مطلووووووب شتلات طلح والي يخبر لا يبخل علينا يوجهنا

[ابوشادي]

السلام عليكم ورحمة الله وبركاته \
اخواني اعضاء المنتدى
انا صار لي فترة ابحث عن شجر الطلح شتلات بس للأسف ما حصلت وياليت الي عنده خلفيه وين تنباع يوجهنا للمكان الي تنباع فيه
مع العلم اني لفيت الرياض كله من الجنوب للشمال ومن الشرق للغرب بس للأسف ماحصلت واغلب مكاتب الزراعة الي تبع وزارة الزراعة مريتها حتى البلديات مشيت على اغلبها بس ما حصلت
ولكم جزيل الشكر ولا تنسى ان كل شجرة راح تنغرس راح يكون لك فيها بإذن الله اجر

[ام الدانه]

المشاركة الأصلية كتبت بواسطة ابوشادي

السلام عليكم ورحمة الله وبركاته \
اخواني اعضاء المنتدى
انا صار لي فترة ابحث عن شجر الطلح شتلات بس للأسف ما حصلت وياليت الي عنده خلفيه وين تنباع يوجهنا للمكان الي تنباع فيه
مع العلم اني لفيت الرياض كله من الجنوب للشمال ومن الشرق للغرب بس للأسف ماحصلت واغلب مكاتب الزراعة الي تبع وزارة الزراعة مريتها حتى البلديات مشيت على اغلبها بس ما حصلت
ولكم جزيل الشكر ولا تنسى ان كل شجرة راح تنغرس راح يكون لك فيها بإذن الله اجر

ان شاءالله يفيدونك ومايقصرون معاك اعضاء البراري


بالتوفيق

[النايف]

أخوي العزيز ابو شادي
كم تبي من شتله وين الموقع اليبتزرعه فيه ؟

[ابوشادي]

هلا اخوي النايف
العدد الي ابيه مفتوووووح \
والموقع الي بزرعة فيه جزء منه في المزرعة وجزء في البر
والموقع سدير \
وياليت ترد لي بخبر وين احصلة

[براري نجد]

وانا ابي كمية بعد ابي ازرعة في مواقع كانت الاشجار فيها كثيرة ولكن ازيلت بالكامل يوم رحت الموقع ماعرفتة قبل عشر سنوات كنا ندخل ثلاث اربع سيارات في ظل الشجرة الواحده ومتقاربة واعداد لاباس بها ولكن ازيلت بالمناشير اللي المفروض تمنع من البيع

[ابوشادي]

هلا ابو محمد
بيجي من يفيدنا ان شاء الله هي مسألة وقت الناس لا هية في الاختبارات

[النايف]

المشاركة الأصلية كتبت بواسطة ابوشادي

هلا اخوي النايف
العدد الي ابيه مفتوووووح \
والموقع الي بزرعة فيه جزء منه في المزرعة وجزء في البر
والموقع سدير \
وياليت ترد لي بخبر وين احصلة

حياك عزيزي ابوشادي
الشتلات بكميه كبيرة موجود بمديرية الزراعة بالمجمعة
حيث يوجد لديهم مشتل بمحافظة الغاط
وإذا كان لديك مشروع أستزراع فهم لن يقصرو معك
وأكيد يبي لها طلب بوريقة من مدير الزراعة علشان يعطونك من المشتل
والله الموفق

[بوخليفة الاماراتي]

نحن ايام قبل كنا ناخذ ثمار الطلح (السمر) ونطلع البذور ونزرعه في المزرعة في اكياس بلاستيك في المشتل وبعد ما يظهر الباذر ويكبر شوي كنا نزرعه حول المزرعة واتوقع البذور متوفرة تحت اي شجرة طلح!!

اسمحلي أنا بعيد عنك وماعندي لك الا هالفكرة !!

[ابوشادي]

السلام عليك ورحمة الله وبركاته
ياجماعه الي يخبر مشاتل يبيعون شجر الطلح يعطيني الموقع
طلح بلدي
لا يجيني واحد يقولي طلح الحجاز ولا طلح الجنوب ابي الطلح المتعارف عليه

[فراج]

ياخي فيه شجرة اسمها النيم افضل من الطلح
ابحث عن مزاياها بالنت افضل من الطلاح