|
https://www.jooodi.org/uploads/d8d106ef28.jpg
السحاب مقبل بإذن الله المزاحمية البره ضرما شقراء رغبه القصب حريملاء العيينه سدوس الجبيله ثادق ملهم صلبوخ الرياض بنبان وإن شاء الله جميع أرجاء بلادنا الحبيبه بإذن الله الليله ليله جميلة بإذن واحد أحد أمطار وبروق وخير كثير جدا جدا أستغفر الله واتوب إليه خاص: الصلبوخي (ابو محمد) غفر الله لوالديك ولجميع المسلمين على النقل السريع للاحداث الماطره أولا باول الله لا يحرمك الاجر دنيا وآخره تابع فالملايين يشاهدون النقل الحصري |
في اتصال من ابو اسامة
برق غرب الحريق وبرق وامطار على رماح وخريم وامطار غزيرة شمال وشرق الرياض رش على الحفنه وبرق غرب وشرق اللهم صيبا نافعا |
الله يجزاك خير يابومحمد على نقل الاخبار المتواليه
اللهم اطرح فيها البركه وانفع بها بلاد المسلمين الزلفي الهواء نسري والسماء صحو |
اليوم الجمعه :
بروق مع مغرب هذا اليوم غرب و جنوب غرب طلعة الطوقي . هطلت أمطار مع صلاة العشاء على شمال مدينة الرياض لمدة ربع ساعه بشكل قوي و لله الحمد ، الشوارع غرقانه قرب الدائري الشمالي . و لا العلم عن بقية الجهات و الأحياء . اللهم زد و بارك . |
السلام عليكم ورحمة الله
أسعد الله مساكم الله يبشركم بالخير كلما جيت اكتب خبر لقيتكم سابقيني عليه جزاكم الله خير آخر التطوات انظر الصورة https://www.lo7a.com/up/uploads/b6f15b4148.jpg |
في اتصال من ابو اسامة
أمطار على الدرعية صب المرازيم وعليهم رش اللهم صيبا نافعا |
مع صلاة العشاء الحمد لله رايت البرق عنا شمال غرب (مخرج/10 ) واتجهت الى الدائري الشمالي وعند مخرج/5
هطلت الامطار بغزارة شديده جداا من زمان ما شفت قوه المطر على الرياض وبعد الصلاة واذا بشوارع تتحول الى سيول جارفه حتى انني خفت ان السياره تطفي من هالبحيرات في الحقيقه في اقل من ثلث ساعه تحولت الشوارع الى سيل من المياه ولله الحمد واخذت السحابه المباركه باذن الله اتجاه الشرق وهي لاتزال تبرق ولله الحمد والمنه مطرنا بفضل الله ورحمته |
في اتصال من الغالي ابو اسامة
الآن تبرق على غرب الرياض سيل شختله مفرق العمارية وشعيب في ضرما يمشي والقويعية بروق اللهم لغثنا اللهم اغثنا اللهم اغثنا |
اقتباس:
https://www.jooodi.org/uploads/2303e8f03c.jpg |
لا اله الا الله
سبحانه امره بين الكاف والنون جزاكم الله خير ومبروك هذه الامطار التي على شمال الرياض وابشركم الرياح متغيره ما بين شمالية وشرقية وهذي تدل على الخير بإذن الله تعالى |
السلام عليكم
مساكم الله بالخير مبروك عليكم الامطار شمال الرياض حي العقيق وصلت بعد صلاة العشاء من شقراء الا الشوارع رايحه مستنقعات وكلش ماء والخير جاي ان شاء الله تعالى اشكركم اخواني على مجهودكم وبيض الله وجيهكم |
الان رش خفيف على تمير ونشوف البرق ونسمع الرعد من القبلة وشمال ( مغيب نجوم )
ولكن البرق مهوب حقوق يبطي شوي دعواااااااااااااااتكم سلام |
البرق اخوي هادي شفه قبل دقيقة شمال شرق فوق برج موبايلي وانا في البيت
|
مبروك عليكم الأمطار يا أهل الرياض
الله يجعلها خير وبركة ويعم بنفعها أرجاء البلاد |
السلام عليكم ورحمة الله وبركاته
مساكم الله بالخير جميع اعضاء ومشرفين .. وعلى البركه هذا الخير وان شا الله يعم كل مناطق المملكه حقيقه هذي اول مشاركه لي والي شجعني ان الاخبار هنيا اول بول الله مير يعفيكم محدثكم ابو شنب من شقتي بشمال الرياض |
الله يجيب الخير وشمال مرجي اكثر من الجنووووووب
اهم شي نبي نسيل يالله ياكريم ان نشوف الوادي واصل ام شقوق سلام |
غرب القويعية 10 كم حزوم والشعيبات تمشي ولا يزال يشاف البرق هناك
هذي بأتصال من اخووووووي ابو اسامة الله يطول بعمره سلام |
ممكن سؤال شلون اعرف عن طريق الاقمار الصناعيه عن السحب والامطار
|
باتصال من اخي ابو اسامة
شمال غرب الرياض وغرب وجنوب غرب الرياض برق بس مهوب حقوق يبطي ونعام يشوفون البرق جنوب غرب وباتصال من اخي ابو عدنان الان المطر علي شمال تمير من الوسيعة وحتى ابا خسيفه دفق الزفت وسبحان الله المراويح تقول سحاب صيف |
وباتصال من مراسلنا ابو عدنان
السحابة حدودها من الوسيعه وحتى ابا خسيفة المناهيج الارض نقعت وبعض الصنوع تقاضبت ويشاهد البرق شرقا |
ماشاء الله تبارك الله
الله يبشركم بالخير في اتصال من ابو اسامة البروق مستمرة شمال غرب الرياض لكنها بطيئة جدا |
ما شاء الله على اخي ابو اسامة
مراسل على كل الاتجاهات هذي الناس اللي تدور الخير الله يسلمه من كل مكروه |
اقتباس:
|
https://www.jooodi.org/uploads/507114e188.jpg
بسم الله الرحمن الرحيم وصل السحاب اللهم لك الحمد ولك الشكر (اللهم اطعمنا من خيره واكفنا شره أمين) ياشباب استغفر الله كثير في هذه اللحظه المباركة لحظة استجابه مع نزول الامطار |
اقتباس:
ونفع الله بك المنتدى """"""""""""" السحاب العالي ( السدا ) يكون على شكل خطوط تقريبا ومن المعورف أنها كل ما أرتفع السحاب يتغير لونه إلى الغامق ( على حسب التدرج الذي يأتيك في أسفل الصورة ) أما السحاب الممطر يأتيك على شكل بقع وليس خطوط بإذن الله وهذه صورة https://www.mekshat.com/pix/upload/im...7_lathesst.jpg المحدد بالون الأحمر سحاب ممطر بأمر الله المحدد بالون الأسود أتوقع أنه سدا وبعين يوم يجيكم سحاب فوقكم شوف شكله على صور الأقمار علشان تعرف بإذن الله كيف شكله ولونه على صور الأقمار الصناعية والله تعالى أعلم |
اتصال من مراسلنا ابو اسامة
امطار فوق المتوسطة على ضرما والبروق عنها شمال شرق والبرق اصبح اكثر من اول السيل الان يقطع علينا الاسفلت شمال ضرما 20 كم سيل طيب بالحيل ومراسلنا في تمير ابو عدنان احد شغايا شعيب الوسيعة بتمير صبت في الشعيب والشعيب جاي بس انه ردي والبرق شمال ما يفصل يعني في الدقيقة مرتين او ثلاث ومحاريه بين تمير والمجمعة |
رسالة من الأخ التميمي
انا الآن بين مرات وضرما والبروق قوية جنوب وجنوب شرق اللهم اغثنا غيثا مباركا ياحي ياقيوم |
ماشاء الله تبارك الله
الله يبشركم بالخير |
الله يجزاكم خير على هالمتابعة الدقيقة
اللهم أغثنا اللهم أغثنا اللهم أغثنا |
رسالة أخرى من اخينا الكريم التميمي
بين مرات وضرما وانا متعدي التفتيش مرات 5 كيلو مطر غزير جدا والعالم موقفة ومولعة فليشرات والبروق مشتبة جنوب وجنوب شرق اللهم ارحمنا برحمتك الواسعة ياكريم |
السلام عليكم
الان بروق شمال تمير ومقبل نفيض سحاب من جهة الشمال شكرا يا اخواني على متابعتكم للاخبار تميز لم يسبقه احد |
الله يونسكم بالعافيه جميعا ماشاء الله عليكم
والله يبارك فيكم و يكثر من أمثالكم والله يجعله امطار خير يارب |
السلام عليكم
ياعيني عليكم ياهل البراري متابعه متواصله ودقيقه .. وروح اخووووي اكثر من راااااااااااائعه الله لايغير علينا ولاعليكم هذه المحبه والجو الاسري الاكثر من راااائع والبركه على السيوووول والخير قادم باذن الله تعالى اخوكم المحب ابونوااااااااااااااااف |
السحاب زييين وشكله والله العالم فيه مطر قوي ويمكن برد
برقه سريع يخطف وفيه طها عسى الله يسوقه ويغيثنا ويغيث المسلمين |
مساكم الله بالخير جميعاً
مشاءالله العلوم عندكم اليوم وانتم احد اهم المصادر الليله وغداً بأذن الله الله يجزاكم خير نتابع معكم |
يامرحبا والله بالجميع
علمونا عن المطربين مرات وضرما |
اخوي خالد
وش اخبار التوقعات لليومين القادمه !! يقولون توقعات لامطار غير طبيعية ؟ هل هذا صحيح .......؟ اخوك المحب والمتابع ابونواف |
اقتباس:
ويبقى العلم الاكيد عند رب العالمين والله يستر |
اقتباس:
حياك الله وبياك اخي الغالي ابومحمد وما نستغني عنك وعلومك الطيبه ياوجه الخير دمت في حفظ الله ورعايته |
بارك الله فيك الله يبشرك بالخير
|
| الساعة الآن 08:35 AM |
Powered by vBulletin .
جميع الحقوق محفوظة © لشبكة ومنتديات البراري 2010