|
يا ضومري خل ابن حماد رسـالـتـك قوم خــبــيــهـا دامـه يـعــزي ودوبـه عاد نـفـسـه حـزيـنـه يـداويهـا |
الخير مقبل وله رعاد
والبرق يبرق مثنايها على البراري خيال انقاد يروي ثراها ويحييها |
اقتباس:
................. اغلى المشاتل ونادرها البنت عشاقها موات ............... وعشقي مناها و ساحرها |
ببدا لكم قافٍ بحرفٍ مكرر ولاحدٍ من القاف الجديد يتحسس وان قيل وش مقصدك عندي مبرر ابحرج اللي للقصيد يترسس |
السلام عليكم ورحمة الله وبركاته اسعد الله اوقاتكم بكل خير بارك الله فيكم جميعاً وارجو منكم الابتعاد عن التجريح الشخصي وعن الهمز واللمز كما عهدناكم دائماً ودي واحترامي - |
عليكم السلام ورحمة الله وبركاته أقدم اعتذاري لكم فرداً فرداً اذا بدر مني خطأ غير مقصود وكان قصدي حث الشعراء على صقل مواهبهم اكرر اعتذاري للجميع استودعكم الله تحياتي للجميع |
القاف من غيد المعاني يحرر
ياللي على الشعار كنك تعسس والشعر بحر وموهبه ما يدرر كل ٍ يغوصه يا سعد لا تمسس |
كل ن ازناده من يمينه يشرر
شبو وهاتوا كيف لحد يبسس لا تصير مثل البارحه فيه قرر عد الطويله بالضحى لا تدسس |
الكاسب اللي منه مااحد ن تضرر
.................. صان الحصان ولامشى بالتجسس واضفى علي جسمه ثياب ن مزرر ..................عز الله انه نال قصر ن مآسس |
معذرة عن غيابي اليومين الماضيين لظروفي
شكرا لجميع من شارك هنا ، على المحبة وحسن النوايا نلتقي بكم تزهو وتزهر البراري تحيتي |
حياك الله اخي غانم ومعذور يالغالي تحيتي - |
لا غبت عني ويومك طاف
طيفك هو اللي يسليني أرقى معه فوق للمشراف واكتب مناجاة قلبيني |
ارض ن خلا مابها الطواف
مافيه حين يسليني وين انتحوا ربعنا العراف اهل الوفاء ودواويني |
الأرض تبقى زهر وارياف
لا ديمت بالتواديني يجذبهم البارق الرفراف اللي مزونه محانيني |
الناس راحت تبا المصياف
اتلا الخبر بالمقفيني لبق على موقف الصراف يسحب زهابه وتاميني |
متابعين معك يابن حماد ولو اني شاعر كان رديت عليك لكن المصيفين ان شاء الله يرجعون بالسلامة ودي واحترامي للجميع - |
يامرحبابك يابو سلطان
اهلا هﻻ والف ترحيبه حنا ترانا عرب وخوان ومن مر مثلك نحييبه |
يقول غانم أنا مرضان
الله يشافيه ويجيبه من قلبي أقولها ولسان مآجور يا من ظهر شيبه |
ياقارضين الشعر شباب وشيبان
هذا شعركم يازين نظماتة ابكتب معكم البيت والبيتين واعذرو القصور في ووزن وقفياتة |
اقتباس:
هذا شعركم وانتم أدرى بنضمه يجي منك مراقبتنا وترى الحال من بعضه تحياتي |
البارحة شفت لي براق
والليل كله وانا اخيله شبت بروقه تقل حراق كريم مزن ٍ سرى ليله |
اللي حلاله غنم ونياق
منوة خفوقه هماليله لمسا على ديرته دفاق وصبح وهو سايلن سيله |
اقتباس:
مادام رايق وجوك راق تبي تخايل هماليله ويجيك علمه مع الاشراق وتنقل لنا عن وقع سيله |
صادف ردي رد ابن حماد فتكرر بعض الكلمات بصور مختلفه ولم الاحظ الا الآن بشر به المولع المشتاق اللي فياضه مداهيله اللي يحبه من الأعماق دايم مكمل معاميله |
الله الله
صحت السنتكم ابداع |
خابرك يا صاحبي لا ساق
تسهر تخايل تشاعيله هذا المشقى ترى عشاق الشوق داه وغرابيله |
لسوق بعض العرب يشتاق
هي شف باله وتعليله لنفس جو البلد مالاق لاصدرت مابها حيله |
أقلامنا حرّه على مر الآيام .. ولا ياصل الحد المحرم خطرها
وانا اتحمل ما كتبته من الام .. اقدح من افكارك وولع شررها |
اقتباس:
أنا صويب وجرح قلبي من العام والنفس عافت زادها من قهرها تعبت انادي الحظ والحظ ماقام دنيا مايعرف وجهها من ظهرها |
إن كان تنشدني وودك علومي
يجول في فكري ثمانين طاري والجو ما ينطاق حر وسمومي العج يذرا من غبار الصحاري |
اقتباس:
تحققت في شوفتك كل الاحلام وايامي السودا تجلى قمـــرها في جيتك تبددت كل الاوهام أسيرنا والعاطفه من أسرها ؟ |
اقتباس:
الله جعل ستر البشر بالهدومي يامبشع الانسان لاصار عاري يالضومري لاصار وقت اللزومي أصدق خبر مسند صحيح البخاري |
اقتباس:
عسى السعاده فالك بكل الأيام ويالله عسى عينك تحقق نظرها اللي أسر قلبي ورى عرق لزام رعبوبةٍ اربع محوّا شعرها |
لادك في بالي خواطر وهوجاس
دونتها في منتداي وكتبته ماهو مثل غيره مناره ونبراس حبي وتقديري لشخصه وهبته |
الشعر بدع وطرق وأسلوب وإحساس
إن طاب لي والا هجرته وسبته شاعر يابن حماد لك ميز وقياس تقطف من فياضه نواوير نبته |
المنتدى وأهله على العين والراس وانا البحر رغم العواصف ركبته اجي لكم مشتاق والعب على الكاس بحر الشعر وانا صغير شربته |
بعض الرجال الطيب من اتبر والماس
وصدق من اللي شذرته في احدبته له بالوفا والطيب والمعرفه ساس زين المناسب والمجاذب انسبته |
أختار من عقد التعابير الألماس
واصوغها بالقاف لا من لعبته بالشعر انومس خاطري واطرد الياس أشفق على الجزلات لا من ندبته |
شعار بالشهره على مستوى واس
نوادرن تشبه جواهر اذهبته في لجة مايصله كل غطاس حتى ركام الخير معكم حسبته |
الا ياحلو حل اللي حللبي وانحل بحالي
تعبت اتبعك يامنبع عذابي لاتعذبني وجل مجملك في جيل ماجا بكل الاجيالي فرق خلقتك عن ذا وذا لذا خلقتك تجذبني |
| الساعة الآن 09:20 PM |
Powered by vBulletin .
جميع الحقوق محفوظة © لشبكة ومنتديات البراري 2010