ابي صور لمقطورات ( قلص ) البراري

[الساري]

عليكم السلام ورحمة الله وبركاته
كفو والله يابو ناصر والله يعطيك العافية
والفكرة حلوة جدا جدا ودائما تتردد في بالي كل ماطلعت للبر وسويت الجلسة الدكة بالقلص
انا عندي قلص اشيل الخيام وباقي الاغراض عليه الليا كشت واذا سافرت والله انه خادمني حيل اشيل كل الشناط والعفش به واقطع عليه مسافات والله بعيدة والحمدالله له عندي يمكن فوق ثلاث سنين وفكرة انه يخدم للبر حلوة جدا خاصة مع المواصفات اللي ذكرت
ابشر يابو ناصر هاليومين ابي اسوي بحث كبير عن هذا الموضوع بالاضافة اللي عندي من افكار ستجده ان شاء الله

[عبدالهادي المفرج التميمي]

اسمع معي موعد مع المشراق
وليت نلتقى كلنا جميعا وندرس الموضوع
وش راايك الاحد القادم بإذن الله هل يناااسب لك
طبعا حسب ضروووف الجو
مشكووووووور




سلام

[الساري]

ابشر ابو ناصر وان شاء الله نلتقى
وترا حمستنا حيل والله من امس وانا ادور والله حتى عربات سيبريا وعربات الجيوش (العسكرية ) حقت الجر مريت عليها ادور افكار جديدة ووصلت الى اعتقاد ان راعي البر افهم بحاجاته اكثر من غيره
لكن قلت يمكن ناخذ فكرة عن تصاميم مميزة لو للشكل الخارجي
على كل حال اذا التقينا نطرح الافكار الجديدة
علما ان البحث لازال جاري
نسيت شوف هالرابط
https://www.erde.tm.fr/

[دندشه]

مشاء الله دب الحماس فيكم

الله يقويكم ويسهلها عليكم

وين هوايلكوا ترى عنده حداده شف عنه ابو ناصر يمكن يفيدك بشي

واي شي محتاجه لا يردك الا التفون امر امر

شف هاذي مصنوعه في الدمام




دندشه

[عبدالهادي المفرج التميمي]

كلام منقول من واحد في احد المنتديات وش رايكم فيه

(( تبين لي وانا ابحث مع التجربه ان هناك من يتشاطر ويعمل على صنع مقطورات باشكال وانواع مختلفه
وبعد تجربتي معهم وجدت ان المقطورات في السوق المحلي والمصنعه خاليه تماما من ناحيه السلامه
حيث تصنع بشكل عشوائي ومن دون حسابات
وبعد زيارتي لمصنع القاضي في الدمام وجدت صناعه بصراحه فاخره جدا
وقد زرت المصنع ورأيت بام عيني طرق التصنيع والدقه فيها
هذا بالاضافه لقطع الغيار المستورده حيث انهم يستعملون قطع ومحاور المانيه وبجوده عاليه
وتصميم المقطورات مواصفات المانيه
ونحن نعرف الصناعات الاوروبيه في هذا المجال
على كل حال هذه تجربتي مع المقطورات وحبيت بس افتخر في صناعتنا المحليه ذات الجوده العاليه .
حيث ان بعض الاخوان يستعملون مقطورات من ورش عاديه
ومقطورات مستورده وهي غير ملائمه للمناطق الموجوده عندنا
حيث رايت وسمعت انها تهتز على الطرق السريعه وفيها خطر على السياره ومن فيها.
بعد تجربتي وشرائي مقطورة القاضي انا وزملائي وجدت مرادي وشي يلبي حاجاتي ))


سلام

[عبدالهادي المفرج التميمي]

[عبدالهادي المفرج التميمي]

[عبدالهادي المفرج التميمي]

Lugage Trailer.... multipurpose

نوع ثاااني كبير






سلام

[عبدالهادي المفرج التميمي]

هذا موقع في الدائري الشمالي قبل الفحص الدوري على اليمين
مدير المعرض
طـــه عبد الله
0504144844
شغل مرتب بس عاد ما مدحوووهم
والسبب طبعا كلام واحد مجربها وهو منقوول كلامه لكم :

الحقيقة العربه حلوة ومرتبه واسعارها اعتقد تبداء من 2500 الى تقريبا 13 الف ريال صناعه المانيه..
بس ومن خلال تجربه يعلم الله اخرتها رميتها في البر وتبهذلت بعفشي للاسف مشاكلها كثيره
منها انقلاب العربه وزحفانها على جنبها اطارتها صغيرة وصعبه الترهيم لانها المنيوم خاصه لما تكون التضاريس وعره ..
باختصار هي عربه دلع للطلعات الخفيفه .
احسن حاجه تفصيل العربه واختيار الحديد المناسب وجميع ورش الصناعية للحديد والالمنيوم تعملها
وايضا يوجد ورشه متخصصه في صناعيه مخرج 17 المتميز او التميزواحرص على ان يكون المقبض المشبوك في ( الهوك رمانه )
واحذر حتى لو دفعت الفرق ان يكون الاطار اصلي لانه في الغالب يركبوا كوري لان سعره رخيص ..
بس دمار والكفر كلما كان عريض كلما كان ارسى واريح


سلام

[عبدالهادي المفرج التميمي]

وهذا موضوع ثاااني

السلام عليكم يالنشاما
مشاركه بسيطه وهي عباره عن قلص مجهز يتكون من التالي
1-خيمه, ثلاجه, بطاريه, سرير, معلوق ذبيحه، ماصورة كنود 5متر ,طاوله ,قز, تانكي مويه
صور لمحتوياته











سلام