هذه قصيده الشاعر رشيد بن عابد الترجمي الحربي مع الدنيا

[مهاجر المدينه]

هذه قصيده الشاعر الكبير رشيد بن عابد الترجمي الحربي رحمة الله مع الدنيا

رشيد بن عابد تمثل وقالي ****صلوا على ذكر النبي يارجالي

في كل حزه وان لحقها المجالي*** وحقٍ على من كان ربي مهاديه

سبحان منه مالك الملك عالي****والارض ساطحها ورسى الجبالي

وليا اشتهى نشى عليها الخيالي*** والميت اللي مات لا راد يحييه

سبحان منه بيده الحياتي****يا طيب يامركز الطيباتي

يااللي عيونه ساهره ما تباتي***ونظره على كل المخاليق مضفيه

سبحان منه مالك الملك كله**** والغيث برياده علينا يهله

ياواحد ما يختلف عن محله****ومن حيث ما ياشا لعبده يوديه

سبحان منه مالك الملك ياعم ****وهو الكريم اللي علينا تكرم

يعلم دبيب النمل فى الليل الاظلم*** ويعلم بمن طاعه ومنه معاصيه

تفكروا يااللي بها تعرفوني**** واهل القلوب العمي ما يفهموني

الله يايوم علينا يكوني**** ومال نكبه ما نفع لو نخليه

العمر لو طال لابد ينشال***ما يرد شيله لا عيال ولا مال

ياالله تاصلنا بزينات الاعمال***نهاريعرض عملنا بين اياديه

اوصيك يا منهو على الحق ماشي*** الفرض لا يلهيك عنه القشاشي

كثير منه راح منها بلاشي**** وفلى في ماله واحد ما تعب فيه

ياالله طلبتك طلبةً ما بها عيب **** يامطلع بالجهر والسر والغيب

يا مطلع بالجهر والسر والغيب**** يعلم بما فيه ولا اعلم بما فيه

يارب تقبل دعوتي واطلابي**** ياالله ياللي ما عليك امر غابي

انك تسامحني نهار الحسابي****والعفو ياربي في علم نسويه

القلب خف ومن مكانه يزوعي **** يوم اتفكر فى الرجال السنوعي

شالتهم الدنيا سواة البضوعي**** واللي فلوسه في البضايع تمهزيه

انا وابويه يوم كنا ولايف **** وانا احسب ان الظل دايم وهايف

اهبي ياالأيام ياام العنايف****يااللي مرارك زايدٍ عن حلاويه

ايامنا هذي يا مكثر عزابها****لا اريد اهرجها ولا ادنى جوابها

ويا كم واحد منعطب من صوابها**** غير الله اللي مطّلع في شكاويه

قالــــــت: لا تحسبن العافيه لك تدومي***واذكر نهار فيه ذيك العلومي

نهار ما عندك صديقٍ يحومي**** وبيت حفر ساسه ودقت مراسيه

قالـــــــــ: وقلبي اللي كنه البن حرقان ****يوم اتفكر في حملنا فوق عيدان

ياالله يااللي من تطلبك ربحان**** من شر ذاك اليوم ذا الروح تنجيه

قالـــــــت :مسكين يا ها العبد وين انت رايح ****انصحك وانته ما تريد النصايح

تعمر بلادٍ وعامل لك فلايح ****ماشي على دنياك والموت ناسيه

قالــــــــ : والله لو ليه عليها بصيره**** لرصها رص الحجر في الظفيره

واني لخليها حسيره كسيره**** حتى تذكر فعلها اللي تسويه

حتى تبيد عظامها زي ما بيد **** واردم عليها في حزون الرصاصيد

واني لجودها عن الحوم تجويد****امن منه تمكنه ما تبقيه

قالــت : من يوم هذا ياالغليم جوابك**** آخذ من العربان واحسب حسابك

اللي مضى ما تحسب احدٍ درابك***** علمٍ تمشوا فيه الاجواد تمشيه

قالــــــــ : اللي كتب لي منكتب في الكتابي **** عيب الوعيد وعيب كثر الجوابي

وش هذي اللي كنها ضرس نابي***** تفرح بمخلوقٍ تقافت لـــــــــــــــــــــــــــياليه

قالـــــــت : اليوم انا وياك سرنا حريبين**** والكل منا يقول علمي هو الزين

انته غداك اٍن كثر مسعور مدين ***** وانا يجي مليون والزود اضافيه

قال: ياناس ماهي عارفه للشجاعه**** الله بلاها باالهرش والفجاعه

هذي عوايدها خذتها طباعه **** حيٍ تصبحهم وحيٍ تمسيه

قالــــت : اطلب من الخالق بنور البصيره **** اقم الصلاه وخلها لك ذخيره

نورك نهار تحط وسط الحفيره***** يوم ما عندك صديقٍ تناديه

قال : اقول ياالأيام مكثر مناياك**** والله ما اخبر اللي يودك ويدناك

لا وقت مصباحك ولا وقت ممساك**** وغايبك ليا غاب ما عاد نرجيه

قالــــــــــت : بعد كلامك ذا لو العلم فيه **** لا خذك قبل الليل والشمس حيه

لكن انا وياك سرنا رعيه****لا علم لي العلم في يدين راعيه

قالـــــــــ : وان كان انك يا حلالي تعرفين**** حذرى الحذار انك علينا تمرين

واوصيك انتي وصي اللي تعرفين***** وعزي لمن يلفي على غير باغيه

قالـــــــــت : وابوي يامحسن كلام السعه زين**** وتلم من مالك وتاخذ معه دين

واٍن كان حصلت الف قلت ابغي الفين****** ودايم ابن آدم فى الطمع ما يخليه

قالـــــــــ: انتي فرحتي لجل مولاك معطيك****وان شفتي المرضان تضحك حصانيك

الله بفعلك ياحلالي يجازيك ****** امن فعلك كل الأسلام تشكيه

قالــــــــت : انا مع اول من نشا قد تنشيت***** ياما تعشيته وياما تغديت

في قيس بالي في ذا الايام ما ابطيت******* والنفس من يتبع هواها تعنيه

قالـــــــ : يارب دبرني بحسن التدابير***** يوم ما اعرف فيها سوادٍ ولا نير

قالتــــــــــ : عمرت يابن الناس وانته تهدي ***** يالين ياالغندور بيحت سدي

والله لو انه ذخر ابويه وجدي****** لراد له الله بالأخذ ما بخليه

قالـــــــ : ياسرع ممشاها كما مشية الهام***** راحت يمن وايضاً تسافر الى الشام

وتحط في كبد المودين ميسام*******حتى الصغير تاخذه ما تخليه

قالــــــــت: ياشين لا تكثر عليّ الصياحي**** روحي وروحك مثل عود القلاحي

قال : القلب من يمك بلاه استذارى**** وايضاً شربنا منك مر المرارى

وشيلك لهلنا يوم حنا صغارى **** لراحوا اهل الورع من بايعاضيه

قالـــــــــــت : الورع ربه خالقه يعتنيبه **** وان كان ماالله ثايبه ما تثيبه

ما عاد لك دعوى بخبثه وطيبه***** وان راد له ربي بنجوى ينجيه

قال: بلاك مثل اللي مقرع طحينه **** خبرت فعلك والعرب خابرينه

حتى رضيع الديس ما تافرينه****** بكيتي امه عقب ما فرحت فيه

قالــــــــــــت : الموت هذا حق والحق صايب**** كم ليلةً فيها فراق الحبايب

وقبورهم تسفى عليها الهبايب****** والمسعد اللي كل دينه مقضيه

قالـــــــــــ :: يارب تهدينا على الطيباتي ***** من حد ممشانا ليوم الوفاتي

ياالخيّر اللي مطلع ما تباتي*****تلطف بعبدك يوم حارت معانيه

قالــــــــــت : ان كان انك قابل للوصايه***** اوصيك با لتقوى ودرب الهدايه

والغش ماتصلح عليه البنايه****** والذنب ما يكتب على غير راعيه

قال: عذره وخيره من جميع المعاني ***** ليا سار هذا الروح والعمر فاني

عن ديرتي باروح في دار ثاني ******* وعليش الم المال وانا امخليه

ياالله ياالأيام اجل سامحيني ***** وانا مسامح لو خلافك يجيني

واصبر وان الله مع الصابريني*****والله ليا ما راد حالٍ يسويه

بالله يااهل الخير واهل المروات **** على رسول الله نهدي الصلوات

اقولها عداد الاحياء والاموات*****على رسولٍ يشرح الصدر طاريه

[المخلص]

جميله واختلاق اعضاء المساجله اجمل
متعددة المواضيع
تقبل مروري
المخلص

[سنا برقه]

قصيده جميله

[الذعذاع]

انا وابويه يوم كنا ولايف **** وانا احسب ان الظل دايم وهايف

اهبي ياالأيام ياام العنايف****يااللي مرارك زايدٍ عن حلاويه

قصيده راااااااائعه جدا
يعااافيك ربي أخوي
الله يرحم شاعرها
لاهنت

[ندى الورد]

قصيده جميله
الله يرحمه ويرحم أموات المسلمين
الله يعطيك العافيه

[مهاجر المدينه]

المخلص ..

محب السلآم ..

الذعذاع ..
قطر الندى ..

اسعدني مروركم ..

دمتم بكل خير ..

[أحمد السكران]

صح لسانه وسلمت يديك على النقل ياغالي