لياصار الخطا مــره وعنه انقدم الأعذار
مصيبه لو يعيد النا السواة الي يسويها

نوايا والنوايا كنز ويــــدارا عن الأنظار
بطاقات الأوادم تختفي داخــــل مخابيها

سمي الغيث واقف ينتظر ردك على ابياته
عساها واضحه عندك ولا تحتاج توضيحي

إنها بمثابة لغز .. بين هجر القديمة وبين حد العلا ؟. وش تقول يامزن !!

متابع ..

تحيتي

سمي الغيث ماكمل على الصفحة بياناته
يصلي بس يستعجل وقام بدون تسبيحي

هلا وغلا بالشاعر / مساعد بن منيف .. حضورك يعني دخولك بالسرا .. سبق وأن اخترت الأخير والأن هل تريد دورك قبلي أم بعدي هههه ... قبلنا شعراء .. وما زلنا في السرا ..

لدينا شعراء على مستوى عال .. وملعبة مزن البرد .. جاهزة للمحاورة ، وما يميز المحاورة النتية أنها تعطيك الوقت .... للرد بكل هدوء ..

عاشوا .. ما زال الدور بين هماليل المخيل ومزن البرد .. بانتظار نهاية المساجلة بينهما .. والدور على من يرغب ...


معكم قلبا وقالبا ..

تحيتي

خلها مالك ومالها بالفلا دمها سهمها صاب بالمقتلي
من رغا عقب هدره حصله بلا عود ازريق عقب الهدر ياعولي

لا تفاخر برميــــــك وعنها زمى والهـــدف كل رميي عنه مازمي
والجمل هامته طول طلعة كرى وان هدر من هديره يخاف انكري

طافت السالفه وشهدوبه ملا وانت لانته مقفي ولامقبلي
اشهدن الاوادم بها مبتلى ليصدر ولايارد المنهلي

مقدر اوصفك مثل الجعيرة حشى العظام بذنبها حشوها حشي
الشعر بحر من عهدنا الولى وانت تقضي ببحره غريق اولي

هذا كلام وليس بشعر هابط المستوى احترم نفسي ان انزلها الى مستواه كما احترم القائين على هذا المنتدى ان كتب
في هذا الصرح رد على هذا الكلام الوضيع والكلام الناقص نقصه على راعيه

لا يالغالي هماليل : لا يوجد في بيت الشعر الي ذكرته : أي كلام وضيع يالغالي
طالما اني اقول : مقدر اوصفك بل اقول حشى ان اوصفك بهذه الصفة
ثم ان معنى هذا البيت يفهمه الشعراء : ومعناه هو انك تتضاهر بأنك
فهمت معاني ومحتوى ابياتي وانك تفوقت في الرد عليها
بينما في الحقيقة انت لم تنقض معنى ابياتي بالشكل الصحيح
ولم تحسن الرد بالشكل السليم وحتى القافية ومواقف ابياتك
تختلف كليآ عن قافية ومواقف ابيات طاروق المحاورة التي
بدأت بها انا وطلبتك فيها

هذا هو معنى بيت الشعر وليس في معانيه ما يزعل الشعار
او يخرج عن نطاق الإحترام

على كل حال

يبقى هماليل المخيل من اقرب الشعراء الى قلبي في هذا المنتدى
واكن له كل الإحترام والتقدير

واشكره جزيل الشكر على ماقدمه من ابيات في هذه المحاورة

كل ما بان نور القمر وانجلى حال من دونه الغيم لا ينجلي

فقط اريد ان ابين لكم لحن المحاورة حتى لا ينطقها البعض بلحن مختلف
لحن المحاورة هو نفس لحن محاورة خلف بن هذال مع احد الشعراء القداما

وهذا شطر من محاورة خلف وليس لهذه المحاورة سوى لحن واحد فقط
لا يمكن ان تنطق ابياتها بشكل سليم إلا بنفس لحن محاورة خلف

وهذا شطر من محاورة خلف والجميع سمع محاورة خلف ويعرف لحنها

الفلسطيني الناس عنده زلم كل ابوهم بني زلما زلما

محاورة خلف هذه هي نفس طاروقنا مع هماليل المخيل ونفس اللحن
ونفس المواقف حيث في كل شطر ماقفين

الصفحات مجوده والشعراء موجدين والناس متمشي عليها الدعايه دعيتنا وجبناك وتعرفنا على رجال في منتهى
الكرم والصدق

الله محييك ياهماليل نسعد بتواجدك
ونحن ان شاء الله صادقين مع انفسنا ومع البشر
ولا ندعي الكمال فالكمال لله سبحانه
ولا نستخدم الدعاية بل ناتي بالواقع والمصداقية
ونحسب الجميع مثلنا وافضل منا والله حسيبهم

يامرحبا تراحيب المطر يابن العم مساعد حياك وبياك ونورت متصفحنا
ولا عليك زود فيما قلت والجميع فيهم الخير والبركة



مرحبا ترحيب بالي بعد طول اغياب جانا
صاح بالصوت الرفيع وكبر وسبح لربه

يامساعد من سهوم اسهامهم ربي حمانا
والمــعزب مالقا في دلته كيـــــفن يصـبه

احكموا بيننا يشاعر من الملتزم بالقافيه والمعنا

ارجو الالتزام بالكتابة شعرا .. وليس نثرا .. نريد الشعر ولاغيره !

مزن البرد وهماليل المخيل شاعرين كبار ويقتدى بهما .. بامكانكما اسعاد متابعيكم ..

تحية محب ..

صح لسانك
نكتفي بهذا القدر من الطاروق

ونشكر هماليل المخيل على المشاركة

كل شي وله نهايه وكل جهد وله حصيل.....وعــذرونا لـــو بعضنا يزعل بليا سبب
وابشرو مادام انا موجود للحمل الثقيل......لا تخاف ولا تردد وكرب احزامك وطب

ما نحاور ما نحاور لين يضمن لي كفيل .. إن ناره في وجاره ما يزود باللهــــب
الدلال الصفر فاحت وانتثر بالنار هيل .. عادة الاجداد راحت وين ابشر بالشبب

اخوك ليس بشاعر محاورة . ولكني سأحاول .. عللي أتعلم المحاورة .. لمحاولة التغـير في المفهوم السائد للمحاورة . ..

منكم نتعلم أحبتي الشعراء ..

بالعهود وبالوثايق ثابتن عنـدي دليل.....كل جربا قد عطيناها عـــلاج إعن الــجرب
لا تدور ولا تلـف ولا تحط ولا تشــيل.....خل زادك في جرابك واحفظ الما في القرب

هلا بالغالي : مساعد

نعم اخوي مساعد ابياتك البارح مختلفه عن لحن ابياتي
ابياتك قصيره شوي

شف ابياتك
البــقاء يالمرحــب من وفــاك و وفانا..
كـل شيّ" يــعوّد يالــبرد في مصـــبه..
والشــكر للــعظيــم اللي بجزله عطانا..
وأنت تمطــر زلال وبالبحــر غــصت غـبـه.

قصيره عن لحن ابياتي
لكن شف بعد ان نعدل عليها
كيف تطلع روعة

التعديل موضح باللون الأحمر

البــقاءبـــــك يالمرحــب من وفــاك و وفانا..
كـل شيّن يامزن" يــعوّد ويصــب ابمصـــبه..

ونشــكرالله الــعظيــم اللي من الحكمةعطانا..
وأنت مشروبك زلال وبالبحـر تغـوص غـبـه.


اخوي مساعد ارجع لبياتي
وقارن لحنها مع لحن ابياتك بعد التعديل

ستجد اللحن متوافق

يعني قصدك لا تحاور مشتهي غيري بديل .. ودك أسكت يامعلم وانت وحدك باللعــــب
ما بقى للشهر واجـد اقصد الشهر الفضيل .. الكلام احيان فضه والسكوت اغلا ذهـب

اللياقه يامساعد ما تجــود .. وانبليت بشاعر يغلي غلـي
واعسى المقرود هذا ما يعود .. ناوي له ضربة بالمفصلي

أسعدكم الله جميعا .. وياليت جميع الشعراء يشاركون ..

تحيتي

ههههههههههههههههه

لا ماقصدي لا تحاور


قصدي انك طالبن كفالة الخصم الخليل .....وجيت اقدم لك كفالة دون فتال الشــــنب
والله ما خبرتك غير من معدن اصيل ......كيف تسكت وانت حلال العقد وقت النشب

اقتباس:

قصدي انك طالبن كفالة الخصم الخليل .....وجيت اقدم لك كفالة دون فتال الشــــنب والله ما خبرتك غير من معدن اصيل ......كيف تسكت وانت حلال العقد وقت النشب

نقطة نظام

الله يرحمـــنا بلطفه وكـل عبدٍ له ذليل
كل الامراض ياعميلي طبها عند العرب

وكل حرٍ لاتغاضا اعرف انه هو سليل
بالتواتر وفي المدون حازها اعلا الرتب

كلنا يعرف أن مزن البرد شاعر محاورة متمرس وله صولات وجولات في ملاعب المحاورة ..

هذه الزاوية .. لا يهم من يكسب لأن الكسب في المحاورة بمثابة الهزيمة بنظر الاخرين ..

مكسبنا .. هو وجودك معنا .. ومع جيل يرغب التعرف عن قرب على المحاورة وبحور شعرها ..

من خلال ما طرحه الشباب .. تمنيت لو أنك لم تجاملنا .. وذكرت نقدك الهادف على ما تم طرحه ، ليستفيد الجميع ..


تحيتي

ولا يهمك اخوي غانم

سنبذل جهدنا في محاولة ارضاء الجميع
قدر المستطاع والله يقدرنا

الله محيي الجميع ..

ولاتنسوني في السرا .. هذى دورة تدريبة ولازم نستفيد منها ..

وانا اتحدى مزن البرد .. هههههههههههههههه احمسة عشان يقدم دوري ..

انا جيت اودعكم قبل غرة ارمضان
طبيعة هــل الإيمان بالصوم معتكفه

وفتل المعاني نـــوقفه كلنا ياخــوان
وبعد ارمضان الناس للشعر ملتهفه


نلتقي بعد رمضان ان شاء الله

عــلــى خـيـر نتلاقا ونجدد اللي كان
بـعـد الـعـيـد للفرحه كل ضارب دفه

وانا للشعر متحدي وأضبط القيفان
والشعـار بعد مثلي كل ضابط سقفه

على خير ان شاء الله
والله يبلغنا رمضان ويعيننا على صيامة وقيامة
والله يكتب لنا القبول