80 صوره لربيع فياض (الحدقه ) شرق لينه 26-1-1435هـ (بالتفاصيل) الجنوبي 2000

الجنوبي 2000 · 2013-12-01, 04:30 PM

السلام عليكم ورحمة الله وبركاته

مجدداً أعود اليكم بتغطية غير بكشته في ربيع وفياض الحدقة شرق لينه وجنوب رفحاً .. بعد الامطار والخيرات ظهر الباذر وانتفض الربيع وزانت الارض وتلونت بالعشب الاخضر

الحمد الله على خيراته .. لينه وأعيوج لينه اغلب فياضها سيل وماء .. ولكن قبل الحدقة فياضها ربعت ربيع طيب ماشاء الله

كانت لي زيارة بالمنطقة هذي بإجازة هذا الاسبوع الجمعة 26-1-1435هـ

الزيارة للحدقة وفياضها وفياض سالم وقبل ام رضمه وغيرها الكثير

لا أمتلك إحداثيات كان السير حسب خريطة القارمن وبعضها تأتي بالصدفة او بالطريق

الفياض يجب ان نجعلها نظيفة وندع المكان أفضل مما كان ولكن ما يحدث من البعض العكس فنجد الوساخةـ وتشويها بالمقذورات الله يسامح من يفعل هذي الاشياء ..

ونترك لكم الصور تتكلم ..

البداية ,, بأول الرياض القريبه للزفلت وكانت ربيعها طيب وفي البداية رغم اتوقع من كثرة الكشاته والناس ما راح يعيش اكثر ..

ما شاء الله ريحة النفل تشق الخشم

هذي رياض الحدقة والقريبة منها ..

ربيعها طيب

وهذي فيضة صاده عن الخط بكيلوين والكشاته بها قليل لأنها م واضحه

وحتى الطيور كثيره هناك

ثم الذهاب لفياض سالم جنوب الحدقه

والناس كثيره هناك وماتلقى محل تجلس فيه .. يمكن هي اطيب شي الان بس بعد هالناس والجلسات وبعض الناس المهمله .. اتوقع انتهت

ومن فيضه لفيضه هناك

وهذي الفيضه الاكثر انتشاراً بالصور والاحداثية التي انتشرت قبل والان شاهدوها بعد الكشاته ..

والربيع طيب

والكشاته جنب بعض كانها الفيضة الوحيده بهذي المنطقة ..

وصوره من فوق

وصادفت ابو فهد العالمي هناك ..

المهم قلنا نشرب فيها الشاهي ونمشي

بعدها غيرنا المكان

وهالمكان افضل ولافيه احد

وقلنا نتمشى شوي بين الفياض بس قل الربيع كل ما رحنا جنوب شرق

وطحنا بالفيضة هذي حلوه وفيها صقاره

قلت ناخذ صور لطيورهم بعد طلبهم

ثم رجعنا للفياض سالم والفيضة الي شفناها بس كان فيها 4 مكاشيت

وقلنا نشرب الشاهي ونقيل ..

بعدها جهزنا الغداء

والفيضة من بعيد

وتصوير لجلستنا

والتمشية بالفيضة

بعدها قلت ابذهب للفيضة الي فيها ناس ومليانه ابشوف مباراة النصر الليلة مع الاتحاد

والحمد الله لقيت لنا رفيق من الزلفي عالمي يقاله ابو فارس ..

والناس حوله تلعب كرة الطائرة ..

المهم ضمنا المباراة ورجعت لربعي لان الروضتين تبعد عن بعض 1 كيلو بينهن ضلع بس بسحنا هدوء وهم زحمه ههه

ولقيت أعلام النصر بكل مكان بالفيضة ..

قهوة المغرب

بعد شاهدت المباراة والفوز قمت اتمشى ونصر بالليل

ولقيت ناس من اهل عنيزة سمرت معهم وهم عالميين

الجنوبي 2000 · 2013-12-01, 04:31 PM

بعد النوم وفجر يوم السبت ..

تجهيز القهوة والافطار

والطيران الشراعي وتصويره للفياض

وبعد الافطار قلنا نتمشى وندور محل نتغدا فيه قبل الرجعه

التمشية للجهة الشرقية للحدقه

وفياض ربيعها طيب

ومن فيضة لفيضة

وبعدها القهوة والغداء

مخمخة ابو محمد ماقصر

والتمشية والعودة لديارنا

شوفوا هالفيضة جميلة مره

بس شاهد ماذا وجدت

كيف أجلس خبروني وهذي الاشكال تخرب المكان .... والبعض يقولون عطونا أحداثيات .. شاهد هالاحداثيات ماذا تفعل

وبنهاية هذي التقرير أختمها بصورة لغروب الشمس مع الماء والأنعكاس

تقبلوا خالص تحياتي وبمادة جديده مستقبلاً

ومن رافقني بهذا الرحله ابو محمد وابو واسم وابو يعقوب

اخوكم

عبدالله البرغش ( الجنوبي 2000 )

لمتابعتي بالتويتر هنا

https://twitter.com/algnobe2000

وبالانستغرام هنا

https://instagram.com/algnobe2000/#

دمتم بود