|
تشبع وتسمن.. أذا ديمه... لها قاطر... وتخضر الآرض في الارجاء من ريه
تزهر ورود الصحاري بنفلها العاطر...تصفى نفوس البشر من ذاك مع ذيه |
اقتباس:
اقتباس:
البقا لك عندنا رفعة وشان نطلب الله لك عمرك يزيـد من لغيرالشعرمثلك ترجمان القليل اللي سبح بحره يجيد |
ياسمون للمشاعر لــــك زمان
انت وينك ياعسى عمرك مديد خلها بين النجوم اعن الطمان لا تقلل مــن عـزيمتها تبيــــــد |
اقتباس:
لاهــطل اسقــى فيـــافي له تريد دعــمنا للــكل ومنهــجنــا عيان وازهل الموضوع لاتوصي اكيد .................................... ان نشدت الحال في نعمة وامان بــعــد وعـــكــة لو امر الله قعيد |
لمحت برق شلع في عالي الفقره .. برقه على الخشرمه والا على طاشا ؟
|
لا يـكـون يـا غانم لصنـاع في كبره ... يشلع سنا سيخة للرزق معتاشا
وان كـنـت يـا غـانم مـوكـد النظـره ... وبالعين شايـفها وما بها غاشا جعله من اليمن وحده ورى البصره ... يسقي مـناكبهـا والقحط يتلاشا |
كثر التجارب تولد كامل الخبره .. إلا الذي ضاعت اوقاتــه على ماشـا والفوت لا فات ما تنفع به العبره .. يرجع نفيض السحابه قبل تتلاشا |
مرحوم يا شايب حط في قبره ... راحت سنين مضت كن ما عاشا
|
يااهل البراري العين ملت ودهـا بشوف السحاب
اللي مزونه ترادم واشتعل براقها من كثر مااخايل المنشا ضقت واصابني الاكتئاب ورجلي تهـاوت وزدتها بأرهاقها |
يامخايل المنشى تدور لك سحاب
الله يجيب الخير من خلاّقها سلم على نفسك وعلى باق الشباب والخير قادم لا تضيق اخلاقها |
سبحانه الله ليا ضاقت دعيته انفتح للامل ابواب رب السموات كافلن للعباد ارزاقها لا تلومني ياعاذلي و اللوم للعاشق يزيده عذاب والشوق جمر لهيبه ماطفى لفراقها |
الساعة 7 وقت القهوة .. اخـذت مـن القهوة لـين الكيف طاب بــريـةً تـعــدل راس مـن ذاقــهـا وبعده قم يا نديمي لـي افـتـح اللاب بـزيـد بـيـت مـصـدره مـعـلاقــها يا مراقب المنشى وتقول الظن خاب استغفر الي قدرته ما شي عاقها رب السـما رب الـبشـر رب الارباب يـرسـل مـزون زايـده بـغداقـهـا تسقي الهضاب والسهول والشعاب عظيمةً سـبحـان من هو ساقها |
الله على الفنجال والبرق لهاب
من كل وجهه يشتـعـل براقهـا رعادها ما تسمعه دونه سحاب اذا ارزمت صبت على عشاقها متابعة طقس البراري والشباب سبحان من يم الجزيره ساقها |
يانديمٍ فقـدته صام طول صيامـــه
لو عرف كبر قـدره ما تأخر علينا يانجوم المجره بلغي عـــن مقامـه وين غيّب نديمي ؟ ابحثي واخبرينا |
ابتدينا الاجازه .. والفرص مستحيله
حجا مبرورا وسعيا مشكورا كل عام وانتم بخير |
من حق الديره عليك .. إنك تعيّد فيها الديره يعني ماضيك .. لا تتنكر عليهـــا عيّد فيها الله يخليك .. لا تحرمها غاليها |
يارب تستر على الحجاج
يارب حقق مساعيهم |
رجعنا لكم بـعـد غيبة .. والشوق الكم يسبقنا
انشهد الغيبة اصعيبة .. بـس الاجازة تونسنا |
من جاك لو طول الغيبه .. نفرح بشوفه بحركنا
حياك ربي مع الشيبه .. اقلط تفضل وشاركنـــا |
هلا باللي تمنيته يزور ويشعل الانوار .. يولع ساحة الشعار من فنه وتأوليه
|
البطاقه ليش ما تاصل إلى الطالب سريع
وليش مالاحوال تحضر للمدارس والفصول أكثر الطلاب يتعب بالتردد على الخط السريع عطل الطالب وابوه !! للأسف هذا خمـــــول |
لا تصرف الطلاب في وجه الاعصار .. يمكن تسبب للولد في مصيبـــه من قبل لا ياتي يبلغ بالاخطــــــــــار .. يبقى بفصله والخطر لا يصيبه |
وافــر قكــري فــر .. فرٍ بـإثــر فـر .. إليا طرت لي ذابحـــات الطـــواري
خذني معك وان كنت رايح إلى البر .. مدة ثلاث شهور لا تجيــب طـــاري |
أنا أحمد الله ربيع ما طلع مثله .. تراقص العشب الخضر وسط شعبانه
|
أحلى ربيع السنه من حول مغنيّـه .. جنوب رابغ تراقص به نواويره
الله رزق في ربيعٍ ماطلع زيــّــه .. . والجو دافي ولا يبعد عن الديره |
اقتباس:
لاواحلا سجةٍ بالفيضة الريّه ،، في روضٍ اخضر مفليتن مغاتيره لامن زبنت البراد وجيت بالفيّه ،، هفهف بريح النفل ثم جاك تعطيره |
خروج عن النص
ياشارب التتن عطني منه ابا مـزه ابحرق الروح واشقيهـا واعنيهـا مــاني مطوع ولانـي عـنـه بمنـزه النفس مـأمـورةٍ والشـر يدعيهــا لــو شفتني ضاحكـــا وقفتـي رزه لايغرك الموقف اللي به نواسيها حالي نحيلٍٍٍٍٍٍٍ ونسمات الهواء تهزه والبال ضايق من الديره ما فيهـا حتى حلـو نوم عيني منه مشمزه مـاكنهـا الا بسم الــداب مسقيهــا ياابو سعد شغل اللكزز نبـا نـدزه تسعين كيلو وارء الميه مماشيها ودي بشوفة عديل الروح لو قزه شوفه يداوي جروحٍ عنك مخفيها |
وقف عن التتن ريحه ضايقت عزّه
قامت تصـدد وريح التتن يوذيهــا |
ليه التتن عليك بال اسكوتش والمزه @@ وحجر معسل يكملك بواقيها
لاراق جوك وزانت رقصة المزه @@ وابليس قفل لك باقي تواليها |
ياصاحبي عفته مالي بشفطه ومزه
استغفرالله مـن الشيطان طاريها لـكــن احيـان لــه وقفة ولــه حـزه ويسوى مقـابل وجيه مـا ندانيها |
حلاوة الدخان مع عصر ابو بس .. أيام كان التتن مشروب الاشناب
|
الله كتب للعيون القشر تنكيده .. وانا منكد من اول ما ابي زودي
|
الضلع يرقص نصيه فاحت افنونه
رويان وسمي ثراه يغذي عروقــه ربيع ساحـل يسر اللي يشوفونــه ما ينقصه غير ربل ونبت رقروقه |
يـالله سترك يـاستـار
وجهي من البرد متلوي شرقية قايسه بمعيار يبكي به الذيب ويعوي 2:10 :eek: -2 |
خلك متكي بجمب النار
ياحض من شب له ضوي احمس ولقم وحط ابهار البد بيتي وش اسوي |
وين انت ياللي يزين الهرج بحضوره .. يا من يعرفه يطمني عـــــن اخباره
|
أصيح باعلى الصوت هل فيه شـعّـار ؟ .. والا مع تويتر تشتـت تعبهــهم !! |
الحب حرفين مجنونـــه
كم واحدٍ أنجن من شانه ما همه اللي يعذلونـــه يصفهم ضمـن عدوانه |
كم واحد خيب ظنونه
الحب كم واحد خانه واللي بعيد يهنونه ماجرب الحب واشجانه |
الحب هو ليه يبلونه
في عالمٍ شبه وجعانه ماهمه اللي يشوفونه يهمه البنت عريانـــه |
| الساعة الآن 06:10 AM |
Powered by vBulletin .
جميع الحقوق محفوظة © لشبكة ومنتديات البراري 2010