انتصار ضب .... انتصار ضب.....!!!

[ملقاط]

انتصار ضب
موسم الضبان
هين هين يالضبان



يتحدثون كثيراً هذه الأيام عن نفوق الضبان بسبب الصيد الجائر
وهنا شاعرنا الكبير الأستاذ سليمان بن عبد العزيز الشريف يتوجه إلى الهيئةالوطنية لحماية الحياة الفطرية ويوجه رسالة إلى الشباب من هواة هذا النوع من الصيد بهذه القصيدة الفاكهية الهادفة..

لقيت لي ضب وحاولت اصيده....قلت اظهراغديك رزوعصيده
واسمعك من عقب هذاقصيده..... لا شك عيا قال مــــــــــانيب لله
قعدت انا واياه خذها وذقها ..... وفيوز صبري من عناده حرقها
والزهبة اللي في جرابي سرقها.... قال انقلع عظني مقفاك يالله
اخذت حالي قلت والله لا ربيك ...من عكرتك ياضب لازم اعريك
لا تحسب ان الجحر عني يذريك..... خل المعاند عنك ياضب خله
قال انت وش بيني وبينك تبلان..... وتذكرن في قصة فلان وفلان
كم حاولوا قبلك وذاالراس مالان ...ما اطيعك الا كان بالراس خله
قعدت افكر ساعة ويش اسوي.... واحترت ما ادري اينا اللي مهوي
والضب عني محتمي ومتقوي ...... يقول سيفك كان تقدر فسله
عز الله اني طحت لي في مطمه.... يالعنبو هالضب لا رحمت امه
قام يتحداني ولانيب يمه ....... اخطيت بهجومي عليه بمحله
ياخوفتي من كثرة القيل والقال .... ياحيف كيف الضب عجز برجال
ذاالسالفه يالربع دايم البال ..... وش رايكم لو ننشره بالمجله
بعض النفوس ان كان ربي هداا.. عرفت خطاها وانهت ماتعله
لعل بعض الناس يدرك مداها.... باذهانهم تبقى يلعلع صـــــــــداها
ياصايد الضبان وش بك عليها ... تركض وراها دايم مبتليها
تبي اللحم ؟ عليك بولد بليهان ...اونجدي مثنى من الضان تله
كم واحد راح بسبب صيد ضبان ...اما بلسعة عقرب او لدغ ثعبان
او بالصحاري تاه ظامي وتعبان..... الماء قضى ولابه احد يدله
قام يتشهد يوم شرف على الموت.. والموت حق ومالحي عنه فوت
لا شك موت يشبه الموت كتكوت ..باسباب ضب فيه غبن ومذله
مامن وراء الضبان ياناسعيشه ...... خص اللي شحت عليها المعيشه
خلوا لها باقي حياته تعيشه ........ ولا تزيدونه على الطين بله




ملقوووووط

[عبدالهادي المفرج التميمي]

يازين لقطااااااااتك

تسلم يمينك وصح لسااااااان الشاعر


مشكووووووووووور






سلام

[سويتز]

بارك الله فيه
ذكرتنا با الضبان
يا زينهاااا

[النمر]

مشكور اخوي ملقاط على هذه القصيده الطريفه ..

و على قولتك هين هين يالضبان >>>>>>> بس باقي شوي عليها ..

سلالالام ..

[أبو ثابت]

تسلم يمينك على الموضوع والقصيدة والصورة ..


وبمناسبة قدوم موسم الضبان .. لابد من التعمق أكثر في هذا الموضوع ؟

[مفتون صيد]

صح لسان الشاعر وزي ما قالوا بعض الاخوان ....لابد من رحمة هذا الحيوان من الانقراض قبل فوات الاوان ...............

[مرافق النشاما]

تسلم يااا ملقاااط

صوره رااائعه

وقصيده اروع

ربي يسلمك

ريف النشااامااا

[الرومنسي]

مشكوررررررررررررر علي المشاركه وقصيده جيده

[هاوي بر]

ابيات وقصايد جميله


مشكور وما قصرت


الله يعطيك العافيه

[منصور المناع]

الله يجزاك خير أخوي ملقاط

ومشكور على الموضوع الجميل

وشوقتنا لطلعات الضبان