يمـــــــــــــــــــــه

[عبدالمحسن الرحمه]

بسم الله الرحمن الرحيم




(( مدخــــــــــــــــــــــــــــل ))



طعناتهم ياصاحبي هدت الحال=أمشي وانا مكسور مجبور ساقه

الهم طول والحزن داخلي طال=والوقت يصفقني بكل اصطفاقه

هذا الزمن لوعه وضيقه وغربال=شوك الزمن ينساق لي وسط باقه

الدمع فوق الخد يبطي ولازال=وماعاد لي من حمل الأيام طاقه

ياصاحبي لا تتعب الحال والبال=الوقت هذا لاتدور صداقه

ياما خويت من الرفاقه والأشكال=ومافيهم اللي يستحق الرفاقه

راح الذي يسوا ثمانين رجال=رحل واببقى مكتوي في فراقه

ثابت غلاه بداخل القلب ما مال=والقلب مبطي له يزيد أشتياقه






((( يـــــــــــــــــمـــــــــــه )))




في كل لحظه من شقاي أعذريني=لا ذبني الهاجوس في عالم الصمت

توه بدا جو التعب من سنيني=واليا أشرقت شمس الحقيقة تكلمت

(يمه)حياتي سقمها يحتويني=ولا فيه يوم ٍمن عناها تسلمت

أصبحت في وقت القهر قسمتيني=والحمدالله غيرها ما تقسمت

قسم ٍ يعاني من هموم ٍ وديني=وتمر بي سود الليالي ولا نمت

وقسمٍ يعاني من زمانٍ حزيني=والغم يحسدني ليا من تبسمت

ما غير أفرقع في أصابع يديني=ولو الأصابع قطًّعت ما تألمت

أشدًّها هم ٍجعلني طعيني=ومن ذقت طعمه في عروقي تسممت

ما غير أصفق باليسار اليميني=وأقول ياربي لك الحمد وأنعمت

يا خالقي يا رازقي يا عويني= يا مالك الدنيا بجودك تنعمت

يا سامعٍ دب النمل والونيني=يا سامع الشكوى ولولاك ماقمت

إغفر ذنوبي قبل قطع الوتيني=يا رافع البلوى بك آمنت واسلمت

في كل لحظه من شقاي أعذريني=لا ذبني الهاجوس في عالم الصمت

توه بدا جو التعب من سنيني=واليا أشرقت شمس الحقيقة تكلمت





صح السانك
وانا بالقصيده تمتعت

[سبع عبس]

اخي العزيز حطبه
سلمت ها الانامل

[عاشق عيون الجواء]

وانا أشهد يا يمه إنك تعرفيني . . . وتعرفين أدق تفاصيلي

تفاصيل حياتي الي اتعبتني . . . وشوفت عيونك تذهب عني اتعابي وأحزاني

تقبل مروري على صفحتك . .

أخوك / أبو تالا

[الشيخ قوقل]

وعليكم السلام ورحمة الله وبركاته

قصائد جميلة وصح لسانك أخي العزيز
جهد قوي وعطاء مستمر وفقك الله

في البيت التالي الشطر الأول عين الصواب وبيت القصيد

راح الذي يسوا ثمانين رجال=رحل واببقى مكتوي في فراقه

[تميمي نجد]

راح الذي يسوا ثمانين رجال=رحل واببقى مكتوي في فراقه

اخوي حطبة صح لسانك وهالبيت في الصميم بصراحة نعم راح وقت الرجال يسوى فيه ثمانين رجال أمثال صنيتان السويط ومرشد التميمي وسمير راعي القرن الشمالي وكذلك الشبرمية

[كمال البدور]

مشكور اخوي وصح لسانك