متى اجي افتتح واشرب اول فنجال ؟؟

:a_think: :new4:

الله يوفقك يامزن البرد

واحسن شيء لقيته انك لقيت محل على الشارع العام عاد اهم شيء الموقع
وصلي لك ركعتين
وإن شاء الله موفق
تحياتي

بسم الله الرحمن الرحيم

تكلفة أجار المحل بالشهر
تكلفة العمال بالشهر
تكلفة الديكور " علماً بأن وزارة الصحة تطالب بإشاني لون أبيض للجدران + طاولة لأعداد السندوشات "
تكلفة الأدوات المستخدمة " مثل ثلاجة عامودية للمشروبات + ثلاجة لحفظ المواد الغذائية + سخان ماء لعمل المشروبات الساخنة + خلاط للعصائر + أدوات مطبخية مثل السكاكين والملاعق وأوعية لتحضير المآكولات +بتوجاز "
إضاءة + أثاث " طاولات وكراسي حسب رغبتك "
مكيف أو أكثر حسب حجم المحل
فرن ميكرويف + محمصة ساندويشات
تكاليف الخامات " الي هي المواد الغذائية "

بالإضافة لقيمة السجل التجاري + أشتراك سنوي بالغرفة التجارية
حساب سعر اللوحة وهذا يتوقف على حجمها طبعاً

وعلى فكرة يطلب من أي محل أن يكون به عامل على الأقل ومدير محل

كان بودي أسوي الدراسة نقدية لكن ماتوفر من ردك غير أجور العمال وقيمة التعاقد

من الأفضل أنك تعمل قائمة "منيو" لكل مايقدمه المحل بالأسعار بالأتفاق مع العمال ومعرفة مايجدونه وطبعه استعداداً لتوزيعه وتكون قائمة ثابته للكفتريا
ومن القائمة تقدر تحسب المصروفات الشهرية من مواد والربح بإذن الله

أدرس النقاط المطلوبة وضع الأسعار وحاول تكون دقيق فيها لتحسب تكلفة رأس المال
وأي استفسار تحت أمرك

وربي يوفقك

على فكرة أخوي

لو كنت موظف مايسمح لك بفتح سجل تجاري ممكن تسجل بأسم أحد تثق فيه وأهم شي تثق فيه

الله يجزاك خير يم محمد

انا اعطيتك اللي انتي طلبتيه حرفيآ وماكنت اعرف انك تريدين تسعيره كامله
وهي متوفره من امس لدي وقد تم الإتفاق مع ممول ومحل لتصميم الديكور واللوحة


على النحو التالي

تكلفة اجار المحل شهريآ 600 مئة ريال

تكلفة رواتب العمال 700 للعامل الواحد اي بمجموع 1400 للعاملين شهريآ

تكلفة ديكور المحل 1500ريال
طاولت اعداد سندوتشات 250 ريال
تكلفة الأدوات المستخدمة :ثلاجه عمودية للمشروبات 1200 ريال
ثلاجة لحفظ المواد الغذائية 750ريال
سخان ماء للمشروبات الساخنة 350ريال
خلاط عصائر 600ريال

(ادوات مطبخية بالجملة) 1500ريال
اربع طاولات صغيرة بــ8كراسي 600ريال
مكيف 1100ريال
ميكرويف 350ريال
محمص سندوتشات 150ريال

لوحة محل متوسطة الحجم أضائه متحركة بــ500

السجل التجاري تم دفع التكاليف سابقآ وجميع متطلباته من اشتراك وغيره
من خارج رأس المال وهو بإسم الزوجة (ام خالد )الله يحفضها ) وعقد اجار المحل
ايضآ بإسمها : والله يكتب لنا اللي فيه الخير


هذا ماستطعت توفيره من معلومات واتمنى ان تكون كافيه للبدء في دراسة الموضوع
من قبل اختنا ام محمد جزاها الله عنا كل خير

إذن مجموع التكلفة يساوي 10750 عشرة الاف وسبعة مئة وخمسين

ماشاء الله حلو مدام مخلص من السجل المدني وتكاليفه تكون خلصت من المصاريف الأدارية ويبقى لك شي بسيط لايذكر وهو السجل وأقلام وأعتقد مبدئياً كافي وماله داعي كمبيوتر وبرنامج هذي النقطة نقفلها



نجي للمهم مصاريف التشغيل وهي كالتالي :-

الأجار : 600 ريال شهرياً

الرواتب : 1400ريال شهرياً

تكاليف الطاقة " الكهرباء + الماء" : 1000 ريال شهرياً تقديراً طبعاً

تكاليف الصيانة : 100 ريال شهرياً " هذا البند يكون أحتياطي لو حصل عطل بالمحل "
تكاليف المشتريات " يتضمن الديكور والأدوات ":8850 ريال
وتعتبر هذي الأصول الثابته وهي 8850 ريال

الأصول المتداوله وتتضمن الاجار والرواتب وتكاليف الطاقة :3100 ريال شهرياً

يصبح رأس المال المستثمر كالتالي

الأصول المتداولة 3100 شهرياً

الأصول الثابتة 8850 ريال

الأصول التأسيسية أنتهيت منها كما ذكرت

يصبح المجموع : 11950 ريال

وهذا المبلغ المطلوب لعمل الكافتريا بإذن الله

ويبقى التمويل الغذائي مثل الخبز والأجبان حسب القائمة الي تتفق عليها مع العمال ويتم الأتفاق مع محل جملة أفضل من الشراء بالحبة وطبعاً الأتفاق مع مخبز يوفر أنواع الخبز ويكون السعر بالجملة بعد وإن شاء الله تكلفة هذي المواد قليلة لكن حبيت أذكرها عشان تحطها ببالك طبعاً

تقريباً مافي فرق بين دراستك ودراستي ماشاء الله عليك صرت أستاذ

ربي يوفقك وياريت تبلغنا بكل خطوات العمل حتى يستفيدالجميع

ربي يوفقك ويرزقك من واسع فضله

وخلنا بالصورة بكل خطوة عشان الكل يستفيد

مساكم الله بالخير

الله يوفق صاحب المشروع وصاحبة الدراسه


ونحن لازلنا ننتظر النتائج