شبكة البراري - المتابعة اليومية لأخبار الطقس والتوقعات من (24-28/ 2/ 2014 م )

اهلين وسهلين بخيبر الشمالية وابني
العزيز معتز

اقتباس:

المشاركة الأصلية كتبت بواسطة خيبر الشماليه (المشاركة 2215085)

اهلا اهلا بكي يا أم احمد ..
خلينا نتناقش عليها نقطه نقطه ..

اقتباس:

النقطه الاولى (( 1- نهار طويل وليل قصير ))
النهار الطويل ما نبيه لان لا جاء رمضان عرفنا قيمه الليل ..
وبعدين الانسان يرتاح لا كان ليله طووويل ولو ينام الساعه 2 ويقوم الساعه 5 شبع نوم ..
أما في الصيف لو تنام من الساعه 8 تقوم 5 وانت تعبان حيل واسألي مجرب !!

عن نفسي افضل قصر ليل الصيف ولطافته ولا طول ليل الشتاء وبرودته اللي مايخليك تقدر تجلس وتسهر

اقتباس:

النقطه الثانيه (( 2- الاجازة الرسمية لنا فيه )) ..
السنين والاشهر تدور وسوف يأتي الشتاء في الاجازه بعد حين ..
لذلك ليس سبب مقنع ..
وايضا لا تنسين اننا ما نقدر نستمتع فيه ..
لان كله حر وسموم وما تقدر تفارق المكيف ..
أما الشتاء شبه النار تغنيك عن الدنيا كلها ..

هي اسمها اجازة صيفية فمستحيل تجي في الشتاء ياخيبر الشمالية وعن نفسي اقدر استمتع فيها وانبسط ولا اأجز في الشتاء والا استمتع بإجازتي وجربنا اجازات الشتاء وجربنا الصيف

اقتباس:

النقطه الثالثه (( 3- تلبس ملابس خفيفة وتتحرك براحة اكثر وتتروش باي وقت ))
أما هذي لو انكي سلمتي من قولتها كان احسن هههههه .
هذا لكم انتم يالنساااااااااااء في الصيف ..
لكن الرجل سوف ينجبر على ان يضع كل مزيلات العرق على جسمه ..
وسوف يحتاج الى ان ينظف جسمه بعد كل مشوار يقضيه لانه ما ان يخرج حتى يبدأ العرق بالتصبب من جسده ..
وأما الشتاء ما يحتاج انك تفتح الدش وبعدين السخااانات موجوده يا ام احمد ..
لكن في الصيف سوف نجبر على ان ندخل في الماء الحار ..
وانت تعرفين السبب ؟؟
لا يوجد مبردات للماء في المواسير ..

ياسلام يعني مايطلع ويروح ويجي الا انتم يالرجال ولا توظف ويداوم الا انتم يالرجال احنا مثلنا مثلكم خصوصا للي ماعندها رجال او عندها ونايم في البيت وهي تشتغل فكلنا نعاني من ذلك اضف الى ذلك اننا نطبخ ونوقف قدام الفرن بحرارته واننا نظف البيت ونغسل الملابس بالموية الحارة اللي ونكوي وغيره من الاعمال اللي ماتدركون صعوبتها وتعبها وعم في الشتاء فية سخانات بس برودة الجو ويمكن انت في خيبر الجو عندكم موزي الجو عندنا اسكيمو نجد

اقتباس:

النقطه الرابعه (( 4- نقدر نسافر ونروح ونتمشى فيه ))
وين تتمشين ؟؟ في ارض قاحله صحراويه متربه لا تستحق حتى ركوب السياره من اجلها ..
وبعدين نحن لدينا قاعده خاصه عندنا نحن الرجال اذا قلت لصاحبك بالصيف قم نتمشى يقولك اقول رح عني بس انا بالكاد اروح اصلي بالحر واتحرى رجعتي للبيت وانت تبي تطلعني ..
أما بالشتاء لا تمشي بأرض يكسوها اللون الاخضر الجذاب ..
في ارض حينما تراها تنفتح نفسك وتشعر بنعمه الله عليك ..
واصلا فصل الصيف تموت فيه الارض بسبب قله المطر وغيره ..
فما الافضل .. موت الارض ام حيااتها ؟؟

هنا مربط الفرس وليتك ماتطرقت اليها ولا قلتها صح انتم في الشتاء تتسلون وتطلعون البر وتغيرون جو وتخيمون وتشوفون الطبيعه الخضراء وتحضرون الامطار وتابعون السحاب واحنا لا جالسين في البيت تفرج على الطبيعه من مواضيعكم في المنتدى او التويتر
لكن الصيف يمكن نحصل فية مشوار عمرة لمكة او زيارة للمدينة او نروح لمكان معين
ونقدر نطلع للاستراحات والحدايق ونغير جو

اقتباس:

النقطه الخامسه (( 5- مناسب جدا للاطفال بعكس الشتاء اللي
من يدخل الين يطلع وهم تعبانين وانا كأم ))

اي منااااااسب يا ام احمد ؟؟
حريق الشمس والسموم التي تلفح بالوجه مناسبه ؟؟؟
يرجع لكي البرز ولون وجهه تحول من الابيض الى الاسووود والاحمرررر من حراره الشمس
وبعض الاطفال يصيح يقول حررررررررررررررر ..
ولا يقوولوووووون بررررررررررد ..
لان لديهم ملابس ثقيله يخرجون بها اينما ارادوا ..
وبعدين اثبت العلم ان الانسان يكون اكثر انفعاليه واكثر غضبا حينما يكون الجو حاارا ..
وبعدين انتم تظلمون الشتاء ظلم غير طبيعي ؟؟
الامراض اكثرها بسبب انقلاب الاجواء من بارده الى حاره ..
وليس بسبب الاجواء البارده ..
ولاحظيها انتي وكل الاعضاء ..

صح كلامك لكن متى نوصل للبرد ومتى نوصل للحر والاولين عندنا يقولون برد الصيف تلقة وبرد الشتاء تتقة لانه مضر وبقوة ولا تظلم الصيف عشان مانظلم الشتاء

اقتباس:

لذلك انا اعتبر ان فصل الشتاااء ..
هو افضل فصل ولا تحاولين ان تقولين شيء غيره امامي ..

ولهذا انا اعتبر فصل الصيف احلى فصل ولا تقول شي غير ذلك قدامي وكنت ابقولها لبراري الاحساء في ردي وهونت لانه ماقال شي ولقيت تقولها لي وابقولها لك ولا تناقشني :a_laugh2:

ولك تحيااتي يا ام احمد ..

واعذروني على طول المشااركه ..
لاني عارف انها تبي تطير بعد شوي هههههههههههههههه ..

لا ماراح تطير ولو طارت ابرجعها :new12: