| التعليمـــات |
| التقويم |
|
|
|||||||
 |
|
|
أدوات الموضوع | انواع عرض الموضوع |
|
#1
2010-10-01, 09:55 PM
|
|||
|
|||
ألفيتي كامله
ألف ٍ أوّلف يا هلي من هوى الزين أللي سحرني صاحبي داعج العين أول حروفه السين يا محلى السيــــن غرو ٍ حسين الطبع محلا ثناياه والباء برى حالي حسين الوصايف يسحر جميع الخلق ما هوب خايف عن كامل الخفرات بالحيل نايـــــف وخصره يهد الحيل لاوا حلالاه والتاء ترى عيني حزينة عليلة على فراق الزين ضافي الجديلة واعزّ حالي آه واعز تيلة على وليف ٍ تل قلبي من أقصاه والثاء ثلاث سنين عايش حزيني ثلاث مرّت كلها في ونيني عسى وليفي ما يجيــــــله قريني أحب خلي حب قيس ٍ لليلاه والجيم جسمي من هوى الزين منصاب عزيل لمن مثلي عليل ٍ ولا طاب أليا ذكرته كن بالجـــــــوف مشـــذاب ياجاهلين الود شوفوا سواياه والحاء حرمني صاحبي لذة النوم أسهر واحاكي فيه نفسي على الدوم يا الله عسى من لامني بالهوى اليوم يلقى المذلة والمهونة توطاه والخاء خدوده مثل برق المخايل ورموش عينه فوق خده ضلايل والخصر غصن البان والشعر هايل غطى كتوفه والنحر حيل غطاه والدال دار الحظ الأقشــــــــر عليه وهموم قلبي مستلجه قويه ياما سهرت الليل حالــــــــــي رديه حال ٍ تهد الروح وتشوف موتاه والذال ذقت المرّ سبـــــــت فراقه عسى العدو ابكبت والذل ذاقه والصبر ما اقدر له ومر ٍ مذاقـــه ياالله ترده لي عسى النذل يفدا والراء رماني صاحبي بالمحبة ياليتني دايم بجنبه وقربه عسى الولي يحماه دايم بدربه ويحماه من سود الليالي تحداه والزاء زماني ذقت منه المصايب ذقت الشقاء والضيم ذق المصايب يا ناس دلوني على رأي صايب لأعلّي أسلى عن هموم ٍ مشقاه والسين ساعة مع خليلي هنيّه تبعد عن النفس الهموم الشقية اجلس أحاكي فيه كل البرية يا جعل عيني تهتني في محياه والشين شدّ الروح مني خليلي شوفه يسليني ويشفي غليلي وحالي براها الهم واعزتيلي وجدي على شوفه حبيبي ولاماه والصاد صاليني فراقه بنارا أصبحت أفكر به بلليل ونهارا والعين تذرف دمعها بنهمارا بسباب خل ٍ شاقني في مزاياه والضاد ضاقت بي جميع الدروبي أصبحت من فرقا حبيبي مغلوبي من حسنها ماشفت مثله بنوبي يا الله تروف بحال عين ٍ تمناه والطاء طواني طي مثل السجلي خلا دموعي ياهلي تستهلي سهرت أنا ليلي وفكري مولي كله أفكر في حبيبي وحلياه والظاء ظوى خده مثل ظو قداح وعيونه اللي صوبتني بالأرماح يلعب بقلبي ياعرب لعبت الحاح مرة يسليني ومرة بجفواه والعين عاينته بسوق اليمامة يشبه بمشيه مشي فرخ الحمامة الله على حسنه ورقة كلامه كم من صويب ٍ صابه اليوم بشفاه والغين غم ّ داخل القلب يغلي كله سبايب ياعرب هجر خلي يا ليتني طاير لحالي معلي أسلي عن همومي ولله شكواه والفاء فلا ذقت الهناء السعادة دايم حياتي كلبوها نكاده دايم أفكر كل يوم بزيادة في غاية المقصود جعلي فداياه والقاف قاعد أتذكر حبيبي ذكراه في قلبي يزيد الهيبي أصبحت من صده صراحة غريبي مالي سوا دمع ٍوآهٍ ومشكاه والكاف كلي من هوا الزين منصاب يا كيف بسلى عن هوا سيد الأحباب ياكيف يجرح قلبي أللي بهم ذاب يا عل آفات الليالي تخطاه وألام لأعتني وصوفه ولأعه ولهن على شوفه ولو ربع ساعة الله على خلي مليحة طباعه يبهر بوصفه كل من شاف حسناه والميم منزاله بقلبي كبيري ياريحة الكادي وريح العبيري لو ساوموني فيه مبلغ كثيري يبقي بقلبي ما يفارق حناياه والنون نام اللي من الهم خالي وأنا سرى ليلي وأهوجس لحالي وراعي الهوى تقسى عليه الليالي يا الله صبرني يا الله يا الله والواو وأكني بفرقى الحبايب مريض من مده ولا نيب طايب من كثر هوجاسي غدا الرأس شايب كله سبايب من ذبحني بفرقاه والهاء هني اللي رضى عنه ربه بالدين والدنيا جزاه المحبة واللي تبع درب المسبة بدربه يوم الحشر يندم على كثرة أخطاه والياء يا ناس استغفروا لا تولون صلوا على خير البشر لا تزلون واللي جحد أمره خبيث ٍ وملعون تصليه يا ربي جحيم ٍتلظاه
|
|
#4
2010-10-05, 01:26 PM
|
|||
|
|||
اقتباس:
في أي منتدى مشارك معي
|
|
#5
2010-10-05, 01:27 PM
|
|||
|
|||
|
اقتباس:
حياك يالركام مشكور على الرد وصح بدنك
|
|
#8
2010-10-10, 09:44 PM
|
|||
|
|||
|
صحت أبدانكم جميعا شكر لكم على الرد والمرور
|
|
|
|
العرض العادي
