| التعليمـــات |
| التقويم |
|
|
|||||||
 |
|
|
أدوات الموضوع | انواع عرض الموضوع |
|
#1
2011-03-15, 10:58 AM
|
|||
|
|||
يالله يمديكم على الغداء والقهوة الله يحيكم
سلام عليكم ورحمة الله وبركاته حي الله الرجال النشاما وشلونكم عساكم طيبين ومن حسنات هذا المنتدى المتألق انه يعرفك على الرجال يحبون العلوم الغانمه وحبيت أوسع صدوركم في بعض الصور اللي تشوق حصلنا أمس السبت تاريخ 7/4/1432 هــ ركضة بعد صلاة الظهر بعد ماسمعنا إن الغاط سايل قلن نشوف لأن الخبر ليس كل المعاينة وقلت اقول ربعي النشاما شرواكم مثل ماقال الشاعر(خوة رجال مابهم عرق الأنذال) والشلة هم الطرس محدثكم وابوعاصم وابوصالح . وعلى قول الشاعر يقول يالنوري يالغالي ابشكيلك الحال وابنتخيبك ياوسيع البصـــــــــــــــيره يامحلا البراد لاكنت رحـــــــــــــــــال في تلعة والسيل تسمــــــــــــع هديره بها الخزامي اللي من الجال للجـــــال وقليقلان وشيح وربـــــــــــــــله كثيره والذود يرعى والقط اجـــوال واجــــوال وشــــــــوف الحباري والخباري كثيره وبيت مروبع للرجاجيل مدهـــــــــــال ودلال على جمر الغضاء مستديــــــــره وخوة رجال مابهم عرق الانـــــــــذال اهل المصالح والعلوم الشريـــره دنيا بها اهل العفن حشمه ومنــــــزال تنعاف دام الذيب يدره حميـــــــره هذا الزمان اللي بها العفن رجـــــــال تنعاف دام الذيب يدره حمـــــيره وناس تكشخ مامعه باقي ريــــــال ولاتلبس من الخام الاحريـــــــــره دنياه دين بالدين ياطيب الفـــــــــال ويروح يومه ماتعدا سريــــــــره ماداج بالمسجد نسا يوم الاهــــوال في ساعة فيها الكواكب نثـــــــيره وختامها رحمتك في كل الاحوال ويلها تجعلنا بخير وستيره وإليكم الصور واعذروني على القصور أول ماوصلنا الى طلعة الغاط وجدنا تريله منحرفه عن مسارها الله يستر بس أن شاء الله انه ماجها شيء وبعد مارقينا الى الكبري اتجهنا الشلال اللي يصب على السد وقلنا الحين شفنا خلنا نستغل الوقت ونأخذ مكان لأن الكشاته بدوا يكثرون وبعد العثور على المكان المناسب تم نقل العفش وشبيت على الغداء لأن الربع بدوا يتمشون ويتمتعون وهذي صوره من جهه اخرى الصراحة المكان يوجع القلب نسناس رطب وصوت خرير الماء وجالسين على صفاة نظيفة لاتقول طين ولا غيره حاسنا بعد ماقضى الغداء وتفضلوا الله يحيكم وهذا ماهو حقكم وعذرونا على القصور وهذولآ الربع النشاما ابوصالح وابو عاصم وهذولآ الربع النشاما ابوصالح وابو عاصم ويوم انتصفت بالتصوير واثر تجين رسالة وافتحاه واثره السوبر يقول وشلون تخلين لحالي ودي اتمتع معك وبعد متصورني وراه شانت العشره قلت ياسوبري الأرض وعره عليك واي شيء يضرك يضرن مثلاً ههههه واختله صوره تعرفون ياجماعة هذا ابو الجمايل يوم صارالعصر صلحنا القهوة اللي تعدل المزاج مع الونانه وطحينة السمسم يالله تقهوو الله يحي الرجال وهذا السد من جهه اخرى سبحان الله الخالق الصراحة تذكرت كلام الله سبحانه وتعالى قال( صُنْعَ اللَّهِ الَّذِي أَتْقَنَ كُلَّ شَيْءٍ ) (سورة النحل 88) شوفو حصات وسطها حصى صغير بيضاوي انقلت صدف وانقلت قواقع صار في اعجاب؟؟؟؟ يوم خلصنا قلنا خلنا نتمشى وعاد يقالي محترف بالتصوير وعذرون تراي اصور بالأيفون  والسلام عليكم ورحمة الله وبركاته
التعديل الأخير تم بواسطة الطرس ممدوح ; 2011-03-15 الساعة 11:13 AM |
|
#2
2011-03-15, 11:14 AM
|
|||
|
|||
|
تقرير رائع ومميز ومناظر تشرح النفس الله يعطيك العافية .
|
|
#3
2011-03-15, 01:13 PM
|
|||
|
|||
|
وعليك السلام ورحمة الله وبركاته ماشاء الله تبارك الرحمن اما مكانكم رووووعه جلسه على كيف كيووفك الله يهنيكم بيض الله وجهك على التقرير المميز تحياتي لك 
|
|
#5
2011-03-15, 04:52 PM
|
|||
|
|||
|
اقتباس:
اقتباس:
حياكم الله ويشرفني مروركم يالغالين
|
|
#6
2011-03-15, 04:52 PM
|
|||
|
|||
|
اقتباس:
حياك الله اخوي ويشرفني مرورك يالغالي
|
|
#7
2011-03-15, 08:26 PM
|
||||
|
||||
|
وعليكم السلام ورحمة الله وبركاته
|
|
#8
2011-03-16, 12:31 AM
|
|||
|
|||
|
اقتباس:
هلا وسهلا ياتاج راسي ومشكور على مرورك المتواضع
|
|
#9
2011-03-16, 12:39 AM
|
|||
|
|||
|
اقتباس:
حياك الله اخوي ويشرفني مرورك يالغالي
|
|
#10
2011-03-18, 11:05 PM
|
||||
|
||||
|
يمال العافية يالغالي تقرير رائع وصور جميلة مشكور والله يعطيك العافية
|
|
|
|
العرض العادي
