(¯`•._.•[(.... بقآيآ .. حرف .... )]•._.•´¯)

[بقآيآ .. حرف]

‏عطوني علاجي لو إنّـه عنزروت
ماهوب مرّ ! المرّ جربت طعمـه

ثنتين .. ورنّي مماتي قبل أموت
يوم الفراق ، وحاجةٍ عنـد رخمة !

‎نجم الاسلمي

[بقآيآ .. حرف]

‏لـ الشوارع في نفوس الناس، شارع زيّها
ياخذ لـ كل شي فينا ماعرفنا ملّته

شارع يْحبّك واشارة تستحي من ضيّها
و الأدب في الشارع الخلفي منوّر قلّته

الجميلة تكره الغيمة، وتشرب ميّها
مستحيلة، طايشة، سوّت وطن واحتلّته

وانت لا غايم ولا مشمس ولا في فيّها
انت لا موطن ولا منفى تسامح زلّته

عبدالله الكايد

[بقآيآ .. حرف]

إسأل..
أحب القاك، في أسئلة
على قساوة قساوتها، معي حانية

أنا من الله بخير، ومن "عليك الوله"
ما يمسح الدمعة ..إلا.. دمعةٍ ثانية .

عبدالله الكايد

[بقآيآ .. حرف]

‏ذكرياتك .. لا هدت لازم : تفوع
لا بدا هـ الليل .. والعالم : غفت

كنت لي في عتمة أيامي شموع
كل شمعة بعد تلويحك .. طفت !

[بقآيآ .. حرف]

‏أجمع لك أشعاري .. وليلي تباريح
عذراً على ما / جيت فيها بحدة !

كيف أصلك وأنا قدم رجلي تطيح
كيف أتركك والدرب مافيه ردٌه ؟

كيف أقنعك والحب أحلى بتلميح
كيف أملكك والبعد بالغ .. أشده

وأنا ثباتي .. ما يجمّل مع .. الريح
وباب انتطرتك منه مقدر أسده !

[بقآيآ .. حرف]

‏فيني عنادٍ لو تقول البحر مي
أقول لك هو حزني اللي بكيته
وبي قسوةٍ لو تجرح إحساسي شوي
أهمّشك ماكنّ قلبي عطيته
وبي رحمةٍ تطوي ذنوبك معي طي
لاشفت عزمك طاح قمت وبنيته
لشاعرها ...

[بقآيآ .. حرف]

‏موعد الصبح قرّب، و أنت ليلك طويل
" كنّ ما لك من أهلك حيّ تتفقّده "
عبدالله الكايد

[بقآيآ .. حرف]

‏القلوب اللي تفز من الاغاني
والعيون اللي تغمض وقتها
،
السبب ، مو أغنية ، لا .. شي ثاني
عاطفة في داخلك .. فارقتها

فهد دوحان

[بقآيآ .. حرف]

‏والله انك سراب وعارف انك سراب
ووالله اني لا اصبه في يدي واشربه
جيت ما كن مرتني سنين الشباب
وكن مالي حبايب قبلك وتجربة

محمد العمري

[بقآيآ .. حرف]

‏اللي طعني بين الاضلاع وأدمى
هذاك ند لي ونعمين فارس

ومن ينطح الوقت الردي قلبه أعمى
كم عامر خلاه بالقاع دارس

يابنت مالي قلب بالحب يرمى
كفي سهام الفاترات النواعس

الما عيوني أظهريني من الما
وأنا غريق الدمع والريق يابس

ظميان من مثلي من الناس يظما
وأنا على أحلى الينابيع حارس

البدر