| التعليمـــات |
| التقويم |
|
|
|||||||
 |
|
|
أدوات الموضوع | انواع عرض الموضوع |
|
#1
2015-05-05, 08:28 PM
|
||||
|
||||
الشاعر الكبير جزاء بن صالح الحربي
تعريف بالشاعر / هو الشاعر جزاء صالح سند الحنتمي الحربي وإليكم أول قصائده قالو علامك دايمن تقل زعلان = وياعل ماانته يابوصالح زعولي وقلت اسمحولي ياكريمين الايمان = تراي من نشداتكم ضاق جولي ولاكل من يبحث ورى سر الانسان = يكشف عن اللي بالضماير يجولي ومن قال انا افهم غاية القلب غلطان = القلب دونه مبهمات القفولي والناس كلن له مظنه وحبان = وكلن على محبوب قلبه ميولي والعرف مايعرض على صاحب الشان = والعقل ميزان الفتى يالجهولي ورجلن بلا هيبه مع الناس خسران = لو كان يحسب من رجالن ازحولي والأدمي يجبل على قلب والسان = كد قالها اللي للمثايل فتولي مقيولتن قبلي على ماض الازمان = واضرب مثلها في تفاسير قولي والرجل عقله بالصعيبات ميزان = ويعرف وصوله كان حبله يطولي وكم واحدن راسه من العرف مليان = لاشك عن بعض الامور امعزولي يشيل في صدره ولو كان غرقان = ولو شاف موته مايقول افزعولي ويقاسي الصعبات في صدق وايمان = واليا انشدوه الناس قال اسمحولي ولو شاف بعض العوج ماكاينن كان = ويصد لو ان الظمير امعلولي ولايكشف اسراره ولو كان بلشان = ولاقال لأهل المعرفه فسرولي ومن يازن الرجال في ضحك الاسنان = هذاك من عرض الخبول امهبولي والضحك بوجيه الرجاجيل نقصان = اليا صار ماللضحك وقتن اوصولي وكم واحدن ماهوب ينظر بالاعيان = لاشك دايم للمراجل ينولي هذا صحيح العلم مافيه نكران = اقولها من عرض ناسن تقولي والعرف له عندي مكانه وبرهان = لاشك ريح ظامرك ياعذولي وانا ماقول اني على الناس فهمان = لكن اميز مطلعي من دخولي وامشي مع الطيب على قدر الامكان = ولاني بطاول شخص ماهوب طولي ولاني على بعض المواضيع شفقان = ولاحط راسي يم ظلن يزولي وانا اليا شفت العور وسط عميان = اجنبه من خوف لايصير حولي واصد عنه مع وسيعات الاوطان = لو كان حفيانه مواطي ذلولي ولاكل من شال التفق صاب نيشان = ولاكل رجالن يشيل الحمولي هذا وكلن له رفيقن وصدقان = والله فرق مابين صنف العقولي -------------------------------------------------------------------------------- ويقول جزاء بالحكم. رفيقـك اللـي مايقـدر مواقـفـك=ترى ربيـع القلـب بعـده وفرقـاه لياصـر لارجلـن مقامـه شرفـك=ولاطيبـن تقـدر تحمـل خطـايـاه أحرص على فرقاه لومـن طوايفـك=لياصار ماتقوى على شيـل عوجـاه لياصـار دايـم بالمواقـف يخالفـك=ويفرض عليك الراي من غير ترظاه منـت أولدلـه يستهينـك ويعسفـك=ولاوالدن ودك على مكسب أرضـاه ولولا لزومـه بـول العـام عايفـك=ولوشاف طيبك عقب يوميـن ينسـاه وأن قلت له مخطي فظحك ابمعارفك=وليا تجاوزت الخطا عنـه ماارظـاه وليا سكت وشمت يجـرح عواطفـك=وضحوك في وجهك وسودن خفايـاه وأن قمت مايسوى هبايب عواصفـك=وإن شلتله عرقا على الكبـد عرقـاه وان جيت له محتاج ماتقـل يعرفـك=ويعطيك مع بيض المعاذيـر علبـاه لياصار عنـد اللازمـه مايساعفـك=وقت الرخا ماانته بعـازت حمايـاه لاتشتـكـي عـنـده يكبرسوالـفـك=فرقاه تغني عـن مسـرات جـدواه وحـاذور عنـه لايسـود صحايفـك=ولاتقربـه مـادام تعـرف نـوايـاه وبعدك عنه فـي ديرتـن مايشاوفـك=أخيرمـن قربـه وشوفـه ولامــاه وموتـك بعـزك جنتـن ماتكلـفـك=ولاحاجتـن عنـد المنـون وترجـاه وموت الكرامه عن جنابـه أتشرفـك=ولامنتـه عسـى نواعـيـه تنـعـاه ومن يجهلك في منطق العرف ياصفك=وعرف الفتى تنبيـك عنـه مزايـاه وترى الرفيق اللي بهمـك يناصفـك=ويفزع ليا شاف الخلل فيـك يرفـاه ودايم صـدوق وبالحمـوه يلاطفـك=ويقوم في واجبك مـن قبـل تنخـاه رجلن على كل المواجيـب عارفـك=ودايم طوارق الشرف ساس ممشـاه وان حلت الرفقه يشيـد أبوصايفـك=ماكنـك الا واحـدن مـن دنـايـاه لياجا مجالك جـاب عنـك طرايفـك=ولياذكـرك بجملـة الخيـر مبـداه -------------------------------------------------------------------------------- وايضا بالحكم من حس في نقص نفسه عاتب أحبابه=ويعاتب الناس والنقصان فـي ذاتـه ولو الخطا واضحن ماحسب أحسابـه=مايشوف كبر الخطا من كبر شرهاته واللي يتميـدح بروحـه لاتعزوابـه=لوقال أنا الزير لاتغـرك شجاعاتـه أتـرك شجـاع العوافـي لاتهقوابـه=لياصار ماصار يزبـن عنـد عماتـه نزه جنابك عنه وبعـد عـن أترابـه=وياعل خيـره يـلادي عنـك سياتـه ترا حلات الفتى مايشمـت أصحابـه=ويبعد عن اللي يضره فـي شكلاتـه واللي حكابـك تـرا لابـد يحكابـه=لاكن تبعد عنـه مـن قبـل عرفاتـه وشرهات رجلن تجيك بغصب وطلابه=شرهه بلا عقـل ماحاجـه لكسباتـه واللي بغيبات ربعـه يفتـل أشنابـه=لو قال أنا أغليـك لاتفـرح بجياتـه والرجل بالعقل يقدر يملـك أعصابـه=ويشوف درب السنع من قبل غدياتـه حيث الرجل عند وقت الضيق يلجابه=ويفرح لياجيـت ويسـرك بقوماتـه لاشك بعـض الأوادم خبـل وقلابـه=وليا نصحتـه بـلاك بكـل بلشاتـه وان قلت مخطي عليك يشيل مصلابه=وان قلت هونت قامت معـه شلاتـه وخبل العرب لوحشمت النفس تبلابه=يبـلاك والنـاس ماتـدري بغاياتـه وعليك في مايقولـه يفتـح اجرابـه=ويوهق النـاس يمـك فـي حيالاتـه ويااللي لعبـت المثايـل فيـه لعابـه=وتحلل الحرف كان أهملـت ظماتـه ولاهم بمثلك على الأجـواد نصابـه=يوم أنت تفرح على المسلـم بغيباتـه والحقت مشقاص نارك وأنت شبابـه=ولاتامن النار تسعـر فيـك شعلاتـه والشعر لولاه يحكمني علـى أدابـه=والله لرسم علـى التاريـخ بصماتـه لغوص بحره ويمـك لفتـح أبوابـه=لماتـذوق المـراره عقـب أهاناتـه لبين اللـي خفـا واحـرك أسبابـه=حتى تعوذ عقـب تكويـك جمراتـه لاشك أباأنصحك وافهم مني الجابـه=ماكل من زل ترفـى عنـه خملاتـه لاكن تجنب طريثـن يقرصـك دابـه=وابعد عن الداب وشجرتـه وغاباتـه ولاحسبنـك بتقديـرك ملـك غابـه=ترا الملك من ملك عقلـه وشيماتـه ومـن لايقـدر جنـابـك لاتبـلابـه=وعززجنابك عـن الخايـب ومناتـه تراه وان جا مجالـك قـال طبنابـه=لومافعل شي ميـر الكـذب سهماتـه ورزق الفتى هنـد خلاقـه وجيابـه=ولكن عطاه الولي فـي قـدر نياتـه والرجل يعرف مع الاقصين واقرابـه=يعرف بطبعه وطيبـه مـن جبلاتـه والحريشبـع بمنقـوره ومخـلابـه=ومن طبّع الحِريعـرف كـل ميزاتـه ولوكان نزرن يفج القلـب مظرابـه=وتشوف نثر الحمر مـن قوضرباتـه والتبع محدن لقى مـن فودتـه ثابـه=ولاتعجب النفـس هداتـه وصيداتـه والناس بحقوقهـم صعبيـن وذيابـه=وكلن بحقـه يدافـع عـن كراماتـه ويروح حقـن وراه أفـزوع طلابـه=ولابد من عال ترمـي فيـه عثراتـه وترا الفلك كـان يمـك دار لولابـه=ماينفعك مـن بعثلـك فـي مواساتـه وصلوا على اللي بعث بالدين بكتابـه=وعسـى المسلميـن تباعـن لسناتـه -------------------------------------------------------------------------------- الشاعر صالح بن جـزا الحربـي , حفظـه الله يرثي الشاعر : سبيل بن سند الحربي , رحمه الله والله يالولا الصبر والامل والظن=بالله يبـدل سيـتـي بحسنـاتـي ودلال رسلان بها الهيـل والبـن=تحوفهـن يمنـاي ومكرمـاتـي من حبهـن ليـه تقـول يتحاكـن=ومن حبهن عندي تطول سهراتي لياادبح بهيم الليل وهجوسنا جـن=فنجالهـن يبـرد لهيـب نهتاتـي لاون ونة من بعود القنـا طعـن=بمشيشل من كـف شبـل زناتـي واني لاشرّح مقدم الثوب وانجـن=وقدام خلق الله لافجـر سكاتـي على رجـال يـوم فيهـا اتفطـن=لابصرت فيهم عفت تالي حياتـي لهم وقار داخـل القلـب يسكـن=والصبر عنهم صار من معجزاتي اقفوا وخلوني وانا صغير السـن=واخذت منهم طيبـات الصفاتـي من قال للموروث علـم يسكّـن=مافادني بيض الـورق والدواتـي اجهش فوادي والعيـون يتباكـن=وهليت من دمعي غزير عبراتـي وليا صفا راسي وقلبـي تطمـن=قلت المقافي مايجـن راحعاتـي وانـا ادري ان ايامهـم مايـردن=هيهات ترجع ماضـي المقفياتـي ولولاي ازور ديارهـم واتوطـن=واشرف عليهم بطايـل النايفاتـي واشـم ريـح ديارهـم واتفطـن=وادله واعيش بماضي الذكرياتـي لاشك عبثـات الليالـي يصيبـن=ويخلن الرجـال فكـره شتاتـي وقبل امس جات اخبارهن مايسرن=اخبـار فيهـا طابـع المفجعـات غديت مثل اللي خطف عقله الجن=واصبح يهوبي مع هوى الذارياتي علـى رفيـق بالوفـا مايتهـاون=صنديد ماهو من رجال الشماتـي وسيف من الفولاذ ماهوب معـدن=من ابتع خيار سيوفنا المرهفاتـي سبيـل بـن سنـد ليالـه تقافـن=واضيقتي مـن غيبتـه وافجاتـي وش عاد لو قلبي تكـدر وحـزن=حكم المنايـا بالبشـر صايباتـي سنة عزيز الشان والله لهـا سـن=من جاه يومه مابقى لـه حياتـي كد قالها صالح وانا اقول صابـن=سر الامور اسبابهـا المحدثاتـي والادمي لو فيـه الايـام طالـن=لابد ماتركـز عليـه الحصاتـي ولو كان من يبكي دموعه يفيـدن=ياما بكينـا مطوعيـن العصاتـي فهود الزراج مطوعة كـل مفتـن=الى جا نهار فيه مثـل الجناتـي الى جت كراديس السبايا ولحقـن=ولحقوا عليهـن ميتميـن البناتـي بيدينهـم شلـف وطـرم تلظـن=صنعن من الفـولاذ ومشرفاتـي ليا وردوهن لاحمر الموت شربن=وان صدرن جن غيرهن وراداتي وشعارهـم وفعولهـم مايـهـزن=وتاريخ وفعـول عليهـا الثباتـي وشعر بليا افعال وامجـاد يمهـن=مافيه لاحكمـة ولابـه حلاتـي ----------------------------------------------------------------------------- ويقول جزاء ايضا بالحكم. من لايعرفك مايقدر مقامك=ومن لايميز بالبشر ماعرفها وليا احترمت الناس زاد احترامك=والناس عزانفوسها من شرفها وشكواك للي مايثمن كلامك=دمعة يتيمن من عيونه ذرفها وان قلت لي مشروه يمك علامك=عليك غلطات الموالي حرفها ورفقتك للي ماوفا بلتزامك=يزيد باالنفس العزيزه سرفها لياصار ماهو باللوازم احزامك=نار العداوه يم بيتك جرفها واللي مرامه مايوافق مرامك=لابد له نفسن يبين هرفها وان قلت مخطي حاضرن في ملامك=وعليك بعض المشكلات أغترفها لكن تبعد لايهمز اعظامك=ويقلب عليك السالفه من طرفها لياصار يقهر عن مقامه أحيامك=ماهمته حال الرفيق وروفها وأقول وقتك وأن غدربك وظامك=تكثر عيوبك والعدوا أحترفها وترى ندمك وعظتك في أبهامك=أخير من لطم الخشوم ورعفها وحظك ليا ساعدك يبني اخيامك=ودنياك وان جتلك كثيرن ترفها وإن باربك حظك سعى في هدامك=وأرزاق ربي عن جنابك صرفها وأقرب قريبن مايفزبسلامك=لوأنت من ناسآ عزيزن شرفها هذا ما أحببت المشاركه به تقبل الجميع فائق تحياتي.
|
|
#3
2015-05-06, 06:09 PM
|
||||
|
||||
|
من لايعرفـــــك مايقدر مقامـــــك ومن لايميز بالبشر ماعرفـــــــها وليا أحترمت الناس زاد إحترامك والناس عز أنفوسها من شرفــها صح لسان الشاعر الكبير جزاء بن صالح الحربي وتسلم يمينك على النقل الرائع تحيآتي
|
|
#4
2015-05-06, 08:09 PM
|
||||
|
||||
|
راعي نجد
|
|
#5
2015-08-15, 10:45 PM
|
||||
|
||||
|
صح لسانك ولسان شاعرنا الكبير صالح بن جزاء الحربي
|
|
#6
2015-09-09, 09:58 PM
|
||||
|
||||
|
بقآ يآ ...حرف
|
|
#8
2016-05-16, 05:11 PM
|
||||
|
||||
|
|
|
|
|
العرض العادي
