|
لاتآخذ المسأله بعنآد
وتقول يآصآحبي عآدي لقلوب الأحبآب به حسآد لفرآقهم حآدر الوآدي |
ذعذع برآده وفآح عطور
أقبل ويآزينهآ عطوره ورده أريجه شعآع النور وتغنج الاوتآر بحضوره |
ياويل من حمله جبالي
بالليل ما نام سهراني ماهوب للوقت يحتالي وتقول لا تكتب احزاني |
يا ابو زياد كلا حالي
الهم شف وين و داني اشكي ولا لي سوى الوالي والعمر ما همني فاني |
العمر لالك ولا لالي
والهم لاتصير له بآني خلك عنه يآخوي سآلي والا ترى شره تعآني |
بيتين من البحر القصير وليست كسره حبيت أطرحها بالمدونه :
له أريج وله رذآذ وله بعد بالقلب صوره ولي ولد إسمه معآذ كم يشرفني حضوره |
حياك ياعاشــــق الكسرة
يالي على الكسرة اتنادي هونتها لو بــــدت عسره ومعناك فـي فتلها عادي |
أهلين يآصآحب الخبره
ياللي على حينآ بآدي لون القلم دوم من حبره مآيستوي الضلع والوآدي |
يآزين هبت نسانيسه روض خضر مكتسيه ألمآس متمآيل وفيه تقويسه ومن كل جانب عليه قياس |
صح لسانك ما فيك حيك
واذا تحب اشارك بالكسرات المنقوله ابشر بها تحياتي |
تاخذ مـــن التجربه عبــرة
وتكثر عزاويك في المادي وعند البشر للبــطل شهره وتذيعها مـــــوجة الـرادي |
محب العيص
صح بدنك يالغالي جيتك وتشريفك ابهجني أخوي مآودنا بالمنقول الله يبارك فيك لاهنت يالطيب |
كلن بيآخذ حسب شبره
وكلن حسب فعله يشآدي بالليل لاتآمن الغدره خلك معي وأمسك شدآدي |
أهلآ هلآ يالركآم أهلين
وين أنت يالصآحب الفله لاتكون روحت يم الصين وفآرقت الاحبآب والشله |
واقول لك ياهلا الفين
ازور لو شفت به طله مانيب مبعد عن الحلوين البعد عندي هو العله |
شفتك سحآبه تلوح بروق
في تآلي الليل بآرقهآ همآلهآ بالعروق يسوق ورعآدهآ مآيفآرقهآ |
شبيت ضو المحبه لك
وأدنيت منهآ معآميلي في سآعة ليلهآ حآلك أسقيك أنآ من فنآجيلي |
يالله عسى الجو يصفا لك
مع صاحب له مضاليلي يصير عندك كما ظلا لك ويزين وقت التعاليلي |
كسراتك اتون مكسوره
تقول طولت بالغيبه وظنها صدق معذوره حزينة كن بها مصيبه |
يمين ما قصدنا نزعلك
واني معك زين يالغالي شفته متكي يطق العلــك معطي طنش واعنا حالي |
لك في عروقي حنين وشوق
ورسوم بالقلب منحوته وبالعين دمعه تذيب الموق وبالجوف آهآت مكبوته |
لاجيت أنآ بأكتب الكسرآت
وآسطر القآف من ذآتي أكتب لهآ وأجذب الونآت وتزيد بالقلب لوعآتي |
محاولات ككسرات
:w10: كسرت القلم من كسراتك وفتحت الكراس
ودون رد من غير لبس ولباس خطه ذهب ماه والضامي من غير الوزن مبغاه :ordh: |
كتبتها من صميم الذات
وتقول هذي معاناتي وتزيد بك لوعة وآهات متذكره كل الا وقاتي |
أكتب هنآ .. والحبيب يشوف
كسره بهآ ينتثر دمعه من عشقنآ مآعرفنآ الخوف ومآينطفي بليلنآ شمعه |
أكتب هنا من باب حفظ الامانه .. حرام حرفك ينحفظ وسط الارشيف ذعـذااع وينه لا خلا من مكانــه .. له مدة عن صفحة الذوق ما شيف بهذه المدونة أجمل الكسرات وأمتعها لمتذوقي هذا النوع من الشعر الجميل تحيتي |
شعر جمييل
المفترض المشرفين ينقل لديوانية الشعرراء لان الموضوع ديوان لكسرات الشاعرر وليس كل من اتى يكتب المفروض مايثبت هنا مكانه الدديوانيه ودمتم سالمييين |
بإذن الله يقوم الذعذاع بنفسه بمراجعة وترتيب وتصميم كسراته ، ديوان الذعذاع للكسرات ... مالمانع .؟! الاجابة لدى الشاعر .. تحيتي |
ما سبب عدم دخول الذعذاع ؟
|
ظروف خاصه به ..
دعواتكم له وان شاء الله يعود من جديد ! |
تمنيت لو كان الاعتذار أتى منه لا من أحد يعتذر عنه !
إلا إن كان مريضا .. فالدعاء واجب لكل مسلم . تحيتي |
شآعر ونضمه مثل قلبه
أبيض وفيه الوفآ زايد ماعآد نصبر على بُعده لو صبرنا للهوى كآيد |
| الساعة الآن 04:55 AM |
Powered by vBulletin .
جميع الحقوق محفوظة © لشبكة ومنتديات البراري 2010