|
تسلم ويعطيك العافيه
|
الله يعطيك العافية
|
تسلم يمينك اخوي امتعتنا بهذه الرحلة الجميلة الله يمتعك بالصحة والعافية تحياتي لك ومن معك |
يعطيك العافية وشوقتنا لزيارة كيرلا مناظر غاية في الروعة والجمال |
حيا الله الجميع ...نكمل الرحله... المسافه من كوتشن الى مونار حوالي 130 كلم قطعنها في حوالى اربع ساعات حيث الطرق بشكل عام ضيقه واحينا لابد فتح المجال لسيارات القادمه او الباصات لتتجاوز الان سواقين البصات عندهم ياساتر يلزق في السياره ويعلق البوري لين تفتح مجال ... وبسراحه سواقتهم خطره ولاحد يحاول انه يسوق بنفسه .. خذ هندي يتعمل معهم بالقوه .. واللي اخرنا المناضر الحلوه من شلاالات وضباب وسحاب و..و.. لانا نوقف عندها ... هذه مدينة مونار وهذا المطر يستقبلنا في مونار والزهور البريه ... والنحل ... بعدها استاجرنا فيلا خارج المدينه بحوالي 15 كلم ب 6000 ربيه ( 500 ريال سعود) ثلاث غرف بدورات مياه ومطبخ وصاله جلوس وصالة طعام ... في موقع خيالي لايمكن وصفه وسط مزارع الشاي بقرب من نهر جاري وشلال ... هذه الطريق المودي الى الفيلا وهذه مزارع شاي في الطريق يتضح الطريق في وسط مزارع الشاهي وهذه صور للفلا وهذه صور لما جاور الفيلا ... نهر ...شلال ... ضباب ... بل وسط السحاب ...شاي ... حياكم الله بعد القهوه تفضلوا الشاهي ... هذه ورق الشاهي طازج وطري ...وبقطرات ماء المطر .... مادام شربتو الشاهي فالى اللقاء انتظرونا ...لا نزال في مونار ... يتبع .....الباقي افضل .... |
حيا الله الجميع ...نكمل الرحله... بسراحه افضل مدن كيرلا اللي جينها هي مونار ... وهي فعلا قمه في الجمال جو خيالي جبال و وديان وشلالات وطبيعه سبحان الله ... هي فعلان تاج كيرلا ... هذا ابو عيد مسفهل قدام الفيلا ومزارع الشاهي قدامه ...كانه في الجـث ؟؟؟!! هذا تيس لباني لاياكل شعير ولا مكعب بلدي هندي .... شارينه ب 1600 ربيه (130 ريال سعودي ) ... يا بلاش ... قمنا بلفه في مزارع الشاهي اللي حولينا مشي على رجلننا ... ودخلنا داخل مزارع الشاهي ... وكانت غلطه حيث لقينا دوده تعلق فيك ثم تمتص دمك لين تفلل ثم تقكك ... واذا حاولت انك تفكها ماتقدر تقطعها ولا تنفك من جسمك ... الله يخرجنا ... واذا خلصت منك ما يقف الدم لمدة طويله يتوقف ثم يرجع يصب مره ثانيه ... وكل اعضاء الرحله مرت عليهم ... والاصابات مختلفه بعضها كبار والبغض صغار ... وانصحكم بعدم الدخول في الغابات او مزارع الشاهي الا مع طرق مشاه خاصه ... هذي صور للحشره ( دوده )ماصت الدم ... بعد ما مسكناها وحطينها على كبوت السياره لكي توضح ... انتبهو ... وهذي الدوده تحاول مص دم ابو سلطان من وراء البنطلون ... اول الضحايا ...ترى فيه صور لدماء تنزف لكن لايمكن عرضها ... هذه نبتة الفلفل الاسود ... وهو من الانواع المتسلقه ( الدبايه )... (نبات متسلق معمر يصل ارتفاعه إلى 5أمتار له أوراق بيضوية كبيرة وسنابل أو عناقيد من الأزهار البيضاء الصغيرة وعناقيد من الثمار المدورة الصغيرة التي يتغير لونها بتغير نموها حيث يتغير من الأخضر إلى الأحمر عند النضج وتسود إذا تركت بدون قطف. والنبات دائم الخضرة.) وهذه شجرة الهيل... وطلعها في الاسفل ... الى اللقاء انتظرونا ...لا نزال في مونار ... يتبع .....الباقي افضل .... |
ياسلام عليك يا ضلع شعيفان تقرير مفصل وترتيب واللي محليها الصور
ياما العافيه والله |
شكرا لك يا ضلع شعيفان على التقرير الرائع الله يعطيك الف عافيه
|
تقرير جميل وحمدالله على سلامتكم تقبل مرورى
القناص2008 |
الحمدلله على السلامه اخوي ضلع شعيفان والله يعطيك العافيه على هذا الموضوع
|
| الساعة الآن 03:18 AM |
Powered by vBulletin .
جميع الحقوق محفوظة © لشبكة ومنتديات البراري 2010