السلام عليكم وصباحكم اللة بالخير ابو محمد مادريت انك موجود في المنتدا قبل امس اعتبرني معكم كل صبح وكل ليل والصراحة مكشات بدونك مايسوى شي خاصة الخيمة الجوية معاد فيها احد ولا تحاليل مضبوطة او مرتبة انا احسبك في البر بعد انقطاعك اثر الموضوع فية انا !!!!!؟؟؟؟

عليكم السلام ورحمة الله وبركاته
الله يحييك انا هنا صار لي فتره
السبب معروف لدى الاخوه هناك
على العموم كلهم خير وبركه وانا اخترت البعد عن وجع الرأس والزحمه اللي بلا سنع

وهذي اول بشاره خاصة بك وتراه مجرد توقعات بعيده يعني به تتحق وبه لا وهي منقوله من واحد من اهم موقع خرائط الضغط العالميه
هذا الموقع يشير الى امر جميل جداً بأذن الله طبعاً وقبل كل شيء
يقول هذا الموقع والله اعلم
انه اعتباراً من هذا اليوم ستتعرض الجزيره العربيه بمرور منخفض واحد كل خمسة ايام لكن لم يذكر تأثير يذكر منه على الجزيره العربيه لكن مدادم فيه منخفضات طبيعي نستبشر لين نشوف المنخفض صار فوق اقصى روسياء او الصين بعده نقول فات
المهم
في يوم 21 مارس يتوقعون ان يكون هناك تخلخل شديد بالضغط شمال البحر الاحمر يعني قريب جداً وفوق مصر
يمكن ينتج عنه والله اعلم منخفض قوي يتوغل الى الداخل بقوه
طبعاً هذا الكلام بعد اسبوعين يعني بعيد شوي والتوقعات في هذه الحاله تصير نسبة دقتها 20 الى 30 بالمائه عاد
اما تزيد مع مرور الوقت او تضمحل وتتغير
الهدف من نقلي لهذا الكلام انه مدام فيه امور زينه وتفرح نقلناه ولو كانت عكس كذا كان سكت وماجبت سيره:67:
والله اعلم

ايضا هناك منخفض اخرى توقعات ان يضرب منخفض اخرى على تركيا وهذا المنخفض يتوقع والله اعلم ان يأثر عليها في يوم 23مارس
لكنه جداً عنيف((995))ملبيار حسب التوقعات وربما يصل تاثيره الى الجزيره العربيه
والله اعلم

عاد اصبر لاتقول شىء لين يبقا يومين على هذه التواريخ ونشوف
ثم عاد نعطيك العلم
و
يبدء تحليلنا الشخصي

هذا تحليل اخر صوره لهذا اليوم الثلاثاء
مع ملاحظة ان التحليل بعد الظهر يكون افضل واكثر دقه
انتظر
https://www.imagecrop.com/tmp/T65563.jpg

عن اذنكم
هذا كل مالدي هذا الصباح
وشكراً

الله معك يابو محمد

ووفقك الله اينما توجهت

ومشكور على التحليل الاكثر من رائع

مشكور أبو محمد وماقصرت ،،،

وللعلم أحد المنتديات ( البارح ) ينقل لك بعض صور التحليلات الخاصة بك كذلك الرابط الجديد حق البروق نقل هناك بعد أقل من ساعة ونصف ،،،

وأقترح عليك كتابة أسمك على الصور إن شئت ( خصوصاً الصور الي تبين نوعية السحب ) ،،،

الله يجزاك خير يابو محمد
وترا نفرح باخبارك وتوقعاتك ولو كانت بعيدة ...

الله يعطيك العافيه ابو محمد

ترانا نتابعك لو ماعلقنا