اجامل وابتسم واضحك وانا في داخلي مقهور

[سراب]

[align=CENTER][table1="width:80%;background-color:skyblue;border:10px groove blue;"][cell="filter:;"][align=center]

أجامل وابتسم واضحك وانا في داخلي مقهور
احاول اكتم احزاني ورى صدري وأخبيها

أحاول اكتم همومي واخبيها وأنا مجبور
واحاول قد ما أقدر أبعد عن حراويها

لو اني كنت بنطقها مع انها واقفة بالزور
... ولكن لازم اكتمها ولا ابين معانيها

ولو بعض البشر تدري وتكشف خافي المستور
... أببلش في شماتتها وابتعب من حكاويها

طبيعه ماتفارقهم طبيعة من قديم عصور
... ورا حكي القفى تطرد وتنبش في خوافيها

واذا طاح الرجل مرة وصار من الزمن مكسور
... تجيله طعنه بظهره تفاجأ مادرى فيها

تفاجئ مادرى باللي بيصير ومن وراه يدور
...وخابت هقوته فيهم بعد ماكان هاقيها

لجل هذا كتمت الهم في صدري وانا معذور
... همومي في وسط قلبي أخبيها واخليها

واذا زاد الحزن فيني كني وحيد بعالم مهجور
... كأني بدنيتي وحدي وكل الناس جافيها

واذا ودي أبوح بهم أبد ما اكتبه بسطور
... همومي بس في نفسي الحنها واغنيها

مصير الهم يترحل وأعيش بدنيتي مسرور
...مصير الهم ينساني ونفسي ما يعنيها

مصير القلب لو يظلم يجي يوم ويشوف النور
...مصير الناس تتبدل وتتغير مماشيها

اذا صار الذي ودي أبيح خافي المستور
...واخلي الناس تدري بي وبهمومي أبكيها

ولكن بكتم همومي واخبيها عن الجمهور
... وطبع الهم مايهنى بغير ظلوع راعيها

https://www.youtube.com/watch?v=_sVGZHaWFUI

[/align][/cell][/table1][/align]

[سمو المشاعر]

صح لسان قائلها واحسنت الاختيار ذوق راقي صح لسانك لاهنت

[الركام]

مشكورة سراب اختيار جميل وذوق رائع

[كمال البدور]

واذا طاح الرجل مرة وصار من الزمن مكسور
... تجيله طعنه بظهره تفاجأ مادرى فيها

تفاجئ مادرى باللي بيصير ومن وراه يدور
...وخابت هقوته فيهم بعد ماكان هاقيها

لجل هذا كتمت الهم في صدري وانا معذور
... همومي في وسط قلبي أخبيها واخليها

واذا زاد الحزن فيني كني وحيد بعالم مهجور
... كأني بدنيتي وحدي وكل الناس جافيها

اختيار جميل وموفق
صح لسانك سراب ولسان القايل
تحياتي لكي يالغالية

[عبدالمحسن الرحمه]

رائعه مشكورة سراب الله يزيدك من فضله *****

[غيمة جده]

الله يعطيك العافيه يالغاليه
على هذه القصيده المعبره
والذائقه الجميله
ولاعدمنا جديدك

[عايد]

صح لسان الشاعر وصح ذوقك الراااقي
قصيده في قمة الروعه والجمال
الله يسعدك ويجزاك خير اختي

[سراب]

باقة ورد نثرتوها بردودكم على صفحتي
اشكر لكم هذا الجمال وحسن انتقاء الكلمات
الى المزيد من العطاء
غاليتكم
سراب