وش هاالفن يمال العافيه\ انوع السعابيل

ابشر بالوصفة . دخل + بصل يوضع على الصاجة الى ان ينزل شحم الدخل ويحمس بدورة البصل وبعدين الطماط عدد حبة عند الحاجةوكذلك قليل من حمض اليمون لانه يعطي طعم رهيب ويساعد على هظم عظام الدخل واخر شي الفلفل الاخضر وقليل من البهارات واهم شي ان يكون نص استوا وبالهناء والعافية وترقبوا الجديد.

و مشكورين على الحضور .سلام,,,,,,,

يا سلام على الشغل العدل


روعة


تسلم على هالوصفه

والصيد الجاي راح اجرب نفس الطريقة ( شكلها فله ) .


.

مشكوووووووووور ياغالي
صور زينه بالحيل

يا جعله مداخيل العافيه

مشكور وما قصرت يا الغالي

اخوك ... ابو شداد

مشكورين يالربع على الردود التي اتحفتني بصراحة

ابسوي دعاية للصاجة لانها ستال ستيل خالص والعرض 2 ملي وهاذي عند صديق لي ب 3 احجام وليست مثل الذي يباع جاهز في السوق لان سر الحمسة في الصاجة .

وطريقتة ياخذ مربع صاج كامل ويكبس الصاج على طلبة ويبيع بالجملة على محل شرق الرياض .

والى يبي منها يبشر بالوصف.

مساكم الله بالخير أخواني

أبي لي وحدة أخوي الكاشف

ولا عليك امر .. تجيبلي واحدة من الحجم المتوسط

ولا يخدم بخيل

وإلا توصف لي المحل وأنا أروح له وأشتري منه

بالهنا والعافيه
عقبال نشوف الصفاراة معهن

ابشر ياخوي اتيكا لوتبي بسعر الجملة لاكن الوقت الحالي قليل اروح الى مدينة الرياض
لاكن بوصف لك وصف تقريبي . الموقع مخرج 15 وانت جاي من شمال اجباري يروحبك الخط يمين ناحية الغرب بعد ذلك يجيك مديور تاخذة بتجاة الشرق بعدين يجيك نفق
ناظر يسار ماني متاكد بازبط هل هو قبل الاشارة الي بعد النفق اوبعدها المهم ان المحل يجيك على اليسار وانت متجة للشرق اسم المحل برق الحيا . وشكرا للجميع ,,,,,,

وش هذا الزين يا الكاشف اقول من ادخل او اقول من الصياد
او اقول من الطباخ بس مشاء الله طبخ محترم على راعية
واشكرك على فتح نفسي للصيد
من شفت اليمونه حسبتها ظهر صفارية
الف شكرك لك اخوي الغالي