|
لاباس طهور ان شاء الله
والعنقز بسيط باذن الله والاخوان افادوك الله يجزاهم خير |
طهور ان شاء الله وماتشوف شر لكن على قول المثل إسأل مجرب ولا تسأل طبيب العنقز دواه عندنا يالشيبان رح للصيدليه وقول عطوني علاج العنقز ويعطونك مثل المحلول لونه أبيض وكأنه حليب حطه على الحبوب اللي طآلعه فيك وخلك تحت المكيف لمدة ثلاث أيآم أو يومين وعقب يومين رح لأقرب حمآم سونا ( أبو بخآر ) << مادري عرفته ولاّ .. لا ! المهم ورح وأخذلك صوله وجوله فيه راح تشوف وشلون روس الحبوب تطيح وتبدا تبري واذا جربتها رد علي يالخشيبي وأنا مجربها |
شافاك الله وعافك اخي راشد
يفيدونك اخوياك اصحاب الاختصاص ان شاء الله |
انتبه لاتقشر الحب بعدين يبقى اثاره :eek: :eek: :eek: :eek:
|
سلام الله يعطيكم العافيه على ردودكم ولله يا أخوان ماهو غريب من أعضاء البراري الاوفياء والحمد لله الذي عفاني منه جزيتم خير يا أخواني باقي قليل في الوجه وان شاء الله يروح قريبا |
الحمد لله على سلامتك الخشيبي عسى ما عاديت أحد بعد السخونه ...
السؤال ولو أني طرحته في موضوعك كم العمر المعتبر يصيب العنقز الأشخاص وهل يصيبهم على كبر ... علما أن كثير من الأقارب جاهم العنقز وهم صغار وأنا الوحيد بينهم حتى الآن ما جاني علما أنهم يوم يصابون سبحان الله كنت بينهم فسبحان إلي متعني بالصحة و إنتقل بينهم وللعلم إلي يقول أنه ينقل العدوى أنا كنت بينهم وألعب معهم وأتحكحك بهم ولا جاني شيء !! والله أني متخوف يجيني على كبر على كلام بعض الشباب ما يروح إلا بعد فترة ويطول في الوجه على كلامهم فوق الشهر ما يروح!! ومرة أخرى أخوي الخشيبي الحمد لله على سلامتك وسؤالي كم لك الآن مع العنقز وهل راحت آثاراها أو باقي |
الحمدلله على السلامه يالخشيبي أهم شي البثور لاتلمسها
ويالاستراتيجي العنقز ما له عمر محدد-- وفيه ناس مايجيهم لاعنقر ولاحصبه ولاغيرها هذولا يسمون( بالربع الناجي) يعني مايجيهم ابد إدع ربك إنك منهم هذاحسب ماسمعت والله اعلم وأتمنى إني أفدتك واللي ربك كاتبه بيصير |
أهلا وسهلا أخوي الاستراتيجي الحمد لله على العافيه أنا عمري واحد وعشرين صابني أخذ معاي مده سبوع من السبت الى الاربعاء والحمد لله راح عن وجهي فيه واحد من جمعتنا عمره خمسين صابه قبل أسبعين والى الان فيه ما راح عنه من النوع القوي |
| الساعة الآن 05:25 AM |
Powered by vBulletin .
جميع الحقوق محفوظة © لشبكة ومنتديات البراري 2010