بلدة البير
 

بسم الله الرحمن الرحيم
السلام عليكم ورحمة الله وبركاته
اولا ودي اقول لكم ان هالموضوع كتبته انا واخوي amak متعاونين لاني والله اول مره اكتب موضوع وان شاء الله يعجبكم
ندخل في العميق
نتكلم عن البير البلدة القديمة في المحمل وتقدرون تاصلون لها من مخرج الحسي على طريق سدير القصيم المدينه المنوره السريع وتاخذون طريق سدير القديم الين تلقون مفرق البير بعد عشرة كيلو من المخرج بعد ما تتعدون الحسي وبعدين يبقى عشرين كيلو من المفرق الى البلده
وفيه طريق ثاني بعد الحسي مباشرة تلقون مفرق الصفرات تروحون معه عشرين كيلو وتدخلون الصفرات ( ديرة العباد الاصليه قبل ما نروح لحريملا ونجي للبير ) ومن الصفرات فيه طريق مسويه رجل الاعمال ابن موسى الله يجزاه خير يربط الصفرات مع البير عبر الجبل
وهذي خريطة البير وتلاحظون توسطها بين حريملا والصفرات وطريق القصيم المدينه السريع

https://www.up.mixq8.com/uploads14/beeer.JPG

والبير قديم مررره وكان كله مزارع وضاق بالناس وخلاهم يرحلون الى بلدان ثانيه مثل ثادق - السويلم والعيسى - وبلدان ثانيه لكن اهمها الرياض والخرج والكويت

اكثر اهل البير دواسر بدارين لكن فيها ناس ثانين

البير حلو وفيه شعبان زينه مررره احلاها شعيب ابو فحيحيل وهذي صورة ابو فحيحيل لولد عمي ايمن

https://www.up.mixq8.com/uploads14/mk5_dscn15342.jpg

وصار باطن البير كله مزارع لكن ماهنا مباه الله يرحم الحال والبير فيه مخططين للبيوت الاول الظليعه وفيه المدرسه الابتدائيه والمخطط الثاني البويطن وهو المخطط الجديد وفيه بيوت حلوه واستراحات ومركز صحي ومدارس ومركز البلده وفي كل مخطط مسجد جامع

في الليل الجو هبااال وما ودك تطلع منه وانا وبعض الشباب نروح للجبل اللي بين البير والصفرات يعني كل الثنتين ديرتنا وحولنا اثار مثل صورة ايمن هذي

https://www.up.mixq8.com/uploads14/mk5_dscn1218.jpg

البير ديرة علم من قديم
ومن مشاهير البير :
1 - عبدالرحمن بن قاسم مؤلف فتاوى ابن تيميه ومؤلفات اخرى كثيره - متوفى
2 - ابن قاسم امام وخطيب المسجد النبوي في المدينه
3 - حمدان بن علي طالب علم وامام مسجد - متوفى
4 - اسرة الموسى الشهيرة - رجال اعمال
5 - الشيخ عبدالعزيز بن نصار - رجل اعمال
6 - الشيخ سعد الصوينع واخوانه - رجال اعمال
7 - الاعلامي براهيم الراشد - معلق المصارعه المعروف - متوفى
8 - الممثل الكويتي حاليا - على المفيدي - قحطه من اسرة المفيد من بني تميم
9 - ايمن من مؤسسي منتدى مكشات <<<<<<<<<< خخخخخخخخخ .. قمة النفاق
وغيرهم الكثير

اعذرونا على القصور ترا اول مره

نشوفكم على خير

هلا وغلا اخووووووووووي العباد

موضوعك الاول وبهذا الفن والابدااااااااااع

والبير من الديار العزيزة على قلوبنا ويكفي قربها من تمير

مشكوووووووووووور يالغالي





سلام

ماشاء الله تبارك الله

بداية موفقه اخوي العباد واخوي amak

نبي مثل هالمواضيع الحلوه

بارك الله فيكم

يااخوي اول مره اعرف ان براهيم الراشد راعي المصارعه من البير الله يرحم ذاك الوجه
يامال العافيه

اخوي هادي ياحبي لك وباهل تمير كلهم
شرفتنا الله يحييك

والله ياني اتشقق المشرف العام بكبره زار الموضوع
الله يحييك حياة طيبه

ياهلا بك اخوي الصحراوي ايه نعم بارك الله فيك وعلي المففيدي - قحطه من اسرة المفيد من البير

بارك الله فيك ونعم بالبير واهلها وهي من القرى المشهوره بنجد .
لاهنت
عليم العطش

والنعم فيك وفي البير واهله
عندنا في ملهم ناس اصلهم من البير ونعم بالجميع

انا اشهد انها ديرة زينه رمل وحمظ وعلوم طيبه ياعساها السيل

بيض الله وجهك اللي كتبت عن ديرتك
جعلك تسلم

موضوع قيم ومرتب صح ومعلومات واضحه ومرتبه بطريقة ميسره

هذا شغل واحد له كم سنه بالنت ماهو جديد بالموضوعات

وهذا رابط موضوع عن الاثار اللي تكلمت عنها للفائدة

اضغط هنا

اتمنى ان نرى لك موضوعات مستقبليه

الله يعطيك العافية اخي الكريم على هذه المعلومات

مشكووووووووووووووووووووور


شوقتنا للزيارة البير



لاهنت يالغالي

بيض الله وجهك يالغااااااااااااااااااااااااااااااالي

عليم العطش لاهنت يالغالي زالنعم بحالك

اخوي مسيان والله والنعم فيك وفيهم

اخوي نديم الليل هذا من طيبك طال عمرك

اخوي هيثم اللي ما يكتب عن ديرته مافيه خير طال عمرك

اخوي الجار الله مشكور على الكلام الطيب
والله مادريت ان المشرف كاتب عن اثار حول الصفرات والبير كان ذكرته
السموحه

اخوي عكاظ الله يحييك يالغالي وياهلا بك

اخوي راع الغرابه ياهلا وغلا انتظر رساله منك

اخوي فواز وبيض الله وجك يالغالي

يامال العافيه يالطيب عز الله ما قصرت

يعطيك الف عافيه على الموضوع المفيد

البير قمت بزيارة لها قبل سنوات
مدينة هادئة وجميلة
بها المزارع والاشجار
واهلها ناس كرماء وطيبين

الله يعطيك الف عافيه ماااااااقصرت

يمال الطيب يابن العباد
وش ذا الموضوع الطيب
اها وهاذي ديارنا ياهل البراري
البير يمال الفياضانات
وشكرا...

الله يطول بعمرك اخوي صنيتان ومشكور

ويعطيك الف عافيه ايها الافضل الغالي

ياليت نشوفك في البير اخوي الجدي

ويعافيك اخوي زوز ومشكووووووووووووور

حيا الله البيراوي راعي ديرتنا ياهلا وغلا

الله يعطيك العافية اخي الكريم على هذه المعلومات

والنعم في البير واهل البير


اخوك ابوعزام

موضوع جميييييييل والله مشكووووووووووووووورين

عشت يالقرم يوم كتبت عن ديرتك ما قصرت

ياهلا اخوي معدي المرقاب ماعليك زود يالطيب الله يخلي لك عزام واخوانه

اخوي عبدالناصر ياهلا بك وبزيارتك

عشت والله يالرياضي ياجعلك تسلم والله

انا بصراحة أشكرك على الموضوع الرائع وعلى الطرح المميز .. والاختيار الرائع .. بصراحة شوقتنا لزيارتها ..