|
اعطوك هرجّ مختصر فيه المفيد
فيه القناعــة تكبح النفس وهواه واطـلب بتــال الليل رزاق الــعبيد اللي اليامنه عطاء يرضي عـطاه |
عبدالمحسن الرحمه لوا هني اللي معه موتر جديد كلما حانت له الحاجة لقاه لوا عذاب القلب من حظ ن عنيد مرت اسنيني وانا دوم ابرجاه شطر الله يكافيك الجديد من الحديد آخر موديل اللي بعيدن في مداه جيبن ليا سجيت به قفرا بعيد يغنيك بعد الله عن موتر سواه ابو سيرين وفّــر مــن الـراتـب وعـيش بهــا سعيد تـخـتار لـك مـوتـر ولا يـصـعـب شراه زادت مصاريف البشر صيف ن وعيد يـا ويـل مــن يـســرف ولـو زايـد ثراه الركام اقنع بها الدنيا ولا تطـلـب جــديد يرتاح مـن يقـنـع ولا يتـبع هـواه واصبر على الموجود لو انه زهيد الوقــت عابر مايطــول بك مداه رعد الشمال اعطوك هرجّ مختصر فيه المفيد فيه القناعــة تكبح النفس وهواه واطـلب بتــال الليل رزاق الــعبيد اللي اليامنه عطاء يرضي عـطاه |
صحت السنتكم يامبدعين |
ابشر يالغالي عبد المحسن الرحمه هذي مشاركه على قد الحال وش اسوي هذا الي عندي ونا مامن شاعريه تراي تجي وتغدي ذا الزمن شيب به الطفل الوليد من خلقه الله ورزقه مالقاه والرجا بالي خلقنا له عبيد يرزق المحروم مايبطي عطاه سحاب شقراء المواتر ذا الزمن ماهي حديد خربوها صانعه مدري وراه لو صدم قطوه غدا حاله بديد كنه من الغيم طايح في ثراه سحاب شقراء |
اقتباس:
الذي طرحه شاعرنا رعد الشمال الله يوفقه دمت بصحة وعافيه ياسحاب شقراء |
لا يــا سـحــاب الـلي تـعـنّى وقـــدّم أبيات مثل اللولو واحلى من الطيب اربــط حــزامــك واســتـعـد وتهندّم خلك مثل مـا قالوا مـن نظـرته ذيب ,,,,,, |
اقتباس:
يخوي انت ماشاء الله عليك شاعر متمكن ونا والله العظيم اني على قد حالي ويشرفني انك اهديت لي ذا البيتين الي عن قصيده ونا ابا ارد بس هاه لا تواخذني في القصور تراها تغيب وتحظر هههههههه يامرحبا بالشاعـر الـي تقــدم وهدالي ابياتن لها فوحه الطيب رابـط حـزامي والحشا ماتغلـدم والذيب يبشر لا عوا جاوبه ذيب والله انها مفارقتني الذيابه هههههههه بس وش اسوي ماطاعني الجهاز الون الكتابه |
سـحـاب شــاركنا .. بالحاني تزين .. الجلسه .. والسمره أخـصـك الـيوم .. بالــعــاني لانك عـزيز وعلى .. الفطره شـعـرك يـذكـرني .. جـداني يوم الشعر حالي في عصره تبني .. بيوت ن .. وقيفاني في .. ظلمة الليل والـقـمره وداوي الــقــلب واحـــزاني قلب ن يعاني ..من الحسره مـا نطـلـبك شـي مــا ادانـي والأمــر راجــع على القدره أتمنى تشاركنا حسب استطاعتك وانت اخ وعزيز وكلنا نود نشوف ردودك معنا في هذا الموضوع وغيره ولا لك عذر مدام كاتبين المهنة شاعر المفروض تشاركنا وتقدم ما لديك وأتمنى لك التوفيق والسداد |
اقتباس:
ياجعل ربي يسعد قلبك ويفرج همك امين يبو سيرين ابشر ومن عيوني الثنتين مثلك نلبي مطاليبه ومن العين هذي قبل هذي يبو سيرين ترا قلبي مايطاوعني اخلي الطيبين مثلك والله اني صادق ومثل الغالين اعظاء البراري الي ماشفت منهم مايظيق صدري جعل ربي يسعدهم جميع امين ويختم لهم بالفردوس ووالديهم لا تواخذني تراي راعي سواليف ههههههههه ليتهم يفتحون قسم للسواليف عن منول وحداث منول والي صار فينا منول ابشر يالغالي بالمشاركات تراي قسم بالله مااعرف اكتب الا بصبع واحد ونقر الحروف مثل نقر الدجاج للعيش |
تسلم وهذا من طيب أصلك وبالنسبة لاحاديث أول انت أولى بها وعليك أن تبدأ وتجدنا لك آذان مصغية وستجد من يعينك على سردها . وهذه فكرة جديدة على المنتدى وأنت أحق بتنظيمها وقيادتها حتى نحافظ على تاريخنا وثقافتنا شاكر لك يا سحاب والله يحفظك دنيا وآخره ويبيض وجهك ومثلك نفتخر بمعرفته أنت وعبد المحسن والاخوان بالمنتدى وتقبل مني تحيتي وتقديري ,,,,,,,,,, |
| الساعة الآن 09:02 AM |
Powered by vBulletin .
جميع الحقوق محفوظة © لشبكة ومنتديات البراري 2010