|
مبروك لك ياابو سامي نقل ولدك رائد
وتروح وترجع بالسلامة |
الف مبروك يابو رائد
تروح وترجع بالسلامة واجازة سعيدة وتهناكم الرحمة وين ماكنتم |
فديتك يا ابوي رووووح وفلها والحمدلله على سلامة اخوي رائد
ربي لايفرقكم والله نزلت دمعتي يالغالي |
والله إني ماقبلت إني أصير .. عضو في مجلس إدارة منتدانا
إلا ودي أسهل كل أمر عسير .. أي شاعر لا طلب ياصل ندانا دائما معكم واشوف اني أسير .. حبكم بالقلب منحوت المكانــا وصوتكم ياصل إلى حد الامير .. وابشروا باللي تبونه ياخويانا |
دكتي الغالية على نفسي .. أبشري لقد أصبحت ضمن محلس الإدارة ، وأني أعلم أن دخول مجلس الإدارة إلى بوابة ديمقراطية أدخلها من هذا الباب وأخرج من الباب المقابل .. لذلك يادكتي سوف أحاول أن أشيل البطحاء واركب بلاط إيه بلاط .. واغير الصندقه في بيت شعر .. مافيه تناسق بيت شعر وبلاط ههه
كتبت هذا مجاملة لكي يادكتي الغالية .. قضيت فيك أجمل اللحظات .. ولن أنشغل عنك كثيرا .. |
مبروك ياابو سامي وتستاهل
|
اقتباس:
اقتباس:
اسعد.. الحزات. لامنك نصـير .. لمنتدى.. الاشعار تخفف من عنانا كــل قسمٍ ..نبي دربه.. قصير .. مانبي.. اللفات.. تحير.. من لفانا سير. وتوكل وحنا لك.. ظهير .. وبعد.. عيد. الحج.. تتبلور..منانا الف الف مبروك ابا سامي هذا المنصب الذي انت اهلاً له نتمنى لك التوفيق والسداد ونحن معك قلباً وقالباً والى الامام . خالص التهاني والتبريكات |
يااالبيه ياناس والدي صار عضو في مجلس الادارة
ضمنا الواسطة ههههههه اول شي وزع علينا ماكنتوش <<< قديمة مرررة وماحنا مكلفين عليك خل الضحية عشانا بفرحة ترقيتك <<< فكر اقتصادي الف الف مبارك عليك يا ابوي والله تستاهل ياصاحب الفكر النير |
اقتباس:
شكرا سراب .. قبلت الادارة عشان اشتريلك كمبيوتر هههه .. بس اصبري شوي خليني اشوف من أين تؤكل الكتف واردلك .. على فكره فيه شاعر اسمه حمود السحيمي .. تراه يستاهل التشجيع .. شاعر يعتبر إضافة للبراري تحيتي |
اقتباس:
اقتباس:
وان كان عالكتف يحتاج لك خريطة بالنسبة لحمود السحيمي ننتظر تواصله وما يضيف وبعدها نقرر وفي واحد اسمه وبل الحيا ايضا شاعر على هذا الرابط https://www.albrari.com/vb/showthread.php?t=76001 والشاعر سلطان خلف الرويلي لكن ما شفنا قصايده على هالرابط https://www.albrari.com/vb/showthread.php?t=75913 اي شاعر جديد نقوم بتشجيعه وان شفناه متواصل ممكن ندخله للمجلس |
شكرا سراب
تم زيارة الروابط والرد عليها .. شكرا تحيتي |
ماصار به وقت للهوجاس .. المعذره لو تأخرنا
.. إطمأني يادكتي .. فلن يأخذني منك إدارة ولا غيرها .. سوف أعتزل من هنا إذا شعرت أني غير قادر على العطاء .. دكتي .. لي عوده بإذن الله .. |
حبيت اعبر عن اللي بخاطري هنا بدكتك يا ابوي
نعم تعبت في الاعداد للمسابقة لكن وجودكم معي وحوالي اعطاني الدافع للاستمرار وهناك شي اخر ....... اليوم احسست بنجاح المسابقة رغم قل المشاركين والركود اللي بالمنتدى لكن ما اسعدني مشاركة الشاعر المشارك ليثاوي عفيف بعد ان طرح ابياتا في القسم والاسبوعين اللي طافوا كان معنا محمد المقاطي اثبت شاعريته يعني الهدف من المسابقة بانت مواريه وهو اكتشاف شعراء جدد لاينقصهم الا ( دقة سلف ) وينطلقون وهالشي دفعني للاستمراية بس خليكم حولي باستمرار انتم اسرتي ولا استغني عنكم جميل جدا ان نحس بالانتماء ابوي غير عنوان الموضوع خليه دكة هواجيسي انا وبنتي لاني احتمال امر هنا كثير |
الحقيقة يااختي وان شئت قلت ابنتي انتي نعجز ان نفيك حقك فهاهو القسم قد استقام ونرى ثمار جهدك قد اينع وما المسابقة إلاخير دليل على النجاح لما لقيه من تنسيق وترتيب وتحفيز والإعلان
هنا وهناك مما اضفى على المسابقة رونق جميل وجذاب وكان الإستفتاء رائع رغم قلة المتسابقين وما الشاعران المقاطي وسهيل إلا اكبر دليل على النجاح فشكراً لك على ما تقدميه والعذر كل العذر على عدم تفاعلي معكم اولاً اجد صعوبة بالغة في ضعف النت لديه واحياناً اضطر الى الخروج من الصفحات والعوده مرة اخرى حتى يتسنى لي التصفح واحياناً يعلق لضعف الإتصال . اما من الناحية الصحية فالحمد لله فيه تحسن كبير واحياناً اكون معكم ولكن بدون تسجيل نظراً لما ذكرت آنفاً والله المستعان ابو سامي اخي عناد يعلم الله الذي يعلم خائنة الأعين وما تخفي الصدور انني احبكم في الله ولله والله على ما اقول شهيد ولا اريد لاجزاء ولاشكور سوا الاخوة التي لايشوبها شائبة ولله الامر من قبل ومن بعد . تمنياتي للجميع بالتوفيق والسداد والصحة الدائمة وهو خير الحافظين . |
والله انك مونستني ياوليدي ، من يوم راحت عجيزي .. وانتي اللي مونستني .. ولكن انا مليت من دكتي ..! وتعودتك عليها بنفس الوقت .. يابنيتي الله يخليك .. دكتي قديمه أسوارها من طين .. ولا بنيت فيها إلا فليله صغيره يالله وبالله تشيلني أنا ما حصلت على الله ان الدكة تفضيلي تقومين تناحليني عليهههها .. دايم وانتي شابه النار وتحمسين وتدقين .. كل ما جاء احد سدحتي له حد الخرفان .. يابنتي حنا في عصر الاقتصاد .. دول خسرت ماهو شايب على راتب التقاعد .. لا يهمك ياسراب .. اليوم جبت شحنة تريله سمر وقرض .. شبي النار .. وهيجني ماعليك انتي عند ابوك .. إههها ماباقي الا سراب .. يضيق صدرها .. بس ياوليدي انا ودي تبنين لك دكة بجنبي .. منها نتوسع فيها ومنها طفشت من دكتي مافيها أي زخرفه .. نبي دكة مزخرفه ونسميها .. دكة هواجيس السراب .. أضني أسير وتسيرين والدكتين بجنب بعض .. تخبرين ياوليدي أنتي يجي يمك جاراتك ونسوان وانا ياوليد بعد عجيزي الله يرحمها ماصرت أحب شوف النسوان .. ههه نسيت لا أقولك .. شكرا على الهديتان القيمتان .. المقاطي وسهيل .. سويت للمقاطي فحص .. ماهو هين باقي سهيل .. وأكيد إنه بارضه شاعر .. تمنيت لو أنك أضفتي إلى معرفيهما لقب : الشاعر الفائز بمسابقة البراري .. أو أي من هذا القبيل .. تحت اسميهما أو على الأقل لقب شاعر .. اليس كذلك ... دكة هواجيس سمو المشاعر هي دكة الشيبان .. واصل الابداعات ياسمو التواضع والأدب شكرا لزيارتكم دكة هواجيسي |
اخي الاكبر ابوعلي
لاتفيك الكلمات حقك يالغالي ويعلم الله اني احبكم جميعا في الله واحس بالانتماء اليكم كاسرتي تماما واضيق ذرعا اذا غاب احدكم تعودت عليكم جميعا ابوي غانم وابو علي وابو ايوب وابو سعود وعناد يشهد ربي اني اعتز فيكم وافخر فخر البنت بأهلها رغم اننا من كل وادي لكننا على قلب واحد لدينا شعراء لهم معزة خاصة كصبح المطر والخيال ليسوا قريبين كثيرا يحضرون ويختفون وغيرهم كثير علنا من هذه المسابقة نكتسب ابناء واخوة جدد فيهم روح التواصل والعطاء هذا القسم هو جناحنا الخاص واسعد الله ابوي الضومري لما منحني الثقة لاصل الى هذا القسم من خلال ترشيحه لي من زماااان علشان اساعدكم كشعراء ورغم ما اقوم به معكم الا انه يوجد تقصير مني احيانا لضيق الوقت واحيانا تكاسل ناتج عن ضيقة صدر لكن رجائي ان لانفترق كأسرة وخلونا على قلب واحد دايما واللي يحب يغادر يبلغنا ولايروح من غير ما ندري الله يخليكم لي ولايحرمني وجودكم يالغالين |
ابووووي غانم
عجزت افهم هالعبارتين ( من يوم راحت عجيزي .) (عجيزي الله يرحمها ) خابرة عندك حرمتين الحين عجيزك قبلهم والا ايش والا حاصل شي تو مافهمت وضح لي تكفى وبالنسبة للدكة مقدر افتح دكة خاصة يا ابوي تحتاج وقت وبنيان وتكلف ولازم نقابلها طول الوقت لابغيت اهوجس ( موبدايما ) عرجت هنا ما تقول حنا بزمن اقتصادي نسوي قطية واللي يجينا يجيب الارطا معه ماعاد في زمن كرم الحين هههههه ربي يسعدك دنيا واخرة ولايحرمني منك يا ابوي |
في قديم الزمان .. توفيت زوجة إحد البدوان .. وتزوج بعدها بإخرى .. سرح بماشيته ولما عاد وهو كالعادة محملا بالحطب ..سألته زوجته الجديدة ! وش اللي أنت جايبوه .. خذوها واقلاعوه بعين ابليس .. عيب عليك تجيب الحطب الحطب شغلة الحريم ولا تكررها .. أخذ الحطب ليقلعههههو .. تدرين وين ودااه .. حطه على قبر عجيزه وشب فيه .. فوق قبرههههها
حياك الله ياسراب .. عساك مرتاحه ياوليدي .. دكتي متعود ما احد يزورها الا اللي ضايقٍ صدره ووده يفضفض .. قولي يابنيتي هاتي ... حياك ياسراب تحيتي |
ضايق الصدر يا ابوي بالمرة
كانوا يقولون الشمالي صدره وسيع وانا عرفت السر في ضيق صدر الشمالي الجلسة بين اربع جدران تكتم الانفاس وتضيق الصدر من اول يوم كانوا البدوان ببيوت الشعر كان الفضاء واسع للجميع سواء رجال او نساء لكن الحين وعالاقل في محيط بيئتنا صعب علينا الخروج المستمر والا الطلعة للبر والتمشي نعم الاية الكريمة تقول (( وقرن في بيوتكن )) فبيوت الاولين كانت تطل على الفضاء الواااسع الى مد النظر لكن بيوتنا اصبحت اشبه بالسجون للاسف ولكننا لابد ان ننصاع لاوامر الله - في مثل حالتي اليوم وبنت اختي الرضيعة تغادر صدر امها لتقيم بالعناية المركزة اثر التهاب رئوي حاد يجعل الدنيا تضيق بعيني واتمنى لو كان امامي فضاااء واسع وانا ادعو الله لها بالشفاء العاجل وان يقر عين والدتها بها يااارب تشفيها وتشفي مرضى المسلمين شكرا لك يااوالدي |
ما احدٍ من الدنيا عظامه سليمات ...
أسأل الله العلي القدير أن يقر عينك وعين اختك بعودة صغيرتكما .. المسلم مبتلى .. الصبر ثم الصبر .. والتضرع لله سبحانه وتعالى بالدعاء ، فإن دعاء الوالدين مستجاب بإذن الله . تحيتي |
أسأل نفسي ؟ هل الربيع هو سبب ابتعاد الشعراء .. ؟
|
اهـــداء لكل اعضاء الشبكة اخص الاخ الغالي غانم الضومري
غبت وحضرت وغيبتي كلها شوق للي لهم في صدر ماجد معزه ماهمني بـغيابهم كل مخلوق والهرج ما حرر مع الوقت غزه لا صار قلبي بين الاضلاع مسروق عله عن جروح الزمان يتنزه من شأن مايصبح من الشوق محروق خله يصير الضيف في حي مزه وان كان يا غانم صدق كل مطفوق صاحبك في فقد المواليف عٌزه محبكم ماجد بديح عزاه ياماجد فقد غالي الشوق أقفى عن الدنيا عزيــزٍ منــــزّه راحت وذكراها بقت داخل الموق فــي كل ذكرى دمعته.. تستفــزه مخصوص لا شاف الحوير بلا نوق والا حنين إبكارهـــــا كل حـــــــزه ما كل مخلوق يعوض بمخلــوق ورز الرصيص مايجي جنب مزه أنته وابن عدوان والطاق مطبـوق فاح المهيل وانتــثـر فوق قـــزّه متى على الله يزبط الوضع ويروق ويطيب قلبه من طعــــونٍ تغـــزّه مالوم قلب يشكي البين محــروق ورثه ثقيل أكبر من جبال غـــــزه ماراح راح وكل مطرود ملحوق الله يعوضك بحبيب تعــــــــــزّه تحيتي |
جيناكم عقب صلاة الفجر ولا لقيناكم
وين الضو والقهوة والحليب سلام |
اقتباس:
معليش ابو ناصر .. تعرف الجو بارد ، أخذتني التصفيره .. لكن المشب مفتوح والنار تلتهب ، ورى ما قلطت .. المحل محلك .. لا خلا ولا عدم .. تحيتي وتقديري |
ياهلا ويا مرحبا ومسهلا تصدقون عاد اني عجزت القاكم الا هلحين والحمد لله احب اعرفكم عن نفسي انا سحاب نجد او سحاب شقراء المهم كله سحاب الله يغيث البلاد والعباد ونا عود منيب صغير وقوا امشي وروح وجي لله المنه والشكر وا اكثر شي يخوفني بها الدنيا القطو تراي اقول الصدق وكلش له اسباب طبعن ابا اخبركم بها ان شاء الله وهذا سبب رئيسي اليوم ابغى اعلمكم بموقف حاصل لي البارح منها اعلمكم ومنها تنتبهون لا يجيكم اللي جاني سلمكم الله عادة احط معي في السياره كيس واجمع فيه الله يكرمكم الزباله ثمن ارميها في اقرب حاويه يعنني نظيف ومؤدب ما ارمي شي في الشارع المهم ركبت السياره ونا اهيجن بشويش وما عندي للشيطان طريق تخيلوا الموقف واطلع الكيسه بيدي اكيد بيدي اجل برجلي بعض الكلام ما ودك يطلع المهم فتحت الدريشه ومديت يدي يوم وصلت الحاويه تكرمون حقت الزباله واقف وانا في السياره واذب الكيس في الحاويه اثر فيها قطو شوارع وحش ونتق من الحاويه ويخبط بوجهي ويجلس يطامر في السياره من داخل السياره وهي تشتغل وكنت مهدي وتبين سبحان الله الشجاعه فيني تحسبوني هوين الا واطب من السياره وانا اصرخ ومشت السياره والقطو فيها وانا طايح على حيلي وممدد رجلي عند الزباله الله لايفاشل المهم السياره مشت بالقطو ما علي منها انا قمت اتنافض احسبه الموت جاني وقامت براطمي تنافض مدري عاد هي روعه والا واصلة البكيه الاعتراف بالحق فضيله والسياره تمشي الين جاء حرف تي وستر الله ماجا سيارات اصلا وش علي يصير المخطي القطو وانا ماكنت اسوقها ههههههههههههه هو اللي في السياره ترا كلامي صدق وتضرب السياره في الرصيف الاوسط وتاقف وانا قمت اسحب رجلي كني طايح من السماء والسياره واقفه غلط بالطول شبه مسكره الشارع وانا ماجسرت اقرب من القطو لازال فيها ويطامر تصدقون يتمسك بالسقف الخبيث الله لا يفاشل ويمر ولد جاري توه صغير يمكن عمره الله يصلحه 13 سنه المهم جا يمي وقال وش فيك يالله تمشي وماسك ظهرك عسى مهوب يوجعك قلت جابك الله قبل الفضايح تعال يا ولدي انت تخاف من القطاوه ولا ما تخاف انشده قبل لا يجي الولد شي وغشي علي من الضحك قلت في نفسي ايه ماتدري خل عنك بس قال لا ما اخاف قلت متأكد قال اكيد قلت اجل شف في السياره قطو نتق علي من الزباله وانا اجدع كيسه فيها وخبطني مع وجهي وطبيت وخليت السياره له قال وينه قلت مايبي وينه شفه ولاي بديت اشوش يوم فزع الولد الله يخلف علي بالجنه وكل مسلم ورح له يالولد ويدخل عليه بالسياره وينهبل القطو زود اكثر من اول والولد يردد ماسكك ماسكك والقطو الوحش ما يحجر يطمر في وجه الواحد والا يدخل في ثيابه ويقطعك تقطيع المهم ودي اعد كم قلت المهم من مره شطحه خفيفه واقوم واجر الولد واطلعه من السياره قال وراك علي تبي تطلعني والا تطلعه قلت خايف عليك ينقز في وجهك ياولدي وفتحنا البيبان كلها ويطلع طلعت روحه مع اذانه امين انتبهو يالغالين عند براميل الزبايل ينتق القطو من الروعه ولا يدري وينه فيه ويصير ما صار لي وهذي المره الثانيه تصير لي خل اعلمكم وشوله لازم الزباله تلفت يمين يسار ولا صار مافيه احد بقوا ما عندك في اي مكان وشوله ترووعون انفسكم مثلي هههههههههههههههه |
أسعدك الله ياسحاب .. أضحكتني أضحك الله سنك ..
حلوووووو .. إلا على فكرة انا سميتك ابو مشاعل .. ؟ ابو؟؟ مكانكم القلب .. |
اقتباس:
هلا ومرحبا ومسهلا تصدق ياغانم اني اقول بيني وبين نفسي عسا ما كثرت او طولت بالسالفه ونتم ماودكم علموني تكفون هذا ترا طبعي منعطا وجه بالنسبه لمشاعل هي الوسطى من بناتي ونوره هي الكبيره من بناتي بس انت تعرف ان الابناء يكون فيه واحد منهم يشعرك بحبه لك بخلاف الباقين يعني بصراحه تحبه اكثر من غيره ومشاعل غيرهم كلهم سبحان من يحط الحب في قلوب عباده اخوي غانم هذي بعض قصيده قلتها في طريقي للبيت ونا مطلع امها من المستشفى توها جايبه مشاعل وذكر ذاك اليوم كانت تمطر وهذي بعض القصيده لها تقريبن 16 سنه سحابـتــن هلـت لها برق ورعود ومطــر عليــنا يـوم جـيــنا نـدلــه ورياضنا من فــرحتـه ذعذع النود وغنت طيــورن بالشجــر مستكنه وطارت من اوكارالها بعالي الحود ومالــوم خـلـن فرحته شوف خله هذي مشاعـــل حبها نشف العود في وسط قلبــي سبـبتــلي بعـلــه ربي عطاني والي العرش والجود ربـن جــزيلـن بالعـطا ما يـمـنـه سحااب شقراء |
سحاب شقرا ..
وش دعوى أنا احسبنك جد .. واثرك شباب .! أما بالنسبة لسرعة الطباعة .. أتوقع انك تكتب مثلي بطريقة الطباعة باللمس دون النظر إلى مفاتيح الحروف .. اختبر في موضوع هنا .. اسمه اختبر سرعة طباعتك .. كان اسمه مجلس الشعراء وأصبح ديوانية شعراء البراري .. يعني ترانا بالديوانية .. سولف على كيفك .. مبطين ما سير علينا شرواك .. وبعدين نبي نعشيك والله ما تقول لا .. والا ما تاكل دسم .. 4 أبريل عز مقناص القميري والسمان على سواحل ينبع الصناعية .. وكانك تعرف تزين قرص الملله .. الاطلسي يطبخ طبخ ماهو طبيعي خرافي .. ومواعدني يبي يسير علي .. هاه وش قلت |
اقتباس:
هههههههههههه ياجعل ربي يغمر قلبك بالسعاده اللهم امين والله العظيم اني اكتب بصبع واحد ولا اعرف غيره يعني انت تشوف الدجاج وهو ياكل العيش قسم بالله مثله هههههههههههه اما ابا اكتب بطريقه اللمس كان يطلع بالصيني ولا اعرف اقراه انا وسالفه القطو هذي طال عمرك مخزنتها بنتي في ذاكره او مومري هي وجميع سواليفي ونا بس انسخ وحطه بالمنتدى ودعوتك للعشاء قسم بالله يشرفني بس انا عندي ضروف وبعدين اعلمك فيها من الالف الا الياء ان شاء الله تعالى وعتبرني كلت عشاك يالغالي جعله من يسر |
ابي اقول لكم سالفه حاصله لي كنت مره في الاستراحه من زمان ذا الكلام قبل ابيعها وفيه واحد من الاصدقاء قال لي يا سحا ب اذا ممكن اجيب كلب واحطه في الاستراحه لا ن عندي سفر والكلب غالي ذاك اللي كنه ذيب اللي اذانه مشنتره قلت لصا حبي ما فيه مانع وجاب الكلب وكان رابطه بسلسله وقال لي تراي شاريه ب8000 ريال ماهو حق شوارع ويبي له عنايه خاصه كنه ناقصني غثى سافر صاحبي وجيت الاستراحه من بكرا بس بيني وبين الكلب وقفة نفس ما يواطن ام عيشتي على العموم كنت لحالي وماخذ راحتي وكان الجو حا ر وقلت وراك يا سحاب ما تسبح في المسبح حلوه اسبح في المسبح ههههه المهم نزعت الملابس وش ذا الكلام وبعدين تفصخت ومن تفصخت والكلب ابن الكلب ينبح يمكن انه ارتاع اوقال وش قلة الحياء وانا علي شورت الله لا يخزينا على العموم طبيت في المسبح كني طايح من السماء طش طش وماخذ راحتي على الاخر وكانت الساعه 10 مساء والكلب كنه مسبح امه ماسكت الله لا يلومه شاف غوريلا مو انسا ن المهم ازعجني بنباحه وقمت ارشه با الماء وانا في المسبح وليتني ما سويت شي ذا ما هو يلعب حتى اكله من قواطي وعنده عزة نفس قويه تصدقون مربوط بسلسله حديد وقطع السلسله ترا كلامي صدق وصار يدور على المسبح ونا ادور معه الموت جاك ياسحا ب اين المفر وكا ن في المسبح قارب صغير بلاستك اللي ينفخ وقصرت من الدوران من الكلب الله لا يعافيه وجلست على القارب البلاستك وهو بس يبي مسكتي المهم وصلت مع الكلب وقال ما بدهاش وسواها وطب علي وتعال شفني اختبصت واطلع من المسبح وازلق وارتجت الارض وقلت واصل ياسحاب ياروح ما بعدك روح ولا لي الا سطح الملحق اسم الله علي مثل البرق وبغيت اطيح بعد المهم طلع ابن الكلب تصدقون حاول يرقا السلم ما قدر وانا متفصخ ماعلي الا صريويلي فوق وانادي ولا حياة لمن تنادي ماعندي احد ولو جاء احد وشلون يدخل الا ستراحه مصكوك البا ب ومنداخل كلب بوليسي واقعد اساحره كوده يعقل ويترك هالحركات اللي مال امها د اعي ومن شين الطبايع اسمه جون وطول الليل يا جون قيس قيس يا جون قيس قيس هذي لغه الكلا ب عندنا ومعطيني اشكل ويا ليل ماطولك ومامعي جوال كان اتصل على احد ومتفصخ وعلى سطح ملحق واخزياه يعني اللي يبي يجي يبي يقول لي استح على وجهك امحق من ليله خميس وامحق من سهرة مت عطش ومت جوع وحالتي حاله والمشكله الاسترا حه اللي وراي عوايل واخاف يحسبوني اطل عليهم وماكل تبن وملبد وبن الكلب ينبح الين جاء الفرج اللي بغا يروح فيها تدرون كم السا عه هالحين 8 صباحا يا ملا الصحن اللي يشلخ راس جون ابن الكلب وجاء احد الا صدقا ء الذروقين الله لا يلومه وطق باب الا ستراحه وانا على استحياء اقول جابك الله قال عسى ما شر قلت الا الشر بعينه واعلمه الكلب منطلق وانا فوق الملحق لاتقول افتح لي قال وش اسوي قلت سوات الله ابرك مدري المهم رقى على سيارته ورقى على السور وشاف الكلب قال وشذا قلت ارنب وشو كلب فلان الله لا يعا فيه سا فر وجابه عندي وش السوات قلت مدري قلت له تدري من متى وانا فوق قال من متى قلت من الساعه يمكن عشر ونص البا رح معك مويه تراي اترنح من العطش قال لا قلت الله لا يعافيك قال ترا ابروح واخليك قلت امزح المهم الشقردي جاب مسدس معه في السياره ما دريت انه مهبول الا ذاك اليوم ودليت اخاف منه بعد هذي قا ل وشرا ك يا سحاب قلت الراي رايك انت احترت الشمس حمستني قا م وفعلها واطلق خمس طلقا ت على جون وخفت من الطلق اكثر من جون اللي راح طشاش وقلت لصديقي بيض الله وجهك حليتها والله يعيني على راعيه اذا جاء ومات جون ونزلت من سطح الملحق وقلت لصديقي غمض عيونك الين البس ثيابي انتهى |
بانتظار هذا المشروع الجميل ياغانم
لك التحايا |
معذره تخبرون كانت دكة على امل انا نخليها استراحة ..
باذن الله لن اغيب كثيرا شكرا لكم احبتي على مروركم الثري |
| الساعة الآن 05:52 AM |
Powered by vBulletin .
جميع الحقوق محفوظة © لشبكة ومنتديات البراري 2010