بسم الله الرحمن الرحيم





اليوم بأحاول الخص الأمور الماليه وبعض الأمور الي تهم المسافر


في البداية الي يبي يسافر لأوربا ويرتاح لابد ان ينهي اموره بدري

من حجوزات واستخراج فيزا وغيره

اول اجراء

هو استخراج الفيزا وهي التاشيره لدخول اوربا

انا اخذتها من السفارة الفرنسيه

وهي اسهل اجرائات

لكن انا اعطيتها مكتب واخذ علي 1200 للجواز وهذا مبلغ كبير

لكن ماكان عندي خلفيه لأن اول اجراء سويته هو الفيزا

قيمتها من السفارة اعتقد اقل من 400 ريال

فيه مكاتب تاخذ مبالغ اقل

الأجراء الثاني حجوزات الطيران

لأن كل ماكان الوقت بدري قلة تكلفة الطيران

حجوزات الفنادق وهذي تقدر تحجز من مكتب سياحي

ولامن موقع بوكينق

ولا تقدر تشوف اسامي الفنادق واسعارها من الفندق وتأخذ السماء وتروح للمكتب سياحي وتعطيه الأسماء يحجزون لك

والأجراء الأخر هو بطاقة فيزا ولابد تنتبه للبطاقه لأني بالبدايه اخذت بطاقه من بنك الراجحي لكن طلعت بطاقة مشتريات

البطاقة لابد تكون حروفها بارزه

حجز السيارة بدري لأن ممكن ماتلقى سيارات في وقت سفرتك وتتوهق

نبدأ بالأسعار


الفيزا = 2400 ريال للشخصين

التذاكر 7000 للشخصين

ايجار السيارة 2500 ريال لمدة 8 أيام(مع التأمين

الفنادق = 7300 ريال

زيورخ 1290 لمدة ليلتين

انترلاكن 1920 لمدة 4 أيام

جنيف 1180 ريال لمدة ليلتين

باريس 2900 لمدة ثلاث ليالي

https://rsheed.com/a/ss/1%20%284%29.jpg

نقاط لما تحتاجه في هذه الرحله


1- فيزا للدخول للدول الأورية

2- حجوزات فنادق وطيران وتأجير سيارات

3- قارمن

4- بوصلة للقبلة

5-بطاقة فيزا ماستر كارد

6_ اغراض شخصيه وعزبة حسب حاجتك

7- رخصة دولية من اي مكتب سياحي مع الرخصة المحلية


وتذكرو أن الشنط مثل الذنوب كلما كبرت كلما كبر همها



https://rsheed.com/a/ss/1.jpg

شركة الطيران





https://rsheed.com/a/ss/1%20%281%29.jpg

شركة التأجير للسيارات


اول فندق وهو بمدينة زيورخ السويسريه

سعره 1290 ريال لمدة يومين

وهذه الصور




https://b.imagehost.org/0952/016.jpg

https://b.imagehost.org/0859/017.jpg


https://d.imagehost.org/0094/022.jpg

https://d.imagehost.org/0998/025.jpg

https://d.imagehost.org/0927/028.jpg

https://d.imagehost.org/0611/033.jpg

هذا فطورهم

الفندق في وسط البلد نظافته مميزه لكن لم يعجبني تعامل موظفي الأستقبال

انا اعطيه 8 من 10



فندق انترلكن اسمه كريستال

سعره1920 ريال لمدة اربعة ايام


https://b.imagehost.org/0073/009_4.jpg

https://d.imagehost.org/0731/014.jpg

https://d.imagehost.org/0849/319.jpg


https://d.imagehost.org/0680/322.jpg

https://b.imagehost.org/0756/008.jpg

https://d.imagehost.org/0197/010.jpg

https://d.imagehost.org/0984/002_4.jpg

https://b.imagehost.org/0785/423.jpg

الفندق هذا اعجبني كثير بسبب موظف الأستقبال كان بشوش للغايه

لكن اثاثه شوي قديم لكن الفندق له مواقف مجانيه تحت الفندق يعني توقف وانت مرتاح

مكانه بين البحيرتين بأنترلكن

اعطيه 8 من 10





فندق جنيف اسمه Hotel Bernina 1211 Geneva

سعره 1180 ريال لمدة ليلتين


https://dl.dropbox.com/u/20395846/gynf2/1.jpg


https://dl.dropbox.com/u/20395846/gynf2/1%20%281%29.jpg

https://dl.dropbox.com/u/20395846/gynf2/1%20%283%29.jpg

https://dl.dropbox.com/u/20395846/gynf2/1%20%284%29.jpg


https://dl.dropbox.com/u/20395846/gynf2/1%20%285%29.jpg

https://dl.dropbox.com/u/20395846/gynf2/1%20%286%29.jpg

https://dl.dropbox.com/u/20395846/gynf2/1%20%2820%29.jpg

الفندق رائع بصراحه ولاهو بعيد عن بحيرة جنيف وقدام محطة القطار وفطورهم مميز تعامل الأستقبال رائع


فندق بارس هو المميز وروووووعه وهو قريب من شارع الشانزليزيه بينه وبين الشارع مبنيين فقط

سعره 2900 لمده ثلاث ايام

الصور راح تنزل مع تقرير فرنسا



========

بالنسبة لأسئله عن الكميره

نيكون D700

العدسات 14-24

80-400

=====

نرجع للأمور الماليه

الفيز مع الفنادق مع التذاكر 15700 ريال

القارمن 600 ريال

الرخصه الدوليه 150 ريال

هناك مبلغ تأمين اخذوه شركة التأجير 1500 فرنك=4500 ريال

هناك امور ماليه لايمكن ذكرها تشمل العزبة وغيرها

لكن انا ذكرت الأشياء المهمه

لابد ان تخلي معك على الأقل 15000 ريال للمصاريف

يمكن تزود ويمكن تنقص


أي استفسارات انا جاهز

بسم الله الرحمن الرحيم







حياكم الله وبياكم


اليوم صحينا الساعه 7ص



اليوم يوم وداع



الليله احسها ليلة فراق حاولة اعديها وعيت تعدي



اليوم مغادرة سويسرا والأتجاه لفرنسا



اتجهنا للأفطار



بعدها نزلنا لمحطة القطار وحجزنا تذكرتين قطار



درجة ثانيه متجهه لباريس بقيمة258 فرنك للشخصين



بعدها رحنا لشركة سكست للتأجير السيارات



وادخل السيارة بالموقف والقى شخص وكنت أأشر له اني اوقفها هنا



حسيت شكله عربي



قلت الأخ عربي قال ايه



قلت الحمد لله ميسره



هاه وش اسوي بالسيارة



قال خلاص وقفها هنا



بس عبيتها فل بانزين



قلت فل الا ربع



قال على كيفك لكن هم ياخذون حساب البانزين



قلت والله عجزان اروح



قال خلاص تقدر تمشي



قلت يعني مافيه اجراءات قال لا



المكتب كان قريب من الفندق



وقريب من البحيره



نزلنا للبحيره شوي نبي نودعها



ونودع سويسرا الساحره



ورجعنا للفندق نجهز اغراضنا



ونقعد نجرجر بهالشناط لمحطة القطار



ونجلس بالمكان المخصص لرحلة باريس



ويوم فتحو البوابه طلعنا فوق لأنتظار القطار



وقبل نركب كان فيه جهاز ندخل التذكره فيه ويختم عليها



بصراحه انا مع هالناس شفتهم يدخلون قلت يالله معهم



والله مادري لوهي الغاء حجز هههههه



المهم يوم وقف القطار ونركب العربة الي قدامنا



نحسب الدعوى سبقي (يعني مسابق)



المهم فيه مكان للشنط الكبيره



وكان فيه شباب ساعدوني على شيل الشناط



رحمو حالتي انا وهالي معي



جلسنا حسب الرقم



لكن شكيت بمكاننا وأسأل وحده ورانا



قالت لالا هذي ماهي عربتكم



وننقز نبي ننزل وانسى الشناط الصغيره فوق المقعد



ونرجع ناخذهن



قالت اصبرو لاتنزلون القطار يبي يمشي



المهم قلت القطار يروح لباريس قالت ايه



قلت خلاص



المهم جو ناس نفس مقعدنا



واشوى الي ورانا قالت لهم روح اجلسو بأي مكان



وينطلق القطار مع هالمناظر الطبيعيه



ويتوقف بمحطه وقلوبنا تدقدق من انه يجي احد مكاننا



ويركبون ناس مكان الي حنا قاعدين مكانهم



ولازالت الي ورانا ترتب هالناس بسببنا



والله ياحنا حسناهم حوس بسبب اننا ماجلسنا بمكاننا الصحيح






https://www.shy22.com/imfiles/3mk88035.jpg




https://www.shy22.com/imfiles/xu588035.jpg




https://www.shy22.com/imfiles/p4d88036.jpg




https://www.shy22.com/imfiles/ozm88036.jpg




https://www.shy22.com/imfiles/gfy88037.jpg





المهم وصلنا باريس


كان يدور في راسي الأجرائات حقت دخول باريس(على باله انه داخل حدود الأردن)



وننزل ويالله مع هالناس


ويقابلنا مصري قال اهلين ياحاج ويمسك الشناط يبي يشيلهن بالعربه


قلت خلهن انا اشيلهن قال لالا انا ياحاج


قلت كم تاخذ قال الي تعطيني



يوم شفت كذا قلت خلهن بس


واتبع شارة تكسي


لين طلعت برا المحطه


مافيه لااجراءات ولاشي


والقى سرى للحصول على تكسي


وبصراحه نظام مميز


حتى اذا وصلتو كان السرى على تكسي صغير يجيبون لك تكسي اكبر


يعني ماتتعب


المهم التكسي الي جانا مايعرف عربي


واعطيه اسم النفدق وابلش مادري وش يقول


لكن اشوى جاء سواق عربي ثاني وقعد يترجم بيني وبينه


باريس فيها العرب كثير


المهم اخر شي عرف مكان الفندق


ونركب الشناط ونطلع معه




https://www.shy22.com/imfiles/72c88037.jpg



وصلنا للفندق وخلصنا الأجرائات


الفندق راااااائع وخدمتهم عاليه جداً


واخذنا بجوله على الفندق للتعرف على اجزائه


طبعاً كان يتحدث باللغة الفرنسيه


وانا اهز راسي اوكيه اوكيه


والله مافهمت منه ولا كلمه


لكن عرفت الأماكن


يعني اللوبي والمطعم والمصعد


طلعنا للغرفة وريحنا شوي وصلينا الظهر والعصر




https://www.shy22.com/imfiles/klk87844.jpg



https://www.shy22.com/imfiles/bkf88038.jpg



https://www.shy22.com/imfiles/fva88038.jpg


يتبع

وننزل لشارع الشانزليزيه طبعاً الشوق لايوصف


لهذا الشارع الي سمعنا عنه الكثيرررررررر


ولا العالم بحررررررررر


من كل جنس


والقوس قريب منا (قوس النصر)


ونتمشى حوله نستكشف المنطقه


ونلقى حيبي القلب ماكدونالدز


وناخذ وجبتين تشكن برجر بـ12 فرنك


ونطلع لبرج ايفل ماقدرت اصبر لين بكرى


وهو ماهو بعيد عنا


ويالله يوم طلع علينا من احد الشوارع


ماحسبت انه ضخم كذا


ولا نلقى العالم تحته بأعداد كبيره


وهالأفارقه فيه معهم بظاعات للبيع


ونجلس تحته نشوف للي رايح والي جاي


بشر اشكال واجناس


المكان تحت البرج مليان من الأحداث الي يبيع والي يتمشى


بعدها رجعنا لشارعنا الشانزليزيه


ونجلس بأحد المقاهي المنتشره على الشارع


وبصراحه غاااااااااااااليه مره


تذكرت شارع السوليدير بلبنان


بس تجلس تراعي ويصير راسك تقل الة كاتبه يمين يسار


وطبعاً عادتنا يالعرب ولا هم ماتلقى الي يراعي لك


الخليجيين كانو بكثره بباريس


عكس المناطق الي زرناها قبل














https://www.shy22.com/imfiles/k2t88039.jpg



https://www.shy22.com/imfiles/3aa88040.jpg



https://www.shy22.com/imfiles/zz988040.jpg



https://www.shy22.com/imfiles/r3a88041.jpg



https://www.shy22.com/imfiles/wpt88041.jpg



https://www.shy22.com/imfiles/u3u88042.jpg



https://www.shy22.com/imfiles/axn88042.jpg



https://www.shy22.com/imfiles/l4e87840.jpg



https://www.shy22.com/imfiles/3t187841.jpg




https://www.shy22.com/imfiles/4ls87841.jpg




https://www.shy22.com/imfiles/vd987842.jpg



https://www.shy22.com/imfiles/hy987842.jpg



https://www.shy22.com/imfiles/haf87843.jpg




https://www.shy22.com/imfiles/jfz87843.jpg





ونرجع نريح بالفندق للنوم


نبي نستكشف السحر الباريسي

ماشاء الله تبارك الله
ماأقول شي أخوي رشيد كامل والكامل وجه الله
يستاهل مجيع ماذكروه الشباب
مميز وتصويرك أميز
ولكن ودي تعطينا الكمرة نوعها والعدة التي أستخدمتها بالتصوير
وتمنيت أنك وضعت الأجزاء ليس بالردود بل مواضيع وأسميتها بالأجزاء
تقبل مروري