(¯`•._.•[(.... بقآيآ .. حرف .... )]•._.•´¯)

[الركام]

الناس جاها السيل من الجال للجال
وانا على هـالحـال من دون غــيـمـة

وانـتـابع الـنـشـره ونقـرأ للاحــوال
ومـابه جديد وكنـهــا من قـديـمـه

وهـذا ترا طـبـع قــديــــم ولا زال
لديارنا مـال الـمطـر به وسـيمـــة

ياحـلــوة ملت من سنين المحــال
ليتك على خط المطر به مـقـيـمــة

او لـيت خـط للسرطــان قـد مـال
ويزين جوك وللوسم فيك قـيـمـة

الله يغـيـر حـالـنـا لاحسن الحــال
ويغـيثـنـا ربي بسـيـل وديــمـــة

ابراهيم بن سعود الخريف

[الركام]

راح العمر مابين حلم وياليت
الحلم للقادم وياليت ماراح

نبي جديد ونادمين لما فات
ونعيشها مابين افراح وتراح

[الركام]

ياليل لوك ليل كان اسفر الصبح
لكن اظنـك ظـلـمـــة سرمديــــــة

نرقب طلوع الصبح لعل به ربح
لو هو شبيه مثل وقت العشية

[الركام]

كل ماصد واقفى جاء جوابه وقال
غايب ولا جديد عندي اقدمه

ليت يحضر وبياتي مع حظوره مجال
من سبايب غيابه مابنيت اهدمه

[الركام]

ضاعت الاعمار نرقب للجديد
والاماني والامل عمره طويل

ومع سنين العمر يتاكد اكيد
ان حلم اليوم يعقبه العويل

[بقآيآ .. حرف]

يا بير يوسف طاحت أحلامنا فيك
والقافله مرت ولا طلعتنا

[بقآيآ .. حرف]

ليتني ما جيت لديار الشمال
ولا ذكر لي بديرة القاعد ذكر
جددت جرحي عنودٍ به جمال
تشبه المحبوب حتى ف النظر
طار له قلبي و ناديته تعال
قلت صبرك قال ما عندي صبر

بقآيآ ...

[بقآيآ .. حرف]

أسمك سما ينظم لك النجم مسباح
يا ديرة المذنب ويا حي ديره
ما جيت لك عابر ولا جيت سواح
جيت أشتكي لك من نجوم الظهيره

بقآيآ ...

[الركام]

اواعد القلب بالامـال ويخـالـف
يدري بحالي ولا يجامل ولا يأمل

وانا بعد عـارف واقـول له حـالـف
ويشوف وضعي ولا جاوب ويتأمل

[الركام]

لا عاد تطري للسنين القديمة
ولا ترتجي عمرك يعود شبابي

وترا ياليت وليت من دون قيمة
واحذر تفرط عقب ما الراس شابي