|
معليش يا دكتي ، كنت بالملتقى وهوجست الهوجاسه التالية ، ويوم انتبهت .. جيت أكملها هنا .. ياخوي الدرب دام الدرب طااال .. السوالف تقطع الدرب الطــــويل يانسيم البر في روس الجبــــاال .. ياعبير الروض ياشمس الاصيل ياطيور الصبح ياعين الغــــزال .. ياعنود الصيد مبروم الجـــديل ياعيون الكون يالسحر الحلااال .. والمسافه بيننا ماهي قليـــل ياغصين البان يوم الظل زاااااال .. مالنا في قاعة القشعه مقيـــــل شد حيلك مع خويك يانضااااااال .. خل هقواتك تمثنى المستحيـــــل عزتي للي يـــدور للظــــلاااااااال .. هانت الطرقه تجمل ياخليـــل استففرالله واتوبه إليه .. سبحانك اللهم وبحمدك تبارك اسمك وتعالى جدك ..ِ |
هواجيسك كلها راحت هناك .. مرحبا يادكتي .. سبت هالعالم هناك .. وجيت لك يادكتي ..
أبعد بنفسك عن الجمهور وازعاجه .. لو كان روحك من الوحــده تهـرجـهــا الله خلق بالدروب دروب نهـــاجـــه .. تبعدك عن عالم ما اكثر لجالجــــــــا ياشمعة البيت يانوره ويا سراااجـه .. من يوم غبتي جميع الناس ساهجها متى على الله يصير الوصل ومواجه .. وفق الشريعه مدام الله مفرجهــــا مدام عندك ثلاثه جيبها خاااجه .. يمقن تداوي جروح ...ماصارت هوجاسه .. معليش .. يادكة الهوجاس ما جاك زوار .. ؟ لا والله الا مرني ناس اكثار .. والكل طاير ما يرد التحية . جنيتي تكفين شبيلي النار .. ابتـلفـــت خـــوف لا احـــد يجينــــا الليله السهر على طرس قرطاس .. خل القلم يصرخ بصوت حزينا هاجوس قلبي لا سرا دون مقياس .. يـدق قلبي مثل دق المكينـــه دنيا الفلس ماوسطها غير الافلاس .. وعمر الفلس ماجاب أيـة ثمينــــه يادباس انا من رحت ياخوك يادباس .. وجروح قلبي بالحنايا دفينه ياخوك انا بالحيل ضايق ومنحاس .. روحي معك أضنهم دافنينـه مؤمن وقلبي ماسمع هرجة الناس .. مهما يعزوني تراني سجينه راحت ثمان اسنين ماشفت الاوناس .. ومحاجري بالدمع دايم رهينه مجرد هواجيس .. كيبورديشنيه . سبحانك اللهم وبحمدك .. |
ياحي حيي وحياني ،، ياديرة الجد والخلان
حنيت حنيت مامداني ،، الله على شوفة الشيبان للغرب انا ويش وداني .. وكملت عمري مع القصمان إلى متى بعد خلاني .. .. ؟؟ |
يارب فكه من الدنيا وما فيها .. إغفر خطا يارب من جاك تايب
يارب كان الخطايا كثر يارب تمحيها .. واحسن ختامي قبل وضع النصايب أستغفر الله واتوب إليه .. الله أكبر ... سبحانك اللهم وبحمدك تبارك اسمك وتعالى جدك ولا إله غيرك ، اللهم اغفرلنا وتب علينا إنك انت التواب الرحيم |
تركت الناس من شانه ورايه .. تربعت لحروفه من غلاهـــا
تعلمت القصايد من عنايه .. حفرت البير لين انبطت ماهـــــا ولا احد عارف سر الحكايه .. عن اللي تضمر حروفي وراها أصلي فرض ربي في عنايه .. واقول الله يزين منتهاهـــــــا الا يالله يحفظ لي ضنايه .. هلا ريماس لحظه.... |
في دكتك دايما اجي لها عــــــــــــــاني
واحيا اجي ولا ترك جرة فيهــــــــــــا اجي لها دايما مشتاق ولهــــــــــــاني القى بها الفكر في جملة معانيهـــــــا ودي اعبر عن شعوري ولا امـــداني وان قلت شكرا فشكرا مايوفيهــــــــا الله يجزاء ابو سامي بخير الاحساني في كل فن سعى لناس يرضيهــــــــا |
حيا الله اللي يسير ما تعداني .. لا ضاقت النفس ألقى من يسليهــا ياحي حيي وياحيي وحياني .. لا صرت جمبي أبيع الناس واشريها يفز قلبي قبل خفوق وجداني .. لا شفت حبـرك على الدكـه يحليها ياكثرها الاسئلة لا شك ماامداني .. الوقت ضيق وبعض أحيان نخفيها الساحر اللي خطف قلبك مسياني .. ياكثرهم ياخويي من وقع فيها هوجاس قلبي معك هو وين وداني .. الله على روضة فاضت محانيها ونهار سابع يجيها الوبل من ثـاني .. إلين عرق النفود السيل يرويها نهار ثالث تشوف العشب متداني .. تميز الربل والرقروق كاسيهــا اسبوع ثاني وريح العشب يغشاني .. ريح النفل والخزامى حي طاريها الله على الطير لا رزيته اوزاني .. يكفي عيونه من البرقع مغطيــها مامداني افتح عيونه جاه شيطاني .. وشفيه يكفخ ؟عرفت انه يراعيها ! وفتحت له ياركام القلب بيباني .. ومشيت خلفه عزلته قبل يدميها حتى الزبيدي تشوفه وسط بستاني .. وحيالله اللي ربوعه ما يخليها وحيالله اللي ربوعه ما يخليه .. وحيالله اللي ربوعه ما يخليها شكرا ركام |
ياضومري ضاعت الطاسه
انت ضاعت مســــــــاميره اشوف الاسلاك منحاســه ومهندســــه يشتغل غيره |
مسكين من يعلن افلاسه
أحسن له يغادر الديره والناس بالحيل حساسه يعني كما وصف قصديره |
وقف هنا نقطة التفتيش .. أكفشك من قبل تكفشني
ما احب انا سيرة التطنيش .. ولا احب منهو يطنشـــني وحنا معك خابزين العيــــش .. حبشه ولا انته بحابشني ماحركتني زمان الطيـــش .. واليوم صـعبـه تطيشـــني عندي سيوف القصايد جيش .. هـادي ولا احدٍ يجيشني وش جابها سيرة التنبيش ... أبغاك بس انت كارشنــي إن كان عقبي طلع لك ريش .. ياشيخ ترااااك مبلشني لا ولع النار وسط الخيش .. واقف ولا انته بنايشني قروشتني ليش ياقرويش .. ياشيخ حاول تعايشــني عابره .. من لوحة مفاتيحي العامرة بإذن الله .. تحيتي |
| الساعة الآن 10:23 PM |
Powered by vBulletin .
جميع الحقوق محفوظة © لشبكة ومنتديات البراري 2010