|
بارق عرفنا بنفسك انت و الركام
حنا شيبان نسولف على بعض و نكش من الاجنبي |
يالركام وراك ملبد ياخي؟
عرفنا بنفسك وش انت من لحية |
اخوي تميم حفظك الله نزل سواليفك ما عليك من أي معرف لأن بعض الناس ماخذ بمقولة الصمت مهابة هههههههه
فأ انت حاول ما تتأثر بالمدرجات ههههههه |
يا راعي شقراء جتك رسالة على الخاص رد علي
|
هههههههههههههه
والله انكم شيبان صحيح وراكم تتمحرشون باللي تحت ترو البساط احمدي الركام حول المعدل قريب منكم سناً وقاص واديب لايعلى عليه |
الا وش اخبار الطقس
يقولون الاوضاع مبشرة حول العاصمة ياجعل وطنا الغالي بالخيرالعميم |
ابشرك الرياض بتغرق
والنعم بك و بالركام بس حبيت نتعرف عليه كان ماعنده مانع |
وراه انحاش يوم قلنا نتعرف عليه
|
يا سحاب شقراء وراك ما رديت على الخاص او ماتعرف له؟ هههههههههههه
|
ياشيخ تميم جيت وطلعت ولا جت السالفه ...
شكل السالفه فيها مشاهد لازم تنحذف هههه وشيخنا سحاب مايطري موضوع آذان الأرنب إلا وأنا أضحك ههههه والله إنكم شيبان فلّه .. ماعرفنا لكم .. هههه بس الشيء اللي ودّي أسألكم عنه جميع .. يعني هل زمان أول كلكم تفهمون على بعض .. مافيه إختلافات ثقافات ..؟!! يعني أحد من شقراء وأحد من الرياض واهل جدّة متواجدين هنا ماشاءالله ويفهمون السوالف والمصطلحات .. ( المجبب .. العسيب .. القليب .. و ... و .. ) فهل كانت الالفاظ والمصطلحات وحده تقريباً بكل مكان ... ؟! أو مفهمومه لدى الكل .. ؟! وأنا أشيد بك ياعمنا سحاب الله يطول بعمرك يومك تكتب قدام كل لفظ معناه .. لأني من جد ماأفهم أغلب الكلمات إلا من خلال شرحك لها ... يسعدك ربي ... وشيخنا تميم ماشاءالله عليه .. بدت تتناثر علينا قصصه من الشرار اللي تطاير مع الهوا هههه المهم متابعتكم بصمت ... وودي إن سمّو المشاعــر يعطينا سالفه من حق أول :) ... أما أبو سيرين ماهو فاضي يقص ولا يحذف شي ههههه تلقونه فمعرض الكتاب :038: |
هههههههههههههههههههههههههه
الله يسعدك يا رذاذ قسم اني مت ضحك على تعليقك طبعا مصطلحات نجد تختلف عن الحجاز و لو (نتكلم) نحتسي نجدي انا وسحاب متأكد محد يفهم وش نقول |
على فكرة يا سحاب يومك سافهني وما ترد على الخاص؟ هاه
تبيني اجيك بمعدال و اسنعك ههههههههه |
توي جاي من المطار كلمني شايب معه حرمته ورحت اجيبه وش اسوي اقوله منيب جايك شينه في حقه يبن حلال ضيعت المطار وبتلت مع الشارع ذا الناس ما تخليك تقرا لوحات مغير طايرين ولهيت فيهم معاد ادري وين انا فيه وبتل الين جاني دوار وعنده بوابه مزرعه الملك فهد الله يرحمه ولقيت عندها عسكروعلمني انها مزرعه ونشتهم وين المطار قالو عود مع طريقك وتلقاه وعودت مع طريقي بس منيب يم جاده انقلب راسي وقفت راعي لوميزين وقلت له ابيك تمشي قدامي الين ناصل مكان الي جايين في المطار وشوا صار يدل وصلني وعطيته 50 ريال هذي عرقته وممداني اوقف ويجيني حق المرور يقولي اطلع انا وين اروح وهو يقول ترا نبي نسحب سيارتك اطلع ونزلت له وقلت يبن حلال والله اني ماوصلت فيذا الا بعد الغثا مضيع ماردني من شوي الا مزرعه الملك ومعطي التكسي 50 ريال علشان يوصلني ونا ان مشيت تراي ابا اضيع ونا صادق بس اشوا طلع ولد اجواد ورحمني قالي خلاص ياعم خلك مكانك الين يجي رفيقك ونا واقف وراك علشان لا يجي الونش ويشيلك يالله انك تسعده دنيا ودين وترزقه وتستر عليه وتخليه لعين ترجيه هذا حقه علي تصدقون كل شوي جايه سياره مرور ويطلبون مني اطلع السياره ولا ذاك اشر لهم ويقولهم هذا تبعي من شيبانا ويروحون عني جعل الي خلفه للفردوس ويجي عود ابليس هو وحرمته كل شوي اكلم عليه ابطا علي ويوم ركبو ونزل للعسكري حق المرور ودعيت له عساها للقبول قلت له انا طالبك ابا احب راسك على فعلك معي وينزل من سيارته وقال حبه الراس لك ياجماعه الخير شفت عيونه غرقانه دموع وهو يقول كافيني دعواتك ترا الناس قلوبهم طاهره ولوهم عسكر ومعروف عنهم الشده بس داخلهم طهاره ودين ومخافه لله سبحانه خل اعلمكم بشي عرفته مع طول السنين والتجربه والله العظيم ان الشعب السعودي من اطهر شعوب الارض وصدقها ولا يرضيه الغلط ولا تناظرون للشواذ ولا هيب نسبه تذكر ومن ارحم شعوب الدنيا وكرمهم والي يشك في كلامي يجرب لو مره يطلب الفزعه من السعوديين في تغريز سياره ولا في خرابها ولا في اي شي والله العظيم ان تشوف الي يسعد قلبك كنهم اخوانك منول مايرعا الغنم الا بنات ولا شافو من الله شر بس بعد جيه فار الطحين عندنا حصلت مشاكل منهم وصارو الناس يخافون على بناتهم خربو علينا الي جونا من كل مكان بالدنيا وهدفهم الماده يحصلون عليها بالغش والكذب او اي طريقه تكون وهذا الي خلانا معاد نثق في احد مهما كان ولا نصدق احد ولا نرتاح لحد من كثر الي شفنا منهم ونبي نشوف كل ذو نعمه محسود وعلى الله توكلنا وهو حسبنا |
هههههههههههههههههههههههههههههههههه
الله يسعدك يا شيخ ليتك ناشدني عن المطار قبل تطلع كان موصف لك وصف زين و سهل تجيه مع طريق الملك سلمان سيده اليك في الصالات بس خيره وراك ما رديت على الخاص؟ |
اقتباس:
بالنسبة للألفاظ من أول وهالحين مفهومة لكل مناطق المملكة ، ولكن الاختلاف في بعض مسميات الأشياء يعني مثلاً البقرة ( عندنا نقولها بقرة في القصيم يقولون لها دبشه وفي الجنوب يقولون لها حسيل ... وهكذا ) الاختلاف في المسميات والا لو أجي لأي مكان أقولهم ( بروح لكذا وإلا بجلس في المكان كذا ) الكل راح يفهمني ولا اختلاف في ذلك وليس ذلك بمشكلة . المشكلة هو وجود الأجانب في بلادنا ، لأنه تسبب فيما يسمى بصراع الثقافات وهذا عواقبه وخيمة على المدى البعيد ، وقد تظهر مشاكل وعقبات يصعب حلها حتى بالترليونات وليس المليارات . :ordh: |
اقتباس:
ماطاع يالغالي يفتح معي وجبت بنتي ابيها تحاول ولا طاع انا مدري وش فيه له تقريبن شهر ونص وهو مايفتح مدري البلا مني ولا من شي ثاني ابا اجرب جهاز ثاني وشوف بس مهوب هلحين الين يتشاوا ظهري شوي غاثني مع البراد مافيه مرهم ولا فيه لزقه الا تلقاها وماسر البرد يقولون الاولين وجه ذيب لا تامنه تتق اوله وتلق تاليه مانبيه كله الفكه منه المربعانيه وعيالها بعد ومن شين الطبايع الا جت تطلع المربعانيه توصي عيالها علينا ذا العقارب الي مايصدقون بخبر هههههههههههه |
اجل الشبط اردى شوي
يذكرون تحاميل الزنجبيل هههههههههههههههه يقولون زينة وحدة بوحدة لا فروة ولا دفاية |
ناظر في اعلى الصفحة يسار بتوف الله بنسخة لك ز اضغط على الرسائل الخاصة و تطلع لك
السلام عليكم يا : سحاب شقراء آخر زيارة لك كانت: يوم أمس الساعة 08:18 مساءٍ الرسائل الخاصة: غير مقروء 0, من مجموع 39 رسالة. |
عسى كلامي واضح ؟
هههههههههه مدري عنك اخاف انها تصريفه |
يا اهل الحوي (الدار)
|
اقلط وهات علومك لاهنت
|
سحب شقراء يا حبك للصفرة(نومة الضحى):)))
|
سحاب شقراء شمسك عليها غيوم
وش انت مصبطن عليه؟ |
ننفخ في قربة مشقوقة
في امان الله |
اخي سمو المشاعر
شرايك في شايبنا سحاب شقراء نقوم عليه حق او لا له كم يوم دخلاته ماهي طيبة و مقصر معنا نلزمه بحاشي كوده ينشط شوي ولا وش رآيك انا معطيه جوالي على الخاص و يتعذر انه ما عرف يفتح الخاص و علمته الطريقه و مافيه فايدة |
الغائب حجته معه اصبر على الرجل
يمكن يولم نفسه يبى يعرس و بيخليها مفاجأة والرسائل بلكن ما فعل خاصية الأعضاء ربما فقط من الإدارة فقط . وبدل ما تلزمه بحاشي تنعكس الآية حاشي واملحين ورفد للزواج على جميع واحة شعراء البراري وكله بسبب الإستعجال اركد خلنا نشوف النهاية مع سحاب شقراء.... |
معاد نبي حاشي نبيه يطمنا عليه بس ولا هو راعي مواجيب و كفو
|
السلام عليكم ورحمة الله وبركاته
صبحكم الله بالخير مبروك الامطار :w12: |
ذبحك النوم يا سحاب شقراء
الدنيا مطر و خيرات تعال عطنا علوم المطر عندكم الله يجزاك الجنة |
مبروكين الخيرات وعقبال لنا في جدة
|
في الشعيب احد؟
مبروك الخيرات يالربع |
ماشاء الله وتهاناكم الرحمة
شايبنا لاحظته اليوم لكن ما طول احدى ثنتين ام النت عطلان او انه مسخن قلب عليه الجو وكثر الشوق للبراري خلاه يتحامل على نفسه ليكحل عينه ولو بدقائق معدوده والله اعلم الله يرده لنا سالم غانم ويتحفنا بمذكراته وقصصه المحببة الينا.. |
اخاف انه معرس ولا يبينا ندري
وكل يوم ظهري معورني ركبي معورتني و حنا ياغافل لك الله ههههه |
السلام عليكم ورحمة الله وبركاته
|
الله يسعدك ياشيخ تميم ..
ومبروك عليكم الأمطار .. الله يجعلها متبوعه يارب .. والعاقبه لأهل جدة والحجاز عامه .. اللهم آمين يارب .. لم أجد ماأقدمه لكم بخالص المحبّه والإخاء سوى دعوات متواضعه في الحرم المكّي الشريف .. إنسردت أسمائكم على لساني دون توقف .. وكأنها محفوره داخل القلب .. سحاب وتميم وسموالمشاعر والركام وابو سيرين و عابر و رعد و .. و .. أسأل الله أن يتقبل منّا ومنكم ... ،؛،؛،؛، سأفتقد هذه الزاويه كثيراً ... ولكن هي أقدار الله ،، مغادره إلى المجهول ..!! و بإذن الرحمن سأعود لكم ... ولكن إن مرّ شهر كامل ولم أعود لاقدّر الله .. فلاتنسوني من دعاءكم فـ بالتأكيد سأكون في أمس الحاجه لها .. أستودعكم الله جميعاً ... رذاذ |
اقتباس:
ههههههههههههه جعلها بحملها تثور ولاهيب ثايره ولا متحركه ولا عليها حمل بعد خل اعلمك علشان تقتنع انا عندي اصابه في العامود الفقري 6 فقرات كل وحده رايحه اتجاه غلط وفيه الثالثه هي اخطرهن لانها ظاغطه على النخاع الشوكي من متوسط الا شديد يعني مستحيل علاجها او العبث فيها لان نسبه النجاح 7 في الميه وهذي مهيب نسبه ونا قبلي جاك الذيب جاك وليده لان الاطباء معلميني في اي لحظه تجي بعض الاعراض لازم اسوي العمليه بس شلل نصفي 93 في الميه ونا متكل على الحي القيوم سبحانه ومن اتكل على الله كفاه هماي اقول في قصيده لي الله من قلبن همومه تمسه مس الرشا في محدبات السواني والله من قلبن غثا البين دسه دايم يدسه خايف انه يباني يالايمي ماحسك الي احسه ولا ذقتا حر المطرق الي كواني اخاف يومن مقدرالسوق اعسه تعوقني رجلي من الي بلاني مابي انا الكرسي ولابي امسه موتي ولا يشفق عليه زماني سحاب شقراء عرفتا هلحين وشو الي ملهيني وكلن يشوف الناس بعين طبعه ههههههههههههههههه قصدي انك انت الي تهوجس بالعرس كم مره هوجستا بالمسيار علمني يالخواف هههههههههههههههههههه |
اقتباس:
أختي رذاذ والله لا أعلم ماذا أقول ولكن أرى الكثير من الذين تشرفت بمعرفتهم وقد انسحبوا من المنتدى ولا أدري مالسبب والله إن القلب حزن كثيراً على فراقهم يا أختي والله لا نتمنى لك إلا كل خير وجزاك الله خيراً على دعواتك لنا في الحرم ولكن إن كان في ابتعادك مصلحة لك وخير فنحن جميعاً سنكون سعداء ولكن إن كان لظرف ما فأسأل الله أن يسهل أمرك ويردك لنا سالمة غانمة هذه الحياة التي نحن فيها ندخل من باب ونخرج من باب آخر ولكن لا يغنم الخير الذي فيها إلا من ترك لنا سيرة طيبة نتذكره بها وأنتي كنتي في المنتدى الشاعرة والمعلمة والموجهة فجزاك الله عنا كل خير وأسأله أن يوفقك في حياتك ويرزقك السعادة في الدارين ولا تنسينا من صالح دعائك دائماً |
اقتباس:
|
اقتباس:
|
السلام عليكم ورحمة الله وبركاته
:w10::w10: |
| الساعة الآن 10:12 PM |
Powered by vBulletin .
جميع الحقوق محفوظة © لشبكة ومنتديات البراري 2010