حياااك الله والله اخي الفاضل

هنا القريات

اسعدني حضورك الجميل وتفاعلك الراااائع ألف ألف شكر لك على هالقصة الحلوة

وربي يسعدك ويوفقك

دمت بخيرررررر

الجريمة الأولى : كنت بالصف الرابع ابتدائي وكنا نبي نروح أنا وأمي لخوالي وكنت مبسوط وقبل ماروح جانا حريم لأمي بدون موعد سابق [ المسايير زمان أول كانوا يجون بدون موعد ]المهم إني انقهرت لأني لن أروح لخوالي فجلست أمي مع الضيفات ثقيلات الطينة وعطتن أمي عشرة ريالات على شان أجيب ببسي ورحت أجيب الببسي بنفسن شينة وقبل ما أعطي الببسي أمي قمت برجه بقوة عدة مرات على شان يطيش بوجه الضيفات بعد فتحه وما هي إلا لحظات وأنا أسمع الصراخ والعويل أثرهن فكن الببسي وخذ طيشان على روسهن وعلى شعرهن المدهون والمكدود والحمدلله انتقمت منهن

الجريمة الثانية : جانا ضيف عند أبوي وقال لأبوي تراي شايف ابنك صالح يلعب بالمسجد وطبعا سمعت أنا اللي قال وكانوا جالسين يتقهوون بعد العصر بالحوش المهم إني فكرت أنتقم وجلست أفكر وأفكر وأخيرا رحت للدجاج وأخذت كم بيضة وكسرتهن ولطشت بهن قزازة سيارته حتى صارت صفراء ويوم دري أبوي جلدني لين شفت النجوم بالنهار

الجريمة الثالثة : كانت امي تسوي الغداء ويوم طلعت من المطبخ جيت أنا ووضعت قوطي الصلصة على النار على شان إذا فكته أمي يطيش على الجدار وبعد ما أبعدته عن النار وبرد شوي جت امي وفكت القوطي وهو يطيش بوجهه وعيونه ههههههه وتقعد تهاوش نفسه وتقول هذا اللي جان من العرس طبخ ونفخ وصلصة تطير بالوجه

الجريمة الرابعة: كان عند أمي عزيمة وقالت خذ اخوك الصغير خله عندك المهم أخذت أخوي وكان عمره سنة وأشغلني بالبكاء وأنا كنت أناظر التلفزيون ويوم شفته طول الصياح أخذته ووضعته في سطل الطحين وتعرفون الطفل يحب اللعب وقعد يشيل من الطحين الأبيض ويحط على رأسه ووجهه وصار أخوي أبيض كنه قالب ثلج ومن سوء الحظ دخل ابوي ويوم شاف الوضع كذا راح لأمي وأنواع الشتيمة والهوشات لأمي المسكينة وهربت أنا عند جدي

الجريمة الخامسة : كان عندنا بقرة وكانت جدتي هي اللي تحلب البقرة وقالت لي تعال ياوليدي أبيك تحك رقبة البقرة وتلمسها على شان تركد البقرة وأقدر أحلب المهم إني قعدت أحكك البقرة وأتدلل عليها وجدتي تحلب ويوم بغت جدتي تقضي من الحلب وكانت طاسة الحليب مليانة قمت أنا وقبصت [ أو بمعنى آخر مرست ] رقبة البقرة بأصابعي فهاجت البقرة وتحركت بقوة وكبت طاسة الحليب على جدتي والحمدلله لم تكتشف جدتي أنه أنا السبب

والجرائم كثيرة جدا بس والله خايف تأخذون عني فكرة سيئة هههههه [ تراي كنت ورع صغير وأحب المزح وهذا طبعي حتى يوم كبرت ]

مشاركة مني بهذا الموضوع :
عندما كنت صغيرا :

* تغيير مسار الماء عن أحد المزارع الصغيرة .

*كسر أحدى ثنايا أبناء الجيران بنبالة الطيور بطريقة عفوية وغير متوقعه .

في المرحلة المتوسطة في بداية سن المراهقة التي يحلو فيها العبث :

* كنا في يوم ماطر بمطر غزير وكان بناء المدرسة بناءا شعبيا ويمر الماء من

من السقف الى داخل غرفة الصف ومسكت المساحة ودلكتها بالماء والطباشير

وقلبت السبورة رأسا على عقب حتى صعب ازالته منها .

الله يتجاوز عنا سلوكيات خاطئة .

والله جرايمك حلوة يأبو عبدالله .

وباذن الله بأن ذلك الموضوع من الاعضاء واليهم

وهو للمداعبة فقط ولن يأخذ اي منحى آخر .

الله يعطيك العافيه أختي أم الدانه
موقف لا يمكن أنساه
طبعاً أنا أصغر أخواني وخواتي ماشاء الله الوالده ما كثرت عيال كلنا خمسه
وفي يوم من الأيام كانوا حريم عماني عندنا ومعهم عيالهم صغار وأنا يمكن عمري خمس او ست سنوات
وكنت أحب الأطفال الصغار موت وخصوصاً لما يعطوني الرضاعه أمسكها لهم أموت في هالخدمه وعشان ما يروحون عماتي تفكير طفله أخفيت الرضاعات كل أبوها وجلسوا يدورون وفي النهايه لقوها وأخذت علقه من أمي الله يطول بعمرها

والله مدري من وين ابدأ
لكن وقتها صغييييييييييييير ياجماعه عمري حول العشر سنوات
كنت ادخل بالزواجات عند الحريم مع اللي بسني طبعا نلعب بالكرااااسي ونطامر هنا وهناك
لكن البنت المزيونه كنت اسوي لها برنت بذاكرتي اعرف من هي وش تقرب لي المهم مالكم بطوالها من كثر نظرااااااتي اثري وحده من حريمنا تراااااقبني بس وبلااااااغ شديد اللهجه للوالده الله يحفظها والوالده بدورها ارسلت برقيه عاجله للوالد عاد مايحتاج عطاني كم مخمس على الطاااااااير وبعدها ماقربت صالت الحريم ههههههههه
وبعدها بأربع سنين بدأت القصايد........ شكلها من المخمسات


مشكووووره ام الداااااانه يعاااافيك ربي