|
ياهلا بالشــــــاعر اللي له مقام يصخر القيفان والمعنى الثمين مايوفى وصف شــعره بالكــلام يترك الــهزلات ويصيد السمين مرحبابــه عـــد براق الغمــــــام لاســــرى يســـر بال الناظــرين ياعميـــل الخير حنــــا في منــام والاعــــادي ضـــــدنا متكـــاتفين الأسر وطفالهـــــــا تحت الهــدام بين جرحى وبين صرعى وميتين صابهم من بطش نشــار السهام كثرة الاعـــــداء وقــل اللي معين ياولي الكــــــــــــون يارب الانام يارحيم ويامعين الصـــــــــابرين اهلك النظــــــــام واعوان الخمام فرسها واشياعها روسي وصين |
البقا للــــــقرم ردي والســـــــلام
والشــــعر معناه للشاعــر يبيـــن وكان مثلك يوم ثــــورات العسام كلهـــم ضـــد الـــعدا متعاونيــــن والجهـاد بوقتـــهــم ذروة سنــام خيلهم داست ضهـــور الكافـريـن الله اكبــــر يـــوم يقفــــون الإمـام تحت رايــــه وحــده ومكبــريــــن وفرقو بين الحلال مــن الــــحرام لين ربــي حقق النصر المبيــــــن وكان جيــل اليوم له غاية مـــرام وغايته يجمع صفوف المسلــمين الحقيـــقه نــور في وسط الضلام بــــس مايفطنلها غيــــر الفطيــن ولايقــــود القـــوم رعــديد العظام ولا يجي دون الحلوق الا اليـــدين |
لادعنا خـــــــادم البيت الحرام
اســـــــتجبنا مكبرين امهللين صفنا مرصـوص معنا ولتحام اعتصمنا في حــبل دينٍ متين ينجلي بســيوفنا جنـح الظلام ويرتحل عن جارنا ليلٍ مهين في ظلام الظلم له تقريب عــام وقبلها منظام له عدة ســـــنين والقضية جــــد به شـدة حزام فيه موت وبه حياه ونصردين مايصنف تحتها شــعر وكلام او قضية شاعرٍ قصـده يبين وسلام يقال هو مسك الختام بالبـدايه ونهـــــاية كل حين |
أهل ألدها واهــــل العــــــــقول الحكيمــه قالـــــــوا في الأمثـــال لطـحت لاتصـيح ينجــح ويفلــــح من وهب لـــه عزيمه كنز الفــــرج صــــــبر الفتى له مفاتيح لاكشـــــرت ســــــــود الليــالي بضيمه وهبت على نبت الشفاء عاصف الريح وشمس الأمل من دونهــا حــال غيمه أملا الزمن توبـــه وعبـــره وتسبيــح وازبن على اللي كـــان موسى كليمه رب المــــلا محيي البلاد الصحاصيح محيي العظــــام الباليـــه والرمـــيمه هو الذي يجلا عنـــا الوقـــت ويزيح |
صح لسانك اخي الشاعر المبدع هماليل المخيل
ابدعت واجدت في ردك واتمنى ان اكون استفدت من مجاراتك فأنت شاعر علم ونستفيد منك سيكون هذا الرد مني اخر رد فقد شاب القاف وضاقت المعاني على هذه القافية اكرر شكري وتقديري لك غيرةٍ في قلـــب مــن صلى وصام والإذن مــادوره رايـــــه رزيـــــن مـــن رزانة راي نطــــاح الجهام يقتبس مـــن راي فكــره مايلـــين يعرفون الـــدرب من ديرتــك شام والعـــذر مهــوب طبع الصاملين قدمـــهم جمع العدا يغـــدي حطام والله المعبــــود لمره طايعيـــــــن ولا عليــــهم من رغا جربن حيام كل طيـــبه لـــو تـــعزو لك يديــن طيبــــهم يستنكرون وهـــــم ريام رايمين اعـــــداك بس مندديـــــن الجموهــــم يمـــــــة محمد الجـام واقتـــدو في سنة النبي الأميــــن واعبرو حــد الجـــــزيرة للشـوام واقطعو بالسيف عنق الرافضـين |
هنا تذوقت شعرا يشار إليه بالبنــان من شاعرين متمكنين .. هماليل المخيل ، مــزن البــرد أبدعتما أيما ابداع .. أسعدكما الله مثلما أسعدتمونا .. شكرا على ما قدمتموه لنا .. تحيتي ومحبتي وتقديري |
اشكرك اخوي مزن البرد على هذه الزياره الكريمه وهذه المجاره القيمه والشكر موصول المستشارنا المميز ابو سامي اكرر شكري وتقديري لكم
شــــــــكر لكم ياكاسبين الجمايل والشــــــكر مايفي بحق لوفيين افهود من روس العرب والقبايل كسابت اطــــــوله بكل الميادين |
لاغــــــاب بدر اليل واليل طوَل
ليلٍ على ماقيل يضيع ســـاريه اليل لو طول تـراه يتحــــــول لابد من صبحٍ ورى اليل قافيه |
مافيه ورق نشري ولو قلت الاول
ولو قلت ثاني مابنا حيل نشريه الوضع مزري والحقيقه مـدّول كل يخاف انه يصير البلا فيـــه |
قلته على قــولٍ قـــــــديمٍ مقول
مات النبي وبليس مطــول لياليه ان قلت وان ماقلت وضعه يهول ايام مــــــثل القند وايــــام واليه |
| الساعة الآن 05:44 PM |
Powered by vBulletin .
جميع الحقوق محفوظة © لشبكة ومنتديات البراري 2010