|
سبعه شهور وحتى ايام الاعياد
ما جاني الفرج من رب العبادي احلف لك بربي يا ولد الاجواد ان هالزمن شين ماهو اعتيادي مشاكل متكرره وكلام ما ينعاد وربك العلام باللي يصير تالي بين الاقارب صار الكلام كداد كلامهم عني ولا في الخيالي ان جيتهم بالخير صاروا جراد واذا بغوالشر شوفوك الجناني بس انتبه لاتصير مثلي يا بجاد وتشوف اللي انا شفته وصفالي الله يفرجها ويصلح كل العباد ويسخرني لخدمه كل الاهالي ويصلح مافي قلوبنا تنعم البلاد بخيراتها وينزل المطر همالي ويحمينا من حر جهنم الوقاد ويبلغنا الجنه اللي بالك وبالي هذا قصيدي واحكموا يا نقاد اكشفوا عيوبها واتركوا الباقي وسلامتكم اخوكم///// عبدالله بن صالح الغامدي |
اقتباس:
صح لسانك أهديك لقب شاعر البراري على هذه القصيد التي أبرزت هجران الأقارب و أصبحوا شتات |
اقتباس:
هناك من هو افضل مني ممن شارك وممن لم يشارك ونحن في انتظار مشاركتهم |
السلام عليكم ورحمة الله وبركاته
قبل امس اشوفه حايمٍ فوق الاشهاد واليوم صار (الحَر) (للحِر)حادي انا حبيس القيظ والقيظ قيّاد والليل برقَع والسموم القيادي القيظ حل وحامي الحر يزداد والناس صارو من دوام لْـ رِقادي ماداج به صيدٍ ولاداج صياد والعشب صفّر بالنّجد والحمادي ولا جاد به غيمٍ ولادن رعّاد جفت بطون الارض ماسال وادي الكهربا تطفي وانا شبه معتاد ومرات عج ونوبن الجو هادي الله يعين ان كان يافلان هو زاد على رجب وش باقين من جمادي جانا الشتا وقلنا متى الصيف عوّاد واليوم جانا الصيف شفنا النكادي مير الشتا جلاد القيظ وقاد والله يفرجها و نلقى البرادي لكن على الله كل الاحوال يابجاد الله يعين وتوه اليوم بادي اخوكم : جادك الغيث |
يابجاد لاتنشد عن الحال يابجاد **** حالي كما طير (ن) عديم الهدادي يبغا الهدد ومقيدينه بالاقيــاد **** سبعة شهور(ن) حالته في ترادي طول عليه القيض ماعنه نشاد= = يبي الفرج من عند رب العبادي وقامت هبوب الصيف تومي بالاعواد= = اول دلايلها ليال الحصادي وجتنا سموم القيض سم للاكباد= = لهيبها يشوي الدبا والجرادي واللي من الله مالنا عنه محياد= = هذي مقادير الولي يوم ارادي وانا ليا شفت السماء حرها زاد= = وقامت عواصفها صباح وهجادي جهزت جيب للمشاوير معتاد= = وقمت اتمشى في مناطق بلادي ماني مسافر يم لندن وبغداد= = لوكان لندن تشتـــــهر بالبرادي داربعيد ولالنا فيه مقعاد= = تقـــعد لهلـــها جـــعلها للنفــادي والجايزه يبجاد من عند الاجواد= = يازنها لاجات من كف(هادي) وصلاة ربي عد مادن رعاد= = على النبي الهاشمي خير هادي |
الله الله
عليك يابو عزام وافيه القصيده وجزله |
اقتباس:
صح لسانك اخوي وبيض الله وجهك |
صح اللة لسانكم وبارك اللة فيكم جميعا
|
يابجاد لاتنشد عن الحال يابجـــــــــاد *** حالي كما طير (ن) عديم الهـــدادي يبغا الهدد ومقيدينه بالاقيــــــــــــــاد *** سبعة شهور(ن) حالته فيــــــترادي بنيت أنا قافي على قاف من جـــــــاد === ( ذيب ) يصيغ من المعاني جــدادي الصيف جاء وقته بحسبة و ميعـــــاد === ياالله ترحــمنـا بيـوم المـعـــــــــادي كل شكى من شدة الحر وش عــــــاد === وش عاد ينفع والحـــــــرارة تزادي غاب السحاب وغاب برق ورعـــــاد === وبدت سموم القيض تشوي الفوادي واصفر لون العشب ماعنه نشــــــاد === في هضابها والاعلى كـــــــــل وادي ياما سهرنا الليل والنجم وقــــــــــاد === نرقب ظهور سهيل يبدي الـــــبرادي والصيف فيه الناس ماهيب تنقـــــاد === تقلب نهاره ليل طوله رقـــــــــــادي احد جلس تحت المكيف ولافـــــــــاد === واحد ذهب وجهة مصـــــايف بلادي واللي مـعـه قدرة ولاهو بنـشـــــــــــاد === يروح صـوب ديار قــوم بعــــــــــادي والصقر ليمن صيف الوقت ماصــاد === يوضع بسجن مثل سجن انــــفرادي والله خلق حر وبرد على مـــــــــراد === ناس تشـكى وناس الوضـع عـــــادي واعرف ترى حضك ولوزان ثم زاد === يا سرع ما يقرب لوقت الحصــادي هذي سنين العمر ماعاد تنعـــــــــــاد === والوقت فيه الزين والشـــــين بادي وختامها صلوا على خير من قــــــاد === محـمـد اللي قـادنا للـرشـــــــــــادي الركام |
اقتباس:
ماشاء الله تبارك الله صح لسانك يالغالي وعلا شانك |
صح لسانك يالشاعر
|
صح لسانك وايد الكلمات قمة الروعة
|
بسم الله وعلى بركة الله . . . يابجاد لاتنشد عن الحال يابجـــــــــاد حالي كما طير (ن) عديم الهـــــــدادي يبغا الهدد ومقيدينه بالاقيــــــــــــــاد سبعة شهور(ن) حالته فيـــــــــــترادي . ماعــاد يهناني لا نومن ولا زاد محروم من سعدي وغاية مرادي اشكي سموم القيض في حر(ن) ازداد وابكي على ايام الرخاء والبرادي لاشك من مثلي على القنص معتاد مايرغب ابحبسه فسجن انفرادي اتوق للسجة مع ارجال(ن) اجواد دلة وشبة نار في جال وادي والمزن غربي فيه برق(ن) ورعاد لاهل هملوله يغيث العبادي هذا الذي يابجاد يسعدني اسعاد ازرع علوم ارجال واجني حصادي ماحب صك الباب ومفارق الجاد ومقابل التلفاز ويا الروادي احمس حمس كني على جمر وقاد واشيل هم القيض كنه عتادي استغفر الله عد ماجاد من جاد استغفر الله عد دبي الجرادي ويالله يامولاي ياخير من جاد ابرحمتك تسقي جميع البلادي |
الله الله صحت السنتكم جميع وبيض الله وجيهكم
|
ماشاء الله تبارك الله على هالقصيدة للي على طول حفظتها من جمالها وصح لسانك // يالشاعر////
|
اقتباس:
الله الله صح لسانك يالغالي وبيض الله وجهك |
السلام عليكم ورحمه الله وبركاته اسعدتني هذهِ الفكره واتمنى ان تكون بدايه لقسم الشعر الذي لم اره ضمن الاقسام الاخرى واتمنى رويته قريباً.وتكون في الحقوق محفوظه المنتديات البراري والصاحب القصيده .ويمنع النسخ ايضاً مشاركه واتمنى ان تنال اعجابكم وتصل لذائقتكم والمعذره على التقصير يابجـاد لاتنشـد عـن الحـال يابجـاد *** حالي كما طير (ن) عديم الهـدادي يبـغـا الـهـدد ومقيـديـنـه بـالاقـيـاد *** سبعة شهــور(ن) حـالته في ترادي ياليتهـم يـدرون عـن حالـي اجـواد *** ويصيـر حرالقيـض عـندي بـرادي هـذا زمـان البـوم يبجـاد وش عــاد *** مــعــاد لـلاحــرارفـيــهــا مـــــرادي وزود عليـه القيـض ثـم قـام يزتـاد *** يومـ(ن)ٍ مـع العالـم ويــومـ(ن)وحادي مـعــاد للمـقـيـال لـــذه ولا فــــاد *** وعيني ترى حرمت لــذيـذ الرقــادي أشتـبـت الدنـيـا كـمـا نـــار وقـــاد *** مـرن سمـوم ومـرن اقـول عـــــادي أناشكـيـت الـحـال وبـغــاك نـجــاد *** اليـا التـوى قيـدي تـفـك القــيــادي يارافـعـن سبـعـن ولالـهــا عـمــاد *** وبانـيـن سبـعـن عليـهـا الـعــبـادي تجعـل لنـا فـي جنتـك خيـر ميعـاد *** ويـالله تجعلنـي عـن النـار حــادي الــــــــمـــــــــشـــــــــهـــــــــور/ مـــنـــتـــد يــــات الــــــبـــــــراري |
صحت ابدان الجميع
والله يبارك فيكم ويعطيكم العافية اجمل التحايا |
[quote=الركام;540911]
يابجاد لاتنشد عن الحال يابجـــــــــاد *** حالي كما طير (ن) عديم الهـــدادي يبغا الهدد ومقيدينه بالاقيــــــــــــــاد *** سبعة شهور(ن) حالته فيــــــترادي بنيت أنا قافي على قاف من جـــــــاد === ( ذيب ) يصيغ من المعاني جــدادي الصيف جاء وقته بحسبة و ميعـــــاد === ياالله ترحــمنـا بيـوم المـعـــــــــادي كل شكى من شدة الحر وش عــــــاد === وش عاد ينفع والحـــــــرارة تزادي غاب السحاب وغاب برق ورعـــــاد === وبدت سموم القيض تشوي الفوادي واصفر لون العشب ماعنه نشــــــاد === في هضابها والاعلى كـــــــــل وادي ياما سهرنا الليل والنجم وقــــــــــاد === نرقب ظهور سهيل يبدي الـــــبرادي والصيف فيه الناس ماهيب تنقـــــاد === تقلب نهاره ليل طوله رقـــــــــــادي احد جلس تحت المكيف ولافـــــــــاد === واحد ذهب وجهة مصـــــايف بلادي واللي مـعـه قدرة وله بنـشـــــــــــاد === يروح صـوب ديار قــوم بعــــــــــادي والصقر ليمن صيف الوقت ماصــاد === يوضع بسجن مثل سجن انــــفرادي والله خلق حر وبرد على مـــــــــراد === ناس تشـكى وناس الوضـع عـــــادي واعرف ترى حضك ولوزان ثم زاد === يا سرع ما يقرب الوقت الحصــادي هذي سنين العمر معاد تنعـــــــــــاد === والوقت فيه الزين والشـــــين بادي وختامها صلوا على خير من قــــــاد === محـمـد اللي قـادنا للـرشـــــــــــادي الركام صح لسانك يا الذيب |
اقتباس:
|
بيض الله وجيهكم ياشعارنا
صراحه ابدعتو ونسعد بتواجدكم معنا في منتديات البراري |
يابجاد لاتنشد عن الحال يابجـــــــــاد حالي كما طير (ن) عديم الهـــــــدادي يبغا الهدد ومقيدينه بالاقيــــــــــــــاد سبعة شهور(ن) حالته فيـــــــــــترادي الحرحول معدل الحر وان زاد عقبه ترا يابجاد ياتي البرادي ولاعاد للي يعشق البر مقعاد لاشاف نجم سهيل بالفجر بادي جهز معاميله مع الفرش والزاد وتمرالخلاص وكب نت ونوادي ونبه علي اللي فعلهم مثل الاجداد ماهم مثل من يتبع الهون غادي ارجالن لهم بالطيب ماقف وميعاد رجالهم يابجاد طب الفؤادي ركبوا على اللي مايغرس بالأنفاد جيبن بياضه مااختلط به سوادي يبون منزلن دمث والعرق منقاد الي التقا العرق الحمرعند وادي ولايفك من التلوث والانكاد الا الشمال ومنزلن بالحمادي واعرف ترا الصمان ماهوبالاوجاد يابجاد جاك العلم مني وكادي لي مطلبن يابجاد من فوق الاشهاد وتراه للي يسمعون المنادي نظافة الديره تبي صبر واجهاد باموالنا والروح عنها نفادي وختامها يابجاد ياقرم الاولاد صلاة اكثر من عداد الجرادي علي النبي مالج بالسحب رعاد أوعد رش الديم بقران حادي وسلامتكم اعتذر علي التأخير مادريت عن المسابقه الي امس |
اقتباس:
|
اقتباس:
بغيت اوضح لا اكثر النّجِد : ما ارتفع من الارض او برز (طبعا الكلمة هنا جمع ) واصل الكلمة فصيح الحمادي : (جمع : حمادة ) وهي الارض المنبسطة الخالية اتمنى الا اكون مخطأً وان اكون وفقت فيما وضحت |
اقتباس:
صح بدنك وجزاك الله خير |
السلام عليكم ورحمه الله وبركاته
اخر يوم في مسابقه البراري الشعريه الاولى لعام 1430 هو يوم الاثنين وبالله التوفيق ونيابه عن اللجنه المنظمه لهذه المسابقه نشكر حميع الاخوان اللذين شاركو في هذه المسابقه ونسئل الله التوفيق اللجنه المنظمه ابوعبدالله ذيب طميه الغربي |
ما شاء الله تبارك الله هنيئا لكم جميعا ولكم تقديري واحترامي وحقيقة خرج العديد من الشعراء حفظكم الله وأنار طريقكم في الدارين ومتعكم بالصحة والعافية فلقد أدخلتم السرور على نفوسنا أسعدكم الله في الدنيا والآخرة وفي الحقيقة المسابقة لها ثمرات عديدة فهي مسلية وتعرفنا من خلالها على شعراء فضلاء رسمت قصائدهم طيب معدنهم ونبل أخلاقهم وسعة مداركهم فلو أن بيدي أوسمة لقلدت كل واحد منهم وساما وعانقته حبا وتقديرا واحتراما فليست الجائزة هي ذروة الوصول إلى قمة النهاية فالإنسان في تعلم وكفاح إلى أن تحضره منية البشر التي كتبها الله عليه فالشاعر إذا لم يحصل على المركز الأول أحيانا فقد لا يعني هذا قصور في شاعريته وإنما قد تخضع قصيدته لسبب أو لآخر فقد لا يكون مستعدا في تلك اللحظة أو أن الموضوع لم يكن في وجدانه أيام المسابقة وكما تعرفون أن شعور الشاعر وعاطفته لها أحيانا دور كبير في تحديد منهج قصيدته التي سيكتبها ليرتقي بها إلى الجزالة وأحيانا تكون العجلة والسرعة سبب في كبوة إن لم نقل كبوات في الوزن وتركيب بعض الصور وترابط المعاني فيكون سببا عارضا قد أعاق تقدمه عن غيره مع أنه في الحقيقة شاعر لا يشق له غبار لكن هي الفرص يوفق الله لها من يشاء من عباده فلذلك يرضى العبد بما قسمه الله له وعلى الشاعر أن لا تنثني عزيمته عن مواصلة السير ليرتقي إلى درجات عالية في الابداع والوصول إلى بغيته بالصبر والمثابرة وقهر الصعاب وعدم الالتفات لهذه العوارض التي يستطيع أن يتغلب عليها بكل سهولة ويسر فبارك الله فيكم جميعا ولكم تقديري واحترامي والشكر الجزيل وحياكم الله جميعا أخوكم ( أبو عبد الله ) |
اقتباس:
الله لايهينك يابو عبدالله هذا الكلام الصحيح من اول ابكتب وابااقول لكن اللحين خلاص وفيت وكفيت وكنك تقرأ افكاري |
سوف يتم اعلان النتائج قريبا ان شاء الله تعالى
|
هذي قصيدة مشاركة من الشاعر عبدالوهاب المناع
ولم يستطع انزالها لدواعي سفري ونعتذر للمشرفين عن التأخر عن نشرها عاااد ان قبلتوها والا كيفكم يا بجاد لا تنشد عن الحال يــــا بجاد = حـــــــالي كما طير عديم الهدادي يبــغا الــهدد ومقــيـدينه بالأقـــــياد = سبعة شهــور حالــــته في ترادي نفسي تراودني أســــافر عـلى بلاد = فيها القنص يا بجاد وزود البرادي حـــــر بنجد يحــرق الــــخد والزاد = يحـرق مراويح الغـزل والغـــوادي تشوي سمومه حزة الظـــهر لا جاد = حـر(ن) سرابه في البيادي ينـادي يـا الله يـا المعبود يـا رب الــعــــباد = تهــل مــزن السـيف فـوق البيادي تنبت منابيت المراعي والأجــــــواد = عشب(ن) يضيق كثرته كـل وادي فيـــــها طيــور نازحـات بالانـــشاد = تشرب مـن الغـدران وقــت مدادي أشوف ليل الصيف مثل الشتاء عاد = سهل(ن)على المعبود رب العبادي يـزيـل همــي وينطـفي كل حســــاد = أطــــالع الوديان وأهـــل الحصادي تعـم مجالـــسنا بخـــيرات الأعــياد = صحــونها بالخــير حيل(ن) وزادي أركــــي دلال بـــها الــبن وجـــداد = أســـامر القـــمرا بـــوسط البــوادي أراقب اللــي رابطــــينه بميـــــعاد = أهــل العــلــوم الطــيبة والـوكــادي قلت الشعر وأنا بعيد عن الــــواد = حسبي مع الشــعار نلـت المـــرادي حبـي لديني والـوطن مـا به عنــاد = حب(ن) قــديم للــوطن بازديــــادي والخــاتمة صلوا على سيد الأسياد = المصطفى محــمد شفــيع التــنادي سلام |
| الساعة الآن 10:03 AM |
Powered by vBulletin .
جميع الحقوق محفوظة © لشبكة ومنتديات البراري 2010