| التعليمـــات |
| التقويم |
|
|
|||||||
 |
|
|
أدوات الموضوع | انواع عرض الموضوع |
|
#1
2009-12-28, 12:37 AM
|
|||
|
|||
رحلهـ الدهناء والصمان (150)صورهـ << وشي يضيق الصدر ويجيب النكد >>
السلام عليكم ورحمة الله وبركاته رحلهـ خطافيه لمدة يومين للدهناء (عرق جهام) والصمان (شقران +المعترضهـ + أم المصران + أم قليب + العمياء) بتاريخ 6/1 إلى 8/1 من سنة 1431لهجرة النبي صلى الله عليه وسلم الأعضاء اللي معي شقرديه ونشاما ====>>>شرواكم صالح وإبراهيم إخوان وخالد ربي لايخلينا منهم ومحاتسيكم بدر (أبو صالح) بالتأكيد تقولون والنعم <<<<واثق :confused: أبو عبدالله "ابراهيم" الله يخليه لعين ترجيه صاك أمها إجازة من دوامهـ ومجهز الغريضات (كل اللي يطري على بالكم جايبه) بغينا نبسط بالبر وإلا نفتح مزاد علني هذولا اللي توصيهم بالأغراض ما هوب واحد نوصيه يجيب خيشتين سكر وخيار بس الموهييييييييم قبل ما نبد بالصور اللي مشغول أو عجل يقفل ويرجع بعدين ويمخمخ ببيالة شاهي أو زنجبيل مع هالبرد وعلى رواقهـ يتصفح (حسسوني إني لقيت شيء يسوى التعب من التقرير) وللعلم تستاهلون والله التعب الموضوع فيه اللي يفرح واللي يوسع الصدر وفيه اللي يتق الخلق ويجيب الهم وضيقة الصدر يعني حاولت إنه يكون جامع وشامل لبعض الأمور اللي تهمنا بالبران بالذات اللي ينكدون على خلق الله بسم الله وعلى بركة الله نبدأ أول ما وصلنا لمكان المبيت لأول ليلهـ بالدهناء حسينا بالبرد الأقشر وقال أبو عبدالله (خالد) عندي لكم دواهـ  بدى يحوف لنا الفريك والحليب بالزنجبيل  بدا الهواء بالزيادهـ وقام التراب يكوح (بوجهـ العدو)  إلى أن بدأ المطر وهجدهـ والحمد لله مطرنا بفضل الله ورحمة  وبدأ الرش يقوى ويزيد  وبدينا نزبن ونجهز الطربال والعشهـ  والعشاء طشتيه يحبها قليبكم  والجوع كافر هاللي خلانا نتكوم حول الطشت  التنظيف بحرص وركادهـ وأبعد المطافيق عنك إذا جيت تشيل الطشت  بغيت أطب سباحي من الريحهـ  كييييييييييف  حيهم يالله سمهم أوووف سموا يالله حيهم  والقومهـ مع شقت النور وأحلى صباح بري  إشراقهـ جميلهـ ورائعهـ وخاقوقيه  تراي ما أسمح لحد يجطل صوري إلا كان ينسبها لي أبد ما هنا إلا حلالكم  والمكان من فوق السيف وتلاحظون إنه زاري بالحيل  مقتطفات من إشراقة الصباح الباكر (جمل متعوب عليها)الله لا يضرني بس  أبو عبدالله والتمغط (طبعاً قلبي مع العدسهـ لا تمصط منه)  يالله ماذا تفعل يازين الدين زيدان (هاجتن به)  ياقلبيه على هالقهوهـ الله لا يخلينا منك أبو إبراهيم مجهزها وحنا نتلها بالتصوير  وأم سالم إلها نغمهـ  وتجهيز الفطور من الشيف أبو إبراهيم (صالح)  والإشراف من أبو عبدالله (خالد) على إن الوضع تمام  وقبل الإفطار جازت لنا هالإشراقهـ  والوضع تمام بهالفنجال الطيب عن الهواء  إفطار يوم الخميس تونه ولحم مفروم يعني بحري وبري ولا الفورسيزن يحط هالنوعين لك  يالله حيهم  جمع الحطب اللي يسدنا إلى الجمعهـ والحرص على اليابس  وفي الطريق ما شاء الله تبارك الله وطتنا سحابة طيبه بالحيل وحنا متجهين إلى شقرآن  والتوقف عند أحد الدحول  وصارت شقران مابها شيء يذكر ولا حتى الباذر وقلنا نطمر لأم المصرآن لعل وعسى  والحمد لله الربيع يسر الناظرين ويأسرهم (بس لا تفرحون واجد) أعلمكم بعدين  ونقينا المكان الطيب  وأخرى للفيضهـ  وتجهيز الغداء من يديني الله يسلمهن  وأهم شيء  وأكتمهـ وأكتم أبوهـ بعد  وجانا هالضيف المليح الله يبارك لراعيهن وقدمنا لهـ بصلهـ  ورفض بشدهـ وزعل وحط فنجالهـ (بصلته) ويابن الحلال وش السالفهـ قال الريحهـ دمار (طرار يتشرط)  وعطيناهـ برتقانه نطيب الخاطر  نرجع لغدانا  وقهوهـ الظهر  إخلاص مع فنجالهـ  وسكري وفنجالهـ  والرز بدأ ينش  قصدرناهـ وكملنا قهوتنا  قلنا نطلق رجلينا على ما بال الغداء يخلص وشفنا هالمناظر اللي تضيق الصدر بقوة من البعض هداهم الله يعني من بيجي وراك يشيلها (شغالتكم) أو عمال البلديه ما أدري ما الفائدهـ من جمعها وتركها هكذا كلها كم يوم وتنشق ويتناثر الوسخ  خذو الثاني بعد يحتري العمال يشيلونها  عاد هذا اللي مالهـ علاج يتقيوا على السدر ناطلها فوق  أما هذولا فلا بد من إبادتهم على الفور وإلا لن تكون العواقب سليمهـ تفحيط ودهس للعشب والربيع وما الفائدهـ لآ أحد يقول طيش شباب أو مراهقين (ما سويناها يومننا كبرهم) وإن كانهم ملزمين بهالأمور ذي عندهم القمامهـ (الثمامهـ)  نرجع للفيضهـ نتمتع بها  والسكك والجرات بكل مكان ما بقي شيء بالروضهـ لم تطأهـ السيارات إلا ما زال ماء  وأبو عبدالله يتحسر على هالتصرفات من البعض هداهم الله  أموت أنا على النظرات الثاقبه ودراسة الوضع الأمني والفكري يا خالد  خلونا نستمتع شوي قبل الغداء والضيقهـ الباقيه  وسكة هنا وسكة هناك  ومحاسيكم يوثق كل كبيرهـ وصغيرهـ لدراسة الوضع  المهم بغينا ننسى الغداء فك القصدير  إنسبببببوووووهـ  مقابل الجيش ولا مقابل العيش ما ينتظرون الواحد يصور  وغروب شمس يوم الخميس  يتبع يتبع أرجو عدم الرد
|
|
#2
2009-12-28, 12:57 AM
|
|||
|
|||
|
والنار من شبابها  وكمان كح  صورهـ رائعهـ من خالد أبو عبد الله (مواهب مدفونه)  لحظات تأمل بوداع هذا اليوم  وهذي لحظات تفكر ==== ما أدري وش الفرق  يا شمس يا شمس لالالاهـ تغيبي  وتضيق الصدر مرة أخرى لراعي دتسن لعب بالطين ما نقول إلا الله يهديه  البرد زاد وبدت السقان تصافق  وزد الحطب  وبيالة شاي مخدر لهـ ساعهـ مع سماحتي  والبرد دواهـ الزنجبيل  وكمان قين  الله يكفينا شرها  يالله رحمتك يارب والنجاة من النار  قصدير أبو عبدالله خالد للعشاء (مشروع تسمين الرحلهـ) قايل لكم الأغراض واجدهـ  والإتقان بالعمل الله يسلم يديهـ  واضح الشغل ذمة ما فيه أي تنسيم  ياسلام تكفي لو مرقتها  واضح الطلول أو الصقيع أو الندى كلن يختار اللي يبي  وتجمدهـ على العشب  وبرضوا وحدهـ أخرى  إشراقة شمس يوم الجمعهـ  . . .  . . .  البدأ بيوم جديد  والتدحمل واجب وطيب للدفأ  وهذا المكان للي أزعجونا بغناهم وطربهم (هداهم الله) وما قصروا طلبنا منهم إغلاقهـ ونفذو الأوامر بس ودي أعرف وشلون يجلسون دقيقة ومكانهم كذا والله يا سبدي تحوم من الشكل  المهم نرجع لشمس هذا اليوم أبرك بس لا نحش بهم  والقهوهـ تقلب  بررررررررررد ملبسينها الشال لا يجيها أبا الوجيه  ولا زال العشب مجمد بعضهـ  الله يحرم وجيهنا ووجيهكم ووالدينا عن النار  يالبي قلبك أبو ابراهيم  بالله تصبو هالقهوهـ وزيدوها هيل (حرقان) على طول من الهيل  والإفطار على هالحميس  والحبحر شر لا بد منه  أممممممممممم  كلش جاهز  إقلطوا  والاستمتاع بالصباح الباكر  وكلن يدور رزقهـ  وش عندك يالأخو تصور المحارم  ما أدري تقول بربري أو نعيم والشكل مهجن  اللي رزقهـ فوق  أو اللي رزقهـ تحت  لقطهـ جماعيه كوكتيل غنمايه  وفجأة ظهر لنا باقيرا مدري قرنق  وش عندكم وشيك على النوايا ولقاها سليمهـ أشوى  وحليبه من أمها  ويلوح بيدهـ الكريمهـ  وضيوف البارح ما تنعطى وجهـ جت ناصيه لنا  ودييييييييييييييينه  وعناق عقب فرقى من أمس بس  قم الله يصلحك ذولا ما وراهم شيء  يالله لا تزعلين لقمهـ مشتركهـ  هنا مربط الفرس كل هالتدليع نبي هالحليبه منتس ما هوب حباً بتس  يالله دري عاد  وبسرعهـ الجيكهـ  وتمغيط الرجلين عقب هالحليب والفطور  للأسف المناظر بكثرهـ هذهـ القذارهـ والوساخهـ اللتي تدل على قلت الوعي لدى البعض بل وتعكس ما في بيوتهم هذهـ الأمور  أقول وسعوا صدوركم بس خذو هالمنظر بس  والمنظر ذا بعد  تجهيز الغداء  تششششششششششش  الوميه لا زم تدور  توها البخار ما قضى  كبسهـ كبسسسسسسسسسسسسسسهـ  بسم الله  وعلى أم قليب أنظف من أم المصران  . . .  ومن ثم العمياء  . . .  . . . وبرضوا نظيفهـ وعسى الله يسلمها من العابثين  وغروب أخر يوم للكشته يوم الجمعهـ  لحظات وداع نودعكم بها  خلاص ما قلنا وداع ما بقي كثر اللي راح  وفي الختام تقبلوا تحياتي وسامحونا على القصور وإهداء للبراري  والتي أرجوا أن لايزول هذا الجمع المبارك في البراري كمثل ذوبان الندى مع على قزاز سيارتي (أصلح خطيب جمعهـ) دمتم بحفظ الله ورعايته جميعاً
|
|
#3
2009-12-28, 01:37 AM
|
|||
|
|||
|
الله يعطيك العافية على هذا الجهد والتقرير المفيد رحلة عليها العلم والصور والأكلات ما فيها كلام ولسان حال الحوار والله يانتم ما تخلّون أحد بحاله
|
|
#4
2009-12-28, 01:40 AM
|
|||
|
|||
|
وعليكم السلام ورحمة الله وبركاته ،،،
|
|
#5
2009-12-28, 06:25 AM
|
||||
|
||||
|
يارباااااااااااااااه طلعة خطييييييييييييييرة فارس عوض على غفلة يازين طلعة البر زينااااااااااااااااااه ما شاء الله تبارك الله يا ....... ما أعرف أقرأ برتغالي بس أكيد إنكم شقردية ، وهالأسبوع إن كتب الله بالصمان وضواحيها
|
|
#8
2009-12-28, 07:32 AM
|
||||
|
||||
|
الله يجزاك خير أخي أبوصالح على هذه الرحلة الرائعة والجميلة
|
|
#9
2009-12-28, 09:09 AM
|
||||
|
||||
|
كفو والله اخوي رحال على هذا التقرير وزاده جمالاً تعليق الرائع والصور الجميلة رحلة رائعة وما شاء الله عليكم كلها فنك * فنك جعله بالعافية وين ابو يوسف ما راح معك مسيكين خليتوه لحاله
|
|
|
|
العرض العادي
