|
محد دورني يا دافع البلا
السلام عليكم ورحمة الله وبركاته
حياكم الله يا الربع وشلونكم عساكم طيبين ابشركم خذت عمرة وتمشيت في مكة والطائف انا والاهل >>> وش دخلهم في تمشيك المهم عاد جيت >>>وخروا عن الوزير جاكم وجبت معي هدايا >>> ودك تسمع فيها وما تشوفها لكن عاد الجود من الموجود >>> بدينا في الاعذار من هلحين والله جبت كل الوان القريض https://www.q5q5.net/uploads/af9d7b98c2.jpg العادي المملح https://www.q5q5.net/uploads/aef793e2a6.jpg والاخضر https://www.q5q5.net/uploads/aa389022e0.jpg والاحمر https://www.q5q5.net/uploads/c8ddb6709c.jpg والاصفر https://www.q5q5.net/uploads/1909fa1947.jpg وجبت لكم حلاو ملبس https://www.q5q5.net/uploads/044fa03fc3.jpg وجبت لكم حلاو مدري وش اسمه https://www.q5q5.net/uploads/be815140ee.jpg وجبت حلاو اعرف اسمه بس ناسيه https://www.q5q5.net/uploads/d87848cd87.jpg وهذا حقكم من المساويك وتراها من نوع ابو حنش ذكر وشاريها من مسفله سوق الجملة اللي جنب حديقة البلدية >>> قالكم يدل في مكة الله يخلي له التكاسي يدلونه عاد المسابح غاليات يقول الدرزن بخمسه وكاسرته لريالين وعيا يبيعني https://www.q5q5.net/uploads/b1e77122f4.jpg وهذي حوامه كامة للعوائل بس https://www.q5q5.net/uploads/f56ab43cab.jpg وهذا قريض مشكل بعد زود لعيال المتزوجين بس علومني باخباركم وش زينتوا عقبي اشوفكم قضيتوا المجلس على البلكونه وفتحتوا باب على الشارع والنخل وراكم ما تسقونه بلا خنبقه عاد اقول ابضف وجهي والوعد باكر اكمل لكم سالفتي في الرحلة يعني نهام اطيب مني في الرحلات الخاصة تبي تشوفون رحلات هادي الخاصة >>>> والله ما عنده ما عند جدتي مشكوووورين على سعة صدوركم اصبروا فيه رد لي صور مختاره من عدستي المتواضعه لكن عاد ولا رساله خاصة جتني تنشد وينك ؟؟؟ ما صدقوا على الله تروح عنهم اصلا سلام |
صورة للحرم العصر
https://www.q5q5.net/uploads/1ac2d9d8a7.jpg صورة في نفس المكان بس بالليل https://www.q5q5.net/uploads/ca62905d7c.jpg وهذي صورة لحمام الحرم https://www.q5q5.net/uploads/c6f55e3b09.jpg مشكووووووووورين سلام |
وعليكم السلام ورحمة الله وبركاته
اهلا وسهلا بك اخي هادي حمدا لله على سلامتك يعجز القلم عن التعبير عن فرحته بتواجدك بيننا مرة اخرى وعودا حميدا تقبل الله منا ومنك صالح الاعمال وعمرة مقبولة بإذن الله تعالى |
وعليكم السلام ورحمة الله وبركاته :
الحمد لله على السلامة اخوي هادي .. وانا اقول وش هالانوار .... اليوم بالمنتدى .... :love: وعمرة مقبولة ان شاء الله وذنب مغفور ... مرة اخرى الحمد لله على سلامة الوصول ... ولا تنسانا من : https://www.q5q5.net/uploads/b1e77122f4.jpg تقبل خالص التحية والتقدير .. |
هلا وغلا اخوي هادي
والله فقدناك ولك حق ان حنا ما نشدنا عند بالرسايل لكن فيه موضوع علشانك نسال فيه الاخوان عنك وقالوا لنا انك بمكة عمرة مقبولة وهدية مقبوله ليونارد دافنشي |
وش جابك والله مرتاحين قبل تجي ما صدقنا على الله نفتك منك والقريض المفروض يوصل لي بالبيت وانت تعرف داري لكن الواجب نصير اطيب منك ونقول عمرة مقبولة وحقنا اكيد بايت مهوب فايت شكرا يالغالي على هالهدايا |
وعليكم السلام ورحمة الله وبركاته
ياهلا ومسهلا بالغالي ابوناصر والحمدلله على السلامة وعمرة مقبولة والله يتقبل منك والله يغنيك ويكثر خيرك ومشكور على الهدايا والصور راجع الرابط يالغالي ماننساك ابد يالوزير https://www.albrari.com/vb/showthread.php?t=1785 ا |
الله من شين الطبايع
طرار ويتشرط المفروض الهدايا تاصل للبيوت |
من ترك داره قل مقداره ياحلووووووووووووووووووووووووووووو
|
يؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤ
وش بلاكم هجوم على هادي الرجال فرحان بالحوامه وانتم شبيتو فيه اقول الوعد ملهم خخخخخخخخخخخخخخخخخخخخخخخخخخخ |
هلا والله وغلا اخووووووي البري
سألت عليك العافية ومشكور على ترحيبك يالغالي سلام |
حيالله اخووووووي nas
ابشر يالغالي خذ كل المساويك لك ما بعنا بالكوم الا اليوم مشكووووووور يالغالي سلام |
يا هلا بالدافنشي
هلا بالفناااااااااااااان اجل تنشدون عني بيض الله وجيهكم وخيركم سابق مشكوووووووووووووور سلام |
يا هلا والله ابو فرح هلا بالطش والرش
وحقك محفوظ اذا ما كلوووووووووووه العيااااااال مشكووووور على ترحيبك وكلامك اللي ينقط عسل سلام |
هلا حبيب القلب الصلبوخي
والله يا انا مشتااااااااااااااق لك وااااااااجد تكفى سير علي في تمير مشكوووور على سؤالك عني في الموضوع اللي قلت ربي يسلمك وبشرني عنك عساك في زود عافية مشكووووووووووووووور سلام |
هلا اخووووي عبد الناصر انت تامر امر
عطني عنوانك وتاصلك لباب بيتك وش دعوى ماتغلى عليك مشكووووووووووور سلام |
مرحبا يا مرعي يا اخووي الغالي
والله صدقت تصدق لقيتهم مغيرين كوالين باب المنتدى علشان ما ادخل لكن طبيت من فوق السوووووووووور مشكووووووووووور سلام |
هلا بالطش والرش والبيض المرنقش
مدري سكوتك يرووووووع يا نهاااااااااام لكن الوعد ملهم مشكوووووووووووووور على هالادب يالغالي سلام |
إلا مدورينك وسألين عنك بس ما قصر نهام عطانا العلم
والحمد لله على السلامة وماجور اجارنا الله واياكم من النار وصور الحقاق والسبال ما تكفي نبيه حسي مهوب معنوي :biggrin: |
الحمد الله على السلام أخوي هادي
وعمرة مقبوله ان شاء الله والله يتقبل منا ومنكم صالح الاعمال ويازينهن من صور تسلم اخوي و الله يعودنا لذيك الديار وأبشركم وصلني حقي من الحوامه وجركل ماء زمزم |
هلا وغلا .. تصدق توي أدري انك مانت موجود (( قمة التحطيم )) على العموم عمرة مقبولة .. !!
وبالنسبة للهدايا توي أدري ان فيك عمى الوان !! بالله الأخضر تقول عليه احمر هههههههههههه الظاهر الحمام دخل ريشه في عيونك كماهو واضح في الصورة ..ههههههههههههه المهم لاتحسب حسابي في المساويك .. جايب مرابيع الله يهديك والا شاري على مقاس ضروسك هههههههههههههههه من زمان مالقيت أحد أطب فيه .. الله جابك والله تبي الجد يالك وحشة .. |
حمدالله على السلامه ياجاي من السفر
هلا والله وغلا عمره مقبووووووووووووووووله الله يحييك بين ربعك واهلك ولك وحشه يالذيب اخووووووك ابو نايف |
ولد نجد تراني مابعد عرفتك >>> نسيت اشباهك
يالله ان تحييه ومشكووووووووور على ترحيبك يالغالي سلام |
ايه ذكرتني جراكل زمزم تراني ابيع الجركل بـ 15 ريال يا بلاش >>> بنعوض الخساير
الله يعافيك على ترحيبك وعسى الحوامه كفتكم مشكوووووووووووووووور سلام |
ابو ثابت
هههههههههههههههههههههههههههههههههههههههههههههههههه ههههههههه تراك غااااااااااااااااااااااااااااالي ولا ودي ارد عليك ابسكت ابرك لي ولك مشكووووور على ترحيبك يالحبيب سلام |
هلا وغلا وملوين ترحيبه يا ابو نايف
تو ما اسفر وانور قلبي بردك يالغالي مشكوووووووووووووووووور على كلماتك الطيبه سلام |
هلا والله
من طول الغيبات جاب الغنايم حياك ربي تراك وحشتنا يالغالي |
وراهم ما دوروك يمكن انت تتغلى عليهم
لكن ياهلا بك وتو ما نورتنا برجعتك يا نايب المدير شكرا على القريض والمساويك |
وعليكم السلام ورحمة الله وبركاته
ياهلا ومسهلا بالغالي ابوناصر والحمدلله على السلامة وعمرة مقبولة والله يتقبل منك |
يامن شرا له من حلاله عله
الله من اللقافه لو انت ساكت ماطبو فيك الشباب هههههههههههههههههههههههههههههههههههههههه |
هلا اخوي القصيم الرس
نورتني واسعدتني بشوفتك يالطيب مشكوور على ترحيبك فيني سلام |
هلا وغلا بذيب الشوكي هلا بجااااااااارنا ونورنا
اسعتدتني يالغالي الله يتقبل منا ومنك اخووووي مشكووووووووووووووووور سلام |
هلا وغلا ومرحبا بعاشق الدحول
وش زين اسمك وتشكرا على فزعتك معي اخوووووووووي مشكوووووووووووووووور سلام |
اخوي الحوت اسمك مخووووووف اللي ما يتخوووف
وش قلت علشان يشبون فيني هذا جزااااااي اني جايب لهم هدايا مشكوووور على اللي بين السطوووووور سلام |
اسمح لي بأن أحييك .. وأرحب بك
فكم يسرنا ويسعدنا انضمامك لعائلتنا المتواضعة |
حللت أهلاً .. ووطئت سهلاً ..
ياهلا بك بين اخوانك .. ان شاء الله تسمتع معــانا .. وتفيد وتستفيد معانـا .. وبانتظار مشاركاتـك وابداعاتـك .. ســعداء بتـواجـدك معانا .. وحيـاك الله |
أهلا بك في منتديات البراري الذي يتشرف بمن هو مميز
هذا وتقبل تحياتنا وتقديرنا |
وعليكم السلام ورحمة الله وبركاته
اهلا وسهلا بمن طل علينا ولك حق ان حنا ما نشدنا عنك عمرةمقبولة بإذن الله تعالى وشكرا على الهدايا وعلى الخير نلتقي اخوك صقر البر |
الحمد لله على السلامه اخوي هادي
عمرة مقبولة وعساها كل عام تتكرر |
اولا عمرة مقبولة
وثانيا ما صدقوا يفتكون منك شكلهم لكن اقعد واحرق قلوبهم |
| الساعة الآن 02:06 AM |
Powered by vBulletin .
جميع الحقوق محفوظة © لشبكة ومنتديات البراري 2010