| التعليمـــات |
| التقويم |
|
|
|||||||
|
|
أدوات الموضوع | انواع عرض الموضوع |
|
#1
2010-02-22, 07:55 PM
|
||||
|
||||
انواع شبات النار :::
مساء الخــير جميــعاً موضووع بسيط عن النار وشبتهاا عند العرب وانواع شبات النار ::: 1-شبة النار لتخويف الذيابة في حزة الليل 2-لتركيب الشاي والقهوة 3-شبة النار للطهي والطبخ والنار عند العرب قديماا:: تعتبر شبة النار منذ القدم رمزاً للكرم والسخاء عند العرب كما أن النار وإيقادها في حد ذاتها إشارة للترحاب بالضيوف والزوار ويتجسد ذلك عندما كان يسير المسافرون ليلاً فيرون ناراً تتوقد فيتجهون لها ولفظة شبة النار استخلص منها كلمة الشبة ويعني ذلك إقامة التجمع والقهوة فيقول الشخص "الشبه عندنا " اي القهوة في بيتنا. وكان البدو قديماً ينتقدون من يهمل هذا الجانب بقولهم : بعض العرب ,, في شبة النار يحتار يجي الشتا ويروح ما شـب نـاره ــــــــــــــــــــــــــــــــــــــــــــــــــ ــــــــــــــــــــــ وبعض القصائد التي قيلة بالنار وشبتها:: لا ضاق صدري قلت شبوا لي النار سويت كيف مـا يسـوى مثيلـه حمسـت بريـه وناديـت ببهـار ماها قـراح جايبـه مـن ثميلـه ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ ياما حلا عقب العصر ,, شبة النار في مجلسٍ كل النشامـا يجونـه يلفونه اكبارٍ ,, ويلفونه إصغـار من طيب من هو فيـه ويقدرونـه في بيت ماحطوا له آبواب وآسوار ذراه من صوف الغنـم ينسجونـه هذي طراة الروح لا صرت محتار آخيِر من بيـتٍ هَلِـه يزلجونـه ــــــــــــــــــــــــــــــــــــــــــــــــــ ـــــــــــــــــــــــــــــــــــــــ لا ضاق بالي ,, والهواجيس وردن النـار شبّتهـا بدايـة عـلاجـي والبن بالمحماس والنـار تلسـن نـارٍ تزايـد جمرهـا بوتهاجـي ــــــــــــــــــــــــــــــــــــــــــــــــــ ـــــــــــــــــــــــــــــــــــــــ ياما حلا عقب المطر شبت النار في روضة فيها شذى الورد فاحِ ــــــــــــــــــــــــــــــــــــــــــــــــــ ـــــــــــــــــــــــــــــــــــــــ ألا يـا زيـن شبـت النـار وادلال ادلال صفر ابهارهـا طيّـب الهيـل في جال غرمولٍ حمر ,, يشرح البال جوّه براد ومرتـوي خـدّه السيـل الله يجيب العشب والخيـر منهـال ــــــــــــــــــــــــــــــــــــــــــــــــــ ــــــــــــــــــــــــــــــــــــــ لا ضاق صدري شلت صفر المعاميل ... ونزلت في راس ضلع منيفي أجر صوتي في قصيد ومواويل ... واشب ضوي لو انا بعز صيفي وأدنيت يمي عزبة البن والهيل ... وسويت لي كيفن على كيف كيفي ممــا راق لــي ************************************************** ************************************************** ********************************** أختي : ام العنود اسمحيلي باضافة ابيات جداً مشهوره عن شبة النار وكان بامكاني ان انزلها في موضوع خاص ولكن الموضوع جاهز ومن نصيبك وحبيت ان ادمجها مع موضوعك هذا لانه من صلب شبت النار فارجوا تقبل مداخلتي والاذن بذلك وتقبلي تحياتي .. ابو حمد،، هذا بيت مشهور جداً ودائما ما نسمعه من كثير من الناس ماقصة هذا البيت ,ومن قائله .. VVV VV V ياكليب شب النار ياكليب شبه عليك شبة والحطب لك يجابـي... ******************************************** هذه قصة للضلماوي والكثير الكثير يعرف هذا البيت ولاكن يجهل قائله كما يجل مناسبة هذا البيت واليكم القصه في وقت الامير محمد العبدالله الرشيد ذاع صيت / دغيم الضلماوي الشلاقي الشمري بالكرم وخاصة القهوة وقال هذه القصيده ياكليب شب النـار ياكليـب شبـه عليك شبة والحطب لـك يجابـي وعلي أنـا ياكليـب هيلـه وحبـه وعليـك تقليـط الـدلال العذابـي وادغث لها ياكليب من سمر جبـه وشبة الي منه غفـى كـل هابـي باغـي ليـا شبيتهـا ثــم قـبـة تجلب لنـا ربعـا سـراة غيابـي بنسريـةً ياكليـب صلفـا مهـبـه لاهب نسناسـه تقـل سـم دابـي سـراة بليـل وناطحيـن مهـبـه متكنفيـن وشوقـهـم بالعـذابـي الوالمـة ياكليـب عجـل بصبـه والرزق عند اللي ينشى السحابـي صبـة لقرمـا صرفتـه ماحسبـه يوم البخيل مكنهب الوجـة هابـي وصبة لمنعوريـن ليـا جـاة نبـة يرخص بعمره والدخل لها ضبابي وعدة عن اللي مايـداري المسبـه اللـي يـدور بالقصيـر الغيابـي عن الطيب عده نـازلا لـه بغبـه يضرب علي درب الخطا مايهابي لا باطن الهلبـاج خطـوا الجلبـة يا حلو خبـط عصيهـم بالركابـي أطمر لهم وأبـدي سـلام المحبـه لا جو على هجناً يديهـم خرابـي سلام أخلى مـن شخاليـل جبـه وأحلى من السمن الجديد العرابـي مع كبشً مصـلاح راسـه نجبـه لا أدبـر الهيـن متيـن العلابـي خطو الولد يـوم الملاقـي نكبـه يأتي علينا من حسـاب الزهابـي وحتى يش لو يلبس وبينن وجبـه معيـرة علـى غضيـر الشبابـي أنا لقيـت الصبـر يازيـن غبـه يرقيك رؤوس مشمرخات الهضابي من لاصبر ياكليب في حكم ربـه هذاك يـوم البعـث مالـه ثوابـي يقولها اللي مـا حسـب المسبـه ولا عرقل الاجواد ببعض الهلابي هذا هـوى بالـي وهـذا مطبـه من قبل مايسفـح علينـا الترابـي سمع الامير محمد العبدالله الرشيد بكرم الضلماوي واراد ان يختبره في هذا البيت الوالمه يا كليب عجـل بصبـه والرزق عند اللي نشى السحابي وفي احد الليالي قال الامير لبعض من رفقائه ( ترانا نبي نسير ) ولم يخبرهم اي وجهته حتى اناخ ابله عند الضلماوي وقال الامير محمد :- (ما تقولي يالضلماوي وش عندك به يوم انك تقوصد ياكليب يا كليب .) فعرف الضلماوي ان الامير زعلان فقبلة وقام ومد يده للامير وقاله :- مده رهن لولاك ماقلـت ياكليـب ولا قلت شب النار وصرموقدا له في ليلة تجدع سـواة المشاهيـب نسريـة تلصـق خليـل لخـلـه نطعن بعزك ياحصـان الاطاليـب عسى الله جمع حزمتك مـا يفلـه يالجوهر الناريز يالمسك يالطيـب يـا عنبـرا مـن جربـه مايملـه تكفي محاليـب وتملـى مجاليـب وكبـد تيبسـهـا وكـبـدا تبـلـه ياطير شلوى مالقي بـك عذاريـب لو تستحتي ما تجمع الطيـب كلـه يا بو اليتامى والارامل ومن عيـب وأبوا لمن صار العصى ثالث لـه وابو المحرول والاعمي والمحاديب ومن ضامته بعقاء تصير ولدا لـه أن كان هرجي به عليكم عذاريـب سامح عسى اللي عقبك بألف حلـه ************************************************** ****** ارجوا تقبلها وآسف للمداخلة والشاعر من منطقة حايل والمعروفين بالكرم الحاتمي.. ابو حمد،، ************************************* مخلب طير ابيات من قصيده نظمتها سابقا أحببت أن أوردها تناسبا" مع موضوع شبة النار يا ما حلا الجمعه على شبة النار من فوق طعس" توه اليوم ممــــطور يفوح لا هب الهوى ريح الازهار ما تسمع الا صوت تغريد الطــــــــيور و الدله الصفرا على صالي وجار و عرق" من الإرطا ورمث" وعثمور و الوضح خلفات ومعاشير وبكار و ملاعب الحيران في ساق مظـــهور
|
|
|
العرض الشجري