اللي في الطين من خلفها مباشره او من الامام بل خلج عن جنب امام او جنب خلف وموفقين واعذروني على الاطاله لكن جاء وقتها دندشه |
هههههههه
والله عبره... ---- |
اااااااق ق ق ق ق ق ق ق ق ق ق ق ق ق ق الصراحه صارت لنا في المجمعة عام 18 ب 9 سيارات وحراثه وشيولين موضوح يحمل الفائده وملاحظات أخوي دندشه مهمه جداً |
المشكلة في وايت الدفاع المدني والحمد لله ما احتاجوه في حريق وقتها 0
جزاك الله خير |
أخوي / أبو ريناد تقرير جميل جداً لأخذ الدرس والعظة منه والمشلكة كل شخص حاول مجتهداً بقدر إستطاعته ياليتهم أعتبروا من من درس الحراثة الأول ولكن :h25: وفكروا بالحل الأخير دون أن يَجر واحد تلو الآخر بدل المسلسل الدرامي الذي كان بينهم تقبل مني أرق تحيه |
فعلا موضوع حلو وممتع وفية درس
|
الصراحة فلم هندي ههههههههههههههههههه
|
الله يرضا عليك ياراعي الجيب أثريك غالي عليهم كل هالمعدات فازعة لك ...
ماشاء الله على الدفاع المدني مرسلين هالوايت يحسبون الناس بحريق ولا أيش ... سبحان الله ...!!! |
موضوع راااااااااائع وجميل في تسلسل القصة المشكلة كانت صغيرة وتطورت |
القصب
اقتباس:
هذا صباخ القصب ما يلعب ...................................... الجيب له تقريبا اسبوعين :70: |
والله التهور ماله داعي اخوي
|
الله يعطيك العافية
لو في صورة جماعية لذكرى الحبايب |
يعطيك العافية على الموضوع المفيد
واللي كله عبرة وعظة تحياتي |
اللة يكون بعونهم |
قويس انهم شغلوووووا مخهم فى الاخير وسحبوها من بعيد https://www.albrari.com/vb/imgcache/7402.imgcache
|
تقرير رائع
الطين لاتلعب فيه |
اروع من الصور التقرير الرائع وهذه عضة وعبرة لمن لايعرف السيل والطين حيث لاينفع دبل ولاجديد من السيارت الف الف شكر على الموضوع
|
يالله لاتقردنا انشب هالعالم الله يهديه
مشكور موضوع مميز |
جزيت خيرا على تصوير هذا الحدث الطريف
|
الموضوع..:0012:جدااا وأخص..الأخ دندشه على...الفايده |
هذ درس لين شفت الطين
انحش الله يعطيك العافية |
| الساعة الآن 06:08 PM |
Powered by vBulletin .
جميع الحقوق محفوظة © لشبكة ومنتديات البراري 2010