كل شي مايجي في الامر خيرة

[الركام]

كل شي مايجي في الامـر خيـرة
لا تدور شي مالـك فـيـه حيـلــه

لا تسخط و لا تصـيبـك اي حيرة
ماكتـب ياتـيك في اية وسيـلــه

كـل شـي عند عـلام السـريـرة
مـايقدر مـايجي لك عنه مـيـلـه

بالكتاب مسطر وفي وسط سيره
ان مـاياتـيـك مـاتـقـدر تـزيـلــه

والقضاء سـلـم بشره او بخـيـره
والنعيم رضاك يكتب لك فضيله

عش حياتك سالم تلقى ذخيـره
يوم تحشر يومهـا تلقى حصيلـه

مر تسـعـد ومـر ايامـك عسيـرة
والحياة سنينـهـا ماهي طـويـلـه

ان جمعت اموال في الدنيا كثيرة
قلت يوم الحشر ليت انها قليلـه

كل اعمـالـك كبـيـرة او صغيـرة
في سجـلـك بين يظهـر دلـيـلـه

اغتـنـم دنياك مادامت سفـيـرة
قـبـل يـتبـرا خلـيـل من خـليـلـه

الركام

[بقآيآ .. حرف]

أغتنم دنياك ما دامت سفيره

صح الله لسانك يابو سعود
ابدعت يالغالي لا عدمناك
كل التحايا

[ابن حماد]

صح لسانك يابو سعود قصيده جزله من شاعر جزل

[خالد بن منشار]

الله عليك

صح لسانك مليون ولا يسدون

لاهنت

نص مليء بالحكم

شكرا