بلدة البير

[العباد]

بسم الله الرحمن الرحيم
السلام عليكم ورحمة الله وبركاته
اولا ودي اقول لكم ان هالموضوع كتبته انا واخوي amak متعاونين لاني والله اول مره اكتب موضوع وان شاء الله يعجبكم
ندخل في العميق
نتكلم عن البير البلدة القديمة في المحمل وتقدرون تاصلون لها من مخرج الحسي على طريق سدير القصيم المدينه المنوره السريع وتاخذون طريق سدير القديم الين تلقون مفرق البير بعد عشرة كيلو من المخرج بعد ما تتعدون الحسي وبعدين يبقى عشرين كيلو من المفرق الى البلده
وفيه طريق ثاني بعد الحسي مباشرة تلقون مفرق الصفرات تروحون معه عشرين كيلو وتدخلون الصفرات ( ديرة العباد الاصليه قبل ما نروح لحريملا ونجي للبير ) ومن الصفرات فيه طريق مسويه رجل الاعمال ابن موسى الله يجزاه خير يربط الصفرات مع البير عبر الجبل
وهذي خريطة البير وتلاحظون توسطها بين حريملا والصفرات وطريق القصيم المدينه السريع



والبير قديم مررره وكان كله مزارع وضاق بالناس وخلاهم يرحلون الى بلدان ثانيه مثل ثادق - السويلم والعيسى - وبلدان ثانيه لكن اهمها الرياض والخرج والكويت

اكثر اهل البير دواسر بدارين لكن فيها ناس ثانين

البير حلو وفيه شعبان زينه مررره احلاها شعيب ابو فحيحيل وهذي صورة ابو فحيحيل لولد عمي ايمن



وصار باطن البير كله مزارع لكن ماهنا مباه الله يرحم الحال والبير فيه مخططين للبيوت الاول الظليعه وفيه المدرسه الابتدائيه والمخطط الثاني البويطن وهو المخطط الجديد وفيه بيوت حلوه واستراحات ومركز صحي ومدارس ومركز البلده وفي كل مخطط مسجد جامع

في الليل الجو هبااال وما ودك تطلع منه وانا وبعض الشباب نروح للجبل اللي بين البير والصفرات يعني كل الثنتين ديرتنا وحولنا اثار مثل صورة ايمن هذي



البير ديرة علم من قديم
ومن مشاهير البير :
1 - عبدالرحمن بن قاسم مؤلف فتاوى ابن تيميه ومؤلفات اخرى كثيره - متوفى
2 - ابن قاسم امام وخطيب المسجد النبوي في المدينه
3 - حمدان بن علي طالب علم وامام مسجد - متوفى
4 - اسرة الموسى الشهيرة - رجال اعمال
5 - الشيخ عبدالعزيز بن نصار - رجل اعمال
6 - الشيخ سعد الصوينع واخوانه - رجال اعمال
7 - الاعلامي براهيم الراشد - معلق المصارعه المعروف - متوفى
8 - الممثل الكويتي حاليا - على المفيدي - قحطه من اسرة المفيد من بني تميم
9 - ايمن من مؤسسي منتدى مكشات <<<<<<<<<< خخخخخخخخخ .. قمة النفاق
وغيرهم الكثير

اعذرونا على القصور ترا اول مره

نشوفكم على خير

[عبدالهادي المفرج التميمي]

هلا وغلا اخووووووووووي العباد

موضوعك الاول وبهذا الفن والابدااااااااااع

والبير من الديار العزيزة على قلوبنا ويكفي قربها من تمير

مشكوووووووووووور يالغالي





سلام

[nahham]

ماشاء الله تبارك الله

بداية موفقه اخوي العباد واخوي amak

نبي مثل هالمواضيع الحلوه

بارك الله فيكم

[صحراوي]

يااخوي اول مره اعرف ان براهيم الراشد راعي المصارعه من البير الله يرحم ذاك الوجه
يامال العافيه

[العباد]

اخوي هادي ياحبي لك وباهل تمير كلهم
شرفتنا الله يحييك

[العباد]

والله ياني اتشقق المشرف العام بكبره زار الموضوع
الله يحييك حياة طيبه

[العباد]

ياهلا بك اخوي الصحراوي ايه نعم بارك الله فيك وعلي المففيدي - قحطه من اسرة المفيد من البير

[عليم العطش]

بارك الله فيك ونعم بالبير واهلها وهي من القرى المشهوره بنجد .
لاهنت
عليم العطش

[مسيان]

والنعم فيك وفي البير واهله
عندنا في ملهم ناس اصلهم من البير ونعم بالجميع

[نديم الليل]

انا اشهد انها ديرة زينه رمل وحمظ وعلوم طيبه ياعساها السيل