|
اقتباس:
أعذرني بغيبتي وأشوف معروفك ... والله يديم التواصل في برارينا،، دمت بخير يابو سامي أخوك / أبوبرجس العتيبي |
نورت البراري بعودتك يا بو برجس :
سلام الطف من هبوب النسيمي *** من خافقي لين النجوم السواري يا مرحبا ألفين ومليون سلامي *** ابنور عـيني سلـوتي بالـبراري |
اقتباس:
الرد واجب للوفي والكريمي ،،، وصلاح مكسب طيب عن كل ذاري،، يعني لو أبدي كلمة" بالصميمي ،،، عن البراري صار عازل حراري،، أبوبرجس العتيبي |
هل أنت تنصحني بترك القصايد ؟
محتاج يامشراف منكم نصيحه ! تحيتي |
اقتباس:
شــرواك لــبّس للـقصايـد قــلايــد ،، نـوادر حـروفـك وقــدح الـقـريـحه،، تضيف لــ أسم الشعر كل الفـوايـد ،، خـذها شهـادة حـق مني صـريـحه،، من عادتـك جـلب الـجزايـل فــرايــد،، وتسـوق للشعـرالحـقـيــقي مـديـحـه،، لوكل جزل أعطى القصيدأوف سايد ،، جت فرصــة المترديـه والنطيحه،، أجمل التحايا لــ أبوسامي /، ------ أخوك / أبوبرجس العتيبي |
دنيا دنيه مالها أية عوايــد .. لا واهنيك يالقلوب المريحــــــه لا واهني مكبرين الوسايــد .. ما همهم نزف القلوب الجريحــه ترى اعتزال الشعر ياخوك كايد .. هـــــمٍ على قلبي ياليتك تزيحه حمل الجمل ياخوك بالحيل زايد .. راعيه واقف ويتحرى مطيحه كن معي يارفيق دربي كما عودتني .. |
تهـــنــئـــه
السلام عليكم ورحمة الله وبركاته
ا[align=center] الى جميـع أعضاء البراري ومرتادي هذه الشرفـــه/ تقبل الله منا ومنكــــــم صــالح الأعمــال/ كــل عام وأنتــــــــم بخــــــــــير[/align] أخوكم / مساعد العتيبي |
الله يهنيك يامساعـــــــد .. أسعدت من زار هالشرفة
دايم وانا وسطها قاعد .. معروف للي فرض عرفه تحيتي |
كفو يابو سامي ومعرفتك شرف يالضومري
الله لايهينك يالقرم .. دمت بخير ولي عوده !! |
تلويــحــة مررررراكـــب
ما طمحــت بخــوة أصــحاب المواكب ، موكبي معـروف في لحظة وجــــودي، مطمعي وقفــه وتلــويــحــة مــراكـــب ، كل تلويــحة وداع تـــقــول عـــــودي، مساعد منيف |
وجـــــــــــدااااااانــي علــــيــك ( من الأرشيف 1426هـ)
(يعني! تبي منك ! وعليك ! اليك! أجيلك! وأشتكيك-) ولا أتسم بالحلم ،،واللي منك جاء فيه أبركــه. من واقع بحوثي ،وتجربتي ووجداني علــيك - صورت عشقي لك مدينه من دخلها تهلكــه. وأنته تذكرني بمستعمر على عرش المليك - مملوك فالسابق قلب حكمي وقلبي مملكه. من بعد ما سلهمت بعيونك،وكسلت حاجبيك - دخلت بي شارع متاهات وذهول وشربكه. بقواعد الأمثال أضفت،الها مثل مكتوب فيك- لوكان يسبق هاجسي عقل الفهيم ويدركه. طيرك ولو!! طار وشهرلابد يرجع في يديك- لو كان قبل،يوالفك ماصدتــه الا بشبكه. مساعد منيف |
لعـــــــــــــــبة الحـــنـــطــيره،،/نزف مساعد ،منيف) مقتطفات النص
هاجسي ناقش ضميري ، لاتناقش غيره يمـكن أنكـ لو عذلتــه في يــدك مفتــاحه ، همي اللي كل يــوم" كــاتــف" معــصيره شايل" نفســكـ على هـ،العالم المرتـاحـه ، بــعـد خط العمر لـف ،بمنحنى التدويره لاتـدور في بساتــين العــرب تــفـاحه ، خـل خلق الله تنام الخيــره التــــأأخيــره وخـل دم الجــرح يـكـتب من نزيف أرمــاحه ، مساعدمنيف |
الذيب يقنب والذيابه لو تجيب _ _ شامت من أمراض الفرايس وأنـما.. .أما تناقشها مع القلب اللبيب _ _ ولا تعرضها الهبايب والسـماء .. تحياتي لك يابو سامي أنت تاج على قا ف الشعر وبحجم مجموعه من الشعراء والدواوين ويحق للبراري الفخر بأأمثالك أخوك/ مساعد العتيبي |
شواهيق النخيل
البارح أسلاف السنين أعزمتني_ _ على تمر صفري وزبــده وماء بير .. في دار ريـف أطلالها ذكّرتني _ _ أعزاز قوم" غيبتّهم مقادير .. مساعد منيف |
سلام ياهل الشرف في شرفة المشراف
الزاوية واسعة. ... والشمس ماغابت لكن ترى لي طلب ياطاقم الإشراف موضوعنا ثبتوه. ... ووصلنا ثابت |
الك البقاء يالمسلم صاحب الميقاف __ وقفتك غيث الوسم مع باذره نابت..
ماقصروا مشرفين الشعر بالأنصاف __ هقوات شرواك فيهم ما أعتقد خابت.. # مساعد منيف شرفت شرفة المشراف أخوي جادك الغيث ومرورك شرف ومثمر ومرحبا بالجميع هنا من شعراء ومتذوققين ... دمتم بخير مع وافر التقدير مساعد منيف |
النظره الفتانه
ياصباح النظـره اللي بالخجـل فتـانه _ ويامساء البسمه اللي تكتمل بوجودك
لو رمادي حظي بوجهي قفل بيبانه _ أكتفي في ضوء شباك الأمل من جودك. أنتي اللي هزها الغربي وهي رويانه _ لا تمايل غصنها بالماء تبلل عودك, بس لو أنك رحمتي أنسان يا أنسانه _ مايميز بين جدك والمزح بوعودك. # أرشيف/ مساعد منيف |
الي غدى وجبة ن دسمه لخلق الله
ليته تريّح وريّح. ... من تصاريحه يا ابا الحصين انت لا مذهب ولامله تقفي بك اللقمه وتلفي بك الريحة مثلت دور المداوي وانته العلة والله لا يسامح السارق ولا يبيحه نصيحتك ملح فوق الجرح منهلة واقول ياليت مثلك جرب الطيحة |
ماكل فكر" يستدل الصايبه_ بعض العباد أفكارها مقلوبه.. ايضوّي المترديه والخايبه_ والناس معروفه ولاشقيوبه.. ما يلتقي وضح النقاء بالغايبه_بيض النوايا هالزمن منهوبه.. ياراعي الغرات نفسك هايبه _ أشباهك بوقت اللقاء مغلوبه .. اللقط على درب العرب للسايبه _ ماننحني للطايح المتروبه.. شمنا عنه لأهل النفوس العايبه_نعطي ونشبع يالضعوف أكلوبه.. مساعد منيف |
حاسب لنفسك
حاسب لنفسك بس لا تظلم الناس _ الغيب له رب" رقيب" وعالم.
يالله عساني قبل لا يدفن الراس _ أموت مظلوم" ولا أموت ظالم. مساعد منيف |
دع اسم"
أذا ماضيك ضد الحق ناكر _ولا حاضر لمستقبلك باكر.. فــدع حاضرك لك نقطة تحول_لـ أشراقة أمل وأحباط ماكر.. و( دع اسم") يحلق من غبائك _ ليكشف بالذكاء داء الجواكر.. مساعد منيف |
يامشرفني هنا وضعك تمام _ أتشرف دائما" بزيارتك!!!
|
هـاجــس" قـــاد الـنــوادر وأبتـكـاراتـه عديده. ويشـكـر المعـبـود رب" واحـــد" جـــل جلاله. قـال جيـت وجيّتـي لـك فكـرة أصـلاح" فريده. لوحـة" فيـهـا طـلاسـم فــن راسمـهـا خياله. صــار معنـاهـا فـريـد وفـــي مغـازيـهـا بعيده. وبصـمـة الشـاعـر عليـهـا كمبـيـالـه كمبـيـالـه. قلت:هات العلم! وأشوارك معي دايـم رشيده. عـادتـك جـلـب الـنـوادر دوم تـحـري بالجزاله والبكـار اللـي غفـال و وسمهـا كلـن يشيده. لـو عقلـهـا واحــد" غـيـرك تــرى مــازان فاله. قال وش رايك؟؟ نفجـر سخريـة كـذب" عنيده. قبلنـا كـم واحـد" حـاول،، وقـامـوا بأغتياله. كم جهلها مشتري لشعور غيـره مـن رصيده. وطب له بحر" غرق في شهرته من راس ماله. يعنـي أنـا أقـوم بالتمثيـل مـن عبـر النشيده. مـن كثـر مـا يتضـح لـي مـن مواضيـع ومقاله. شوف كيف أعرض على تاجر بدوري ثم أجيده. لـو أبهـدي مايلـي ،،تمشـي عليـه ولا طـراله. من كتب لك ، ماقرا،لك فـأمسياته لـو قصيده. عــازل" حـقـك لحـالـه وأختـصـر حـقـه لـحـالـه ساقهـا لـك وأعتبرهـا بـالقصيـد أكـبـر فقيده أستلمهـا وأعتمـدهـا و الصحـافـه لــك دلاله. أن قريته ،، ماكتبته،، يكفي! أسمك بالجريده. شهرتـك صـارت بدالـه والسبـب شـي" بداله. عـن معاناتـه تترجـم لـك هجـوسـه مــا تـريـده عـاش همـه مايهمـه جرحـه المكبـوت شاله. دوكـ!،وأتسلى بنزف جروح غيرك فـي جديده. والحقيقـه ماتقـارن فـي تصّنـع شـخـص داله. مـن،،يـف،ك رمـوزهـا لـلـي مبـروزهـالصيده. حــق تثـبـت لــه قوافيـهـا ويكسـيـهـا عـقـالـه. حفـظ حـق النـاس أمـانـه لا تناظـرهـا مكيده أستلمـهـا كمبـيـالـه وأرتشـفـهـا بكم بياله من تنازل لك عـن الأبـداع حكمه قص أيده. باع لأشباهك ضميره عند من يغريه ماله. مساعد منيف |
بصمة الشاعر عليها كمبياله كمبياله ...
صح كلك يابو برجس .. قصيدة ولا أروع .. تحيتي |
صح بدنك .. يابوسامي .. ماتسليت..
توقعت يكون هناك صدى أو على الأقل التعليق على الآتي/ مـن،،يـف،ك رمـوزهـا لـلـي مبـروزهـالصيده. حــق تثـبـت لــه قوافيـهـا ويكسـيـهـا عـقـالـه. دمت بخير |
ما شاء الله قصيدة جزلة ...
يا خوك خل الناس تسترزق .. العيشة صعبة هالايام .. ههههههههههههههه |
السكريّه حامضه
[align=center]
البارحه عيني عصاها النوم وأعلن للفراق ===== حاولت أوفق بينهم لكن عيني رافضه ربط التواصل في فواصل هجر من بعد العناق ===== جت به عواصيف الهبايب فـــ،الطروق الغامضه عبر التجارب شتها بالمشط لا يدب النفاق= ====== بس اهشمت لضلوع صدري بــ أرتداد العارضه ماعاد للأبداع والأمتاع والفكره مذاق = ==== والسكريه في لسان أهل التذوق حامضه قاله خلف ((شي" يطاق وشي لايمكن يطاق))= ==== أذا سقط رمح القلم من كف يمنى قابضه أستفزعت رمح" يفك الجمع قبل الأختناق= ==== عقل العقول الصاحيه ،، قلب القلوب النابضه مساعد منيف [/align] |
زحمة لقاءآآآت
العلم مــاله دار وبــلاد وحـدود
= والتـكـ ، نو ، لـجيا صار فيها غطاشه زحـمة لقـآآآت ومقـالات ووفود = فـالمـجتمـع والمنـتـجع وأختراشـه مضمار ومسابق وطارد ومطرود = واللي سبق عكّآش ولا عكــاشه مساعد منيف |
موضوع رائع ومتنفس جميل
، راح الشتاء واقفى براده وغيمه ،،، ملامحه زلت وغابت نجومه يا حلو توديعه على همس ديمه ،،، عقب السحاب اللي ترادف غيومه والصيف طل ولا وصلنا صميمه ،،، الله يلطف من لهايب سمومه والبر ما هو وقت كشته وخيمه ،،، يا طول وقتي لين تكشف وسومه |
متنفس يستحق الاعجاب .. أجد فيه ما أبحث عنه .. أسعدك الله يامساعد
تحيتي |
صبح المطر مرحبا ومسسهلا .. وتشرفت بمرورك يالقرم
دمت بخير |
رساله للعلم / غانم الضومري
لا تبحث عن شي تمتلكه وأصدائه تحثك للكتابه والحضور.. أنت شاعر علم .. تـزداد قوة شعرك بالأثاره..ولا كنك تخذله بصدك.. دام تواجدك وأبداعك وحضورك يابوسامي |
أحيان أحس أن الحضور مسلي _ وأحيان أشوف أن الغياب أشوالي. الصبر قــاهر والزمان موّلي _ والعمر بيــّـد غـترتي وعقالي مساعد_منيف |
رمــح الوفاء
أذا أنغرس رمح الوفاء في ضميرك __ خل الغدر يطعن بظهرك شباري. . . ترى النقاء يقدر يحدد مصيرك __ ويكشف صديق بـ غرته كم يماري مساعد_منيف |
ياشين رمح الوفاء شيناه .. يطعنك من دون لا تشوفه
دمت ودام فكرك النير .. تحيتي |
بارك الله فيك قصيدة رائعة
|
لامن غدا باب الاماني مسكر
ودارت بك الدنيا على كل خيبة ودي قبل لايضيق صدرك تذكر الله كريم ورحمة الله وسيعه |
وين انت واين انت يالمشراف .. دكتك ما احد قلط فيها انا تراني على ميهااااااااف .. ملزوم لازم تواليههههها وين انت يا برجس .. اشتقنا لك .. شكرا ابو ناصر على جميل الوفاء لآحبتنا الذين كانوا يوما معنا ... ما زلنا ننتظرهم بفارغ الصبر .. تحيتي |
للاسف صاحبنا ما جا للموضوع
رغم مطالبته له والبحث عنه امل التواصل معه مباشرة اذا تكرمتم سلام |
موجود ياغانم الميقاف--شرواك هاذي حراويها..
رجل" مثقف مافيه خﻻف -- وياخذ حقوق" ويعطيها./ شكرا" على أهتمامك يابو سامي وشكرا" لﻷستاذ ابو ناصر |
| الساعة الآن 09:57 PM |
Powered by vBulletin .
جميع الحقوق محفوظة © لشبكة ومنتديات البراري 2010